najme
01-30-2020, 01:19
اكيد انت سمعت بالبلاك فرايداي او يوم الجمعة الاسود وقصته هو انه
في سنة 1869 حصل في كساد كبير في السوق الامريكي ترتب عليه أزمه اقتصاديه كبيره ادت الي تراكم البضائع فالمخازن وعلي رفوف المحلات التجاريه وتوقف عمليات البيع والشراء. وقتها التجار وأصحاب رؤوس الاموال حاولو يشوفو حل سريع وعاجل للأزمه قبل ما تتفاقم لغاية ما اتفقو علي فكره انهم يحددو يوم يعملو فيه عروض وتخفيضات كبيره وغير مسبوقه ممكن توصل ل 90% ويضحو بانهم يخسرو خساره صغيره أحسن من خساره أكبر والسوق تمشي والبضايع اللي مركونه فالمخازن بدل ما تهلك تتباع بأي سعر. وعليه اختارو يوم الجمعه اللي بعد عيد الشكر اخر جمعه فشهر نوفمبر والاختيار كان موفق لانه موسم أعياد وبعده الكريسماس اللي المجتمع الامريكي بيشتري فيه هدايا عشان بابا نويل للأسف مش بييجي.
اليوم نجح نجاح كبير جدا وعمل ضجه كبيره وصيت فالمجتمع الأمريكي فبقي تقليد وبيتكرر كل سنه ومن هنا بدأت قصة البلاك فرايداي.
لكن تسمية اليوم بالبلاك فرايداي تحديدا مرتبطبتش بيه من اول ما اتعمل .فترجع تسمية اليوم بالاسم ده لسنة 1960 لشرطة المرور في ولاية فيلاديفيا الامريكيه اللي كانو بيتداولو الاسم بينهم وسموه الاسود لان حركة المرور كان شبه بتقف فاليوم ده بسبب زحمة الناس فالشوارع علي المحلات والاسواق وده السبب الحقيقي مش أي سبب تاني وراءه محافل الماسونيه او حد بيتأمر علي يوم الجمعه.
انتشار فكرة البلاك فرايداي
بعد النجاح الكبير اللي حققه اليوم فأمريكا لأصحاب المحلات الكبيره من دعايا وتنشيط للسوق وللمواطنين بالاستفاده من التخفيضات الكبيره واللي بالمناسبه بتبقي تخفيضات حقيقيه.. بدأ اليوم بالانتشار خارج أمريكا مع نهاية القرن العشرين وبداية القرن الواحد وعشرين فانتقل لاروبا ولاقي نجاح كبير وبعدها عملت بيه مواقع التجاره الالكترونيه زي amazon و e bay واللي أدي الي رواج البلاك فرايداي في كل أنجاء العالم بسبب التجاره الالكترونيه.
وفي سنة 2014 كان دخول تقليد البلاك فرايداي للسوق المصري من خلال موقع سوق دوت كوم وجوميا وكان اول ظهور لمصطلح الجمعه البيضا لان يوم الجمعه مرتبط بمناسبه دينيه للمسلمين. ومن بعده اكتر المحلات الكبيره والبراندات بدأو يعملو تخفيضات أو يعملو انهم بيعملو تخفيضات في اليوم ده واستمر حتي اليوم.
يعتبر انجح تطبيق للبلاك فرايداي في مصر من وجهة نظري كان 2016 وده بسبب انه جه بعد التعويم اللي أدي الي ارتفاع مفاجيء في الأسعار بسبب ارتفاع سعر الدولار من 8 ال 18 جنيه خلال شهر. ولان فيه بضاعه كتير كانت قبلها فالمخازن بالسعر القديم فكانت فرصه انها تتباع بسرعه وفنفس الوقت يبقي عليها تخفيضات فكسبو والناس وفرت وكله بقي سعيد ومبسوط.
ازاي تستفيد من البلاك فرايداي..؟ الملحوظ سنه عن سنه ان موضوع البلاك فرايداي بينتشر أكتر فالسوق المصري واللي مش بس بقي بس فالمواقع الالكترونيه زي سوق وجوميا بقي علي مستوي كل البراندات والاسواق الكبيره زي كارفور. انتا ممكن تستفيد بأنك تحدد محتاج تشتري ايه وتعمل لفه علي سوق وجوميا وغيرهم أو تنزل المولات تتفرج عالعروض وتخلي بالك لان الموضوع فيه دحلابين بيجرو رجلك بالبلاك وماهم ببلاك.
لو فاهم فالشرا اونلاين من أمريكا فممكن تستفيد وتوفر كتير بس بشرط تكون فاهم ومجرب او تخوض التجربه بريسك قليل لان الموضوع علي قد ما هو مفيد ومجدي الا ان فيه تعقيدات جمارك وتوصيل ممكن توصل لضعف تمن المنتج اللي انتا شاريه فخلي بالك.
ادعمنا بشكر إذا شايف ان المنشور مفيد.
في سنة 1869 حصل في كساد كبير في السوق الامريكي ترتب عليه أزمه اقتصاديه كبيره ادت الي تراكم البضائع فالمخازن وعلي رفوف المحلات التجاريه وتوقف عمليات البيع والشراء. وقتها التجار وأصحاب رؤوس الاموال حاولو يشوفو حل سريع وعاجل للأزمه قبل ما تتفاقم لغاية ما اتفقو علي فكره انهم يحددو يوم يعملو فيه عروض وتخفيضات كبيره وغير مسبوقه ممكن توصل ل 90% ويضحو بانهم يخسرو خساره صغيره أحسن من خساره أكبر والسوق تمشي والبضايع اللي مركونه فالمخازن بدل ما تهلك تتباع بأي سعر. وعليه اختارو يوم الجمعه اللي بعد عيد الشكر اخر جمعه فشهر نوفمبر والاختيار كان موفق لانه موسم أعياد وبعده الكريسماس اللي المجتمع الامريكي بيشتري فيه هدايا عشان بابا نويل للأسف مش بييجي.
اليوم نجح نجاح كبير جدا وعمل ضجه كبيره وصيت فالمجتمع الأمريكي فبقي تقليد وبيتكرر كل سنه ومن هنا بدأت قصة البلاك فرايداي.
لكن تسمية اليوم بالبلاك فرايداي تحديدا مرتبطبتش بيه من اول ما اتعمل .فترجع تسمية اليوم بالاسم ده لسنة 1960 لشرطة المرور في ولاية فيلاديفيا الامريكيه اللي كانو بيتداولو الاسم بينهم وسموه الاسود لان حركة المرور كان شبه بتقف فاليوم ده بسبب زحمة الناس فالشوارع علي المحلات والاسواق وده السبب الحقيقي مش أي سبب تاني وراءه محافل الماسونيه او حد بيتأمر علي يوم الجمعه.
انتشار فكرة البلاك فرايداي
بعد النجاح الكبير اللي حققه اليوم فأمريكا لأصحاب المحلات الكبيره من دعايا وتنشيط للسوق وللمواطنين بالاستفاده من التخفيضات الكبيره واللي بالمناسبه بتبقي تخفيضات حقيقيه.. بدأ اليوم بالانتشار خارج أمريكا مع نهاية القرن العشرين وبداية القرن الواحد وعشرين فانتقل لاروبا ولاقي نجاح كبير وبعدها عملت بيه مواقع التجاره الالكترونيه زي amazon و e bay واللي أدي الي رواج البلاك فرايداي في كل أنجاء العالم بسبب التجاره الالكترونيه.
وفي سنة 2014 كان دخول تقليد البلاك فرايداي للسوق المصري من خلال موقع سوق دوت كوم وجوميا وكان اول ظهور لمصطلح الجمعه البيضا لان يوم الجمعه مرتبط بمناسبه دينيه للمسلمين. ومن بعده اكتر المحلات الكبيره والبراندات بدأو يعملو تخفيضات أو يعملو انهم بيعملو تخفيضات في اليوم ده واستمر حتي اليوم.
يعتبر انجح تطبيق للبلاك فرايداي في مصر من وجهة نظري كان 2016 وده بسبب انه جه بعد التعويم اللي أدي الي ارتفاع مفاجيء في الأسعار بسبب ارتفاع سعر الدولار من 8 ال 18 جنيه خلال شهر. ولان فيه بضاعه كتير كانت قبلها فالمخازن بالسعر القديم فكانت فرصه انها تتباع بسرعه وفنفس الوقت يبقي عليها تخفيضات فكسبو والناس وفرت وكله بقي سعيد ومبسوط.
ازاي تستفيد من البلاك فرايداي..؟ الملحوظ سنه عن سنه ان موضوع البلاك فرايداي بينتشر أكتر فالسوق المصري واللي مش بس بقي بس فالمواقع الالكترونيه زي سوق وجوميا بقي علي مستوي كل البراندات والاسواق الكبيره زي كارفور. انتا ممكن تستفيد بأنك تحدد محتاج تشتري ايه وتعمل لفه علي سوق وجوميا وغيرهم أو تنزل المولات تتفرج عالعروض وتخلي بالك لان الموضوع فيه دحلابين بيجرو رجلك بالبلاك وماهم ببلاك.
لو فاهم فالشرا اونلاين من أمريكا فممكن تستفيد وتوفر كتير بس بشرط تكون فاهم ومجرب او تخوض التجربه بريسك قليل لان الموضوع علي قد ما هو مفيد ومجدي الا ان فيه تعقيدات جمارك وتوصيل ممكن توصل لضعف تمن المنتج اللي انتا شاريه فخلي بالك.
ادعمنا بشكر إذا شايف ان المنشور مفيد.