دعوه للنقاش حول انك كيف تعرفت علي الفوركس ؟

[Maro3030]

السلام عليكم ورحمة الله وبركاته
انا تعرفت في البدايه عن الفوركس من أحد أصدقاءي وأخذت الفكره منه ولكن انا اعتمدت علي نفسي في مجال الفوركس وحاولت أن اتعلم من وسائل التعليم المختلفه من علي الإنترنت وانت كيف عرفت الفوركس ومن الذي علمك في الدخول الي هذا المجال
والسلام ختام.

[lolosalah]

السلام عليكم ورحمة الله وبركاته
مكنتش اعرف اي حاجة عن الفوركس كنت بشوف اعلاناته وفاكره زي مواقع الربح والاعلانات والكلام دا ومكنتش مكلفة نفسي 5 دقائق اعرف ايه هو لحد ما صديقة عزيزة عليا مغتربة عن مصر وعايشة في الصين كلمتني في مره وقالتليي بدل ما انتي قاعدة عل النت بتلعبي خدي الكتاب دا اقراه ولو عجبك هبعتلك كتب تانيه وادتني فكره سريعه عنه كدا المهم الكتاب دا كان كتاب الحج ميرفي المهم مسكت الكتاب في يومين قريته لقيت نفسي بقراه تاني وتالت استنيت صديقتي تدخل اون لاين عشان تديني كتب تانيه لكنها مدخلتش تاني اون لاين ( اتمني تكون بخير ) دخلت انا بقي علي جوجل واتعاملت وفضلت منتدات تشيلني وتحطني وسجلت في كذا شركة منهم شركة بدون ذكر اسامي لانه ممنوع لما سجلت فيها لقيت واحده بتكلمني وبتشرحلي في مزايا الشركه وبتزن عليا ان ابعتلهم فلوس عشان ابدأ مضاربه غلبت فيها يا ست انا لسة مبتدئة وهي مفيش فايده كل شويه اتصال صراحه قلقت وقلت شكله الحوار فيه نصبايه وكنت هكبر دماغي من الموضوع كله لحد ما لقيت منتدي فورك العرب بمكتبته الغنيه بالعلم الفوركسي وفيديوهات اللي فتحتلي طريق الفوركس وذللتلي كل الصعاب ثم الاعضاء المحترمين وطاقم العمل والخبراء اللي مبخلوش عليا باي معلومه والحمد لله بقالي شهر ليل ونهار فوركس لحد ما بدأت احس انى مدمنة

[RAHIME DZ]

السلام عليكم ورحمة الله تعالى وبركاته
اول مرة كان مع المنتدى في 2013 التقيت بالاعلان صدفة عجبتني الفكرة دخلت في للعمل على البونص لم افتح حساب حقيقي ولكني توقفت مدة و اتجهت للتداول على العملات الرقمية و لكن لا انسى تعلمي و تداولي اول مرة
تقبلو مروري موفقين

[Abdullah81]

واحد كام بيستثمر اموال الناس وكان بيحقق ربح كويس سألت وعرفت انه شغال فى الفوركس
ابتديت اتعلم عشان ابقى زية واعمل ارباح من الفوركس وفى ناس كتير كانت معايا واشتغلوا كمان فى الفوركس

[Eslam Mohammed Helal]

تعرفت على الفوركس فى البداية من خمسة عشرة عاما ولكنى لم اكن املك الحماس الكافي له تعلمت بعض الاشياء كالبرايس اكشن والترند لاين ولكنى لم اكمل بسبب عدم وجود الحماس وانشغالى فى العمل
عدت له مره اخري من سنه حينما كنت مهتما بالعملات الالكترونيه ولكنى عندما وجدت سوق العملات الالكترونيه ينهار اتجهت للفوركس فعشقت التحليل الفنى واسواق المال واصبح شغلي الشاغل هو اتقان هذه المهنه الرائعه
كل يوم احرز تقدم فى المجال واري ان الحلم يقترب بشكل اكبر

[sherif hussein]

في الحقيقة كنت اشاهد اعلانات الشركات على الانترنت تظهر على جوانب المواقع ... و كانت مغريه بعض الشي ولكني كنت دائما فاقد الثقة في الاعلانات دي و كان من ضمن الاعلانات ضيغته كالتالي : هل رايت احمد لقد حول ١٠٠ دولار الي ٣٥٠٠ دولار في غصون اسبوعين ... صراحة حبيت اشوف بس ازاي حولهم و ايه الطريقة

و في يوم جمعه قرأت اعلان عن شركة تطلب مراقبين شاشات اسعار بالبورصه
تقدمت لهذه الشركة و من هنا بدأت رحلة الفوركس
ما بين خسارة ومكسب ...

شكرا لك