sherif hussein
03-13-2020, 20:29
السلام عليكم ورحمة الله وبركاته
أود في البداية أوضح أنني مازلت في بداية مشواري في سوق الفوركس
وعاوز أوضح وننقاش ما يحدث معنا في سوق من صراع نفسي للوصول لنصائح تساعدنا على النجاح في هذا الميدان الصعب
من وجهة نظري أن العمود الفقري لتجارة الفوركس هو النفسية ثم النفسية ثم النفسية ، فلو المتاجر قدر يتحكم في أعصابه ونفسيته أثناء الصفقة فسوف يحقق الربح مع الاستمرارية بإذن الله ...
هوضح ما يحدث في السوق
الواحد يفتح الشارت ويبدأ يضع التمبلت المخصص لاستراتيجية متاجرته ويبدأ ينتظر الفرصة وبعد تكون الفرصة يبدأ يشوف قيمة اللوت اللي هيدخل بيه الصفقة بناء على استراتيجية رأس المال الخاصة بيه ( لحد هنا تمام )
ونبدأ نحدد نقطة الدخول والخروج والهدف والاستوب ولنفترض إن صفقة هدفها 20 نقطة واستوبها 10 نقاط
ونبدأ دخول الصفقة ( ومع البداية يبدأ الصراع النفسي والسؤال البديهي هل الصفقة هتنجح ولا لأ ...؟! )
ويبدأ السعر في التحرك نحو الهدف من أول نقطة دخول ويتحرك 10 نقاط ليبدأ نوع تاني من الصراع النفسي
( صراع الخوف على الربح ) يا ترى أقفل الصفقة ولا أكمل للهدف وفي أثناء هذا الصراع تبص تلاقي السعر بيتراجع لنقطة الدخول يعني العشر نقاط بقوا صفر فتلوم نفسك يا ريتني كنت قفلت على العشر نقاط وبعد كده يتراجع السعر أكثر فتلاقي خسارة 5 نقاط شوية تلاقي خسارة 7 نقاط والسعر بيقرب من الاستوب ويبدأ نوع ثالث من الصراع وهو ( صراع الخوف من الخسارة ) وتبدأ النفسية بقي وتقول طب أحرك الاستوب يمكن السعر يرجع ويكسبني ( وهنا بداية الخسائر ) لعدم الالتزام .
ولكن قررت عدم تحريك الاستوب وتبص تلاقي السعر ضربلك الاستوب ال 10 نقاط وخرجت خسران من الصفقة
( طبعا هتحس إن الدنيا أسودت في عينك ) وياسلام لما تبص تلاقي السعر بعد ضرب الاستوب وخروجك من الصفقة يبدأ يتحرك في اتجاه هدفك مش كده وبس لأ ويحقق الهدف كمان بس بعد ما تكون خرجت من السوق بخسارة
( مش عارف أوصلكم إحساسنا بيبقي عامل إزاي ساعتها )
نبدأ نبحث عن فرصة تانية ( والمرة دي هندخل الصفقة بنفسية ضعيفة شوية مما حدث في الصفقة الأولى ) المهم ندخل صفقة تانية ويبدأ السعر يتلاعب بأعصابنا صعود وهبوط لحد ما يقرب من الأستوب ( فنقرر نبعد الاستوب شوية يمكن يرتد ويكسبني زي ما ارتد الصفقة اللي فاتت فنحرك الاستوب ( وطبعا ده مخالفة لإدارة رأس المال ) فينزل السعر أكتر ويضرب الاستوب
نبدأ البحث عن صفقة ثالثة ( والمرة دي هندخل بنفسية الانتقام من السوق ) هنلاقي نفسنا بندخل الصفقة
دي بعشوائية في كل حاجة وبرضه نخسر
نقرر بعدها بسبب الخوف عدم دخول الصفقة القادمة ونلاقي الصفقة دي هي الرابحة واللي كانت ممكن تعوضنا الخسائر السابقة )
ويبدأ الانهيار النفسي جزء بــ جزء
1- التشاؤم من السوق
2- نقول سوق نصب ولن يحقق أحد فيه الربح
3- السوق ماشي عكسنا ( كل ما أبيع السعر يطلع وكل ما أشتري السعر ينزل ) ولما يضرب الاستوب يرجع يروح للهدف
4- التشكيك في الاستراتيجية والبحث عن استراتيجيات أخري ( وهنا يبدأ التشتت بين ملايين الاستراتيجيات )
فمهما كانت قوة الاستراتيجية فالنفسية هي الأساس
فأرجو من أساتذتنا الكرام ومن لهم خبرة في السوق ( فأكيد تجاوزتم هذه المرحلة ) ، عاوزين من واقع التجربة
العملية نعرف حلول القضاء على الصراع النفسي في الفوركس وننقاش هذه الحلول للوصول لأفضل النتائج
وأبدأ بنفسي رغم أنني لست أهل لذلك وفي هذا المنتدى عمالقة في الفوركس :
رأيت أن من حلول التغلب على النفسية : ( وهو ما أعمل به الآن )
1- كثرة التدريب ودخول الصفقات
لازم نشاهد الصفقة ونتابع تلاعب السعر لإن في بعض الأخوة قالولي أفضل حل للنفسية دخول الصفقة ثم غلق الكمبيوتر ثم نفتحه بعد مرور عدة ساعات ونرى ماذا حدث للصفقة ( فهذا ليس حل بل الحل مواجهة السعر ومشاهدة تلاعبه بأعصابنا عشان نتعود على حركاته ومنظره فالفوركس عامل زي فيلم الرعب اللي بنخاف ونتفاجئ من مشاهدته أول مرة ولكن مع كثرة مشاهدته يتلاشى الخوف إلى الاختفاء نهائيا أو زي المباراة العصيبة فبيبقي في توتر أثناء المشاهدة ولكن بعد نهاية المباراة ومشاهدة الإعادة بينتهي عامل النفسية ( ورغم إن النفسية تعتمد على التشويق بس مش على حساب فلوسنا في الفوركس )
والتدريب يكون على حساب حقيقي ( وبمبلغ صغير ) لأن التجريبي فاشل في هذه النقطة
عشان كده الناس بتنجح في التجريبي وتفشل على الحقيقي بسبب النفسية
إذن الحل الأول في كثرة التدريب ودخول الصفقات
تقبلوا تحياتي ،،، أرجو من الخبراء وأصحاب سنوات الخبرة إفادتنا بهذا الموضوع
أود في البداية أوضح أنني مازلت في بداية مشواري في سوق الفوركس
وعاوز أوضح وننقاش ما يحدث معنا في سوق من صراع نفسي للوصول لنصائح تساعدنا على النجاح في هذا الميدان الصعب
من وجهة نظري أن العمود الفقري لتجارة الفوركس هو النفسية ثم النفسية ثم النفسية ، فلو المتاجر قدر يتحكم في أعصابه ونفسيته أثناء الصفقة فسوف يحقق الربح مع الاستمرارية بإذن الله ...
هوضح ما يحدث في السوق
الواحد يفتح الشارت ويبدأ يضع التمبلت المخصص لاستراتيجية متاجرته ويبدأ ينتظر الفرصة وبعد تكون الفرصة يبدأ يشوف قيمة اللوت اللي هيدخل بيه الصفقة بناء على استراتيجية رأس المال الخاصة بيه ( لحد هنا تمام )
ونبدأ نحدد نقطة الدخول والخروج والهدف والاستوب ولنفترض إن صفقة هدفها 20 نقطة واستوبها 10 نقاط
ونبدأ دخول الصفقة ( ومع البداية يبدأ الصراع النفسي والسؤال البديهي هل الصفقة هتنجح ولا لأ ...؟! )
ويبدأ السعر في التحرك نحو الهدف من أول نقطة دخول ويتحرك 10 نقاط ليبدأ نوع تاني من الصراع النفسي
( صراع الخوف على الربح ) يا ترى أقفل الصفقة ولا أكمل للهدف وفي أثناء هذا الصراع تبص تلاقي السعر بيتراجع لنقطة الدخول يعني العشر نقاط بقوا صفر فتلوم نفسك يا ريتني كنت قفلت على العشر نقاط وبعد كده يتراجع السعر أكثر فتلاقي خسارة 5 نقاط شوية تلاقي خسارة 7 نقاط والسعر بيقرب من الاستوب ويبدأ نوع ثالث من الصراع وهو ( صراع الخوف من الخسارة ) وتبدأ النفسية بقي وتقول طب أحرك الاستوب يمكن السعر يرجع ويكسبني ( وهنا بداية الخسائر ) لعدم الالتزام .
ولكن قررت عدم تحريك الاستوب وتبص تلاقي السعر ضربلك الاستوب ال 10 نقاط وخرجت خسران من الصفقة
( طبعا هتحس إن الدنيا أسودت في عينك ) وياسلام لما تبص تلاقي السعر بعد ضرب الاستوب وخروجك من الصفقة يبدأ يتحرك في اتجاه هدفك مش كده وبس لأ ويحقق الهدف كمان بس بعد ما تكون خرجت من السوق بخسارة
( مش عارف أوصلكم إحساسنا بيبقي عامل إزاي ساعتها )
نبدأ نبحث عن فرصة تانية ( والمرة دي هندخل الصفقة بنفسية ضعيفة شوية مما حدث في الصفقة الأولى ) المهم ندخل صفقة تانية ويبدأ السعر يتلاعب بأعصابنا صعود وهبوط لحد ما يقرب من الأستوب ( فنقرر نبعد الاستوب شوية يمكن يرتد ويكسبني زي ما ارتد الصفقة اللي فاتت فنحرك الاستوب ( وطبعا ده مخالفة لإدارة رأس المال ) فينزل السعر أكتر ويضرب الاستوب
نبدأ البحث عن صفقة ثالثة ( والمرة دي هندخل بنفسية الانتقام من السوق ) هنلاقي نفسنا بندخل الصفقة
دي بعشوائية في كل حاجة وبرضه نخسر
نقرر بعدها بسبب الخوف عدم دخول الصفقة القادمة ونلاقي الصفقة دي هي الرابحة واللي كانت ممكن تعوضنا الخسائر السابقة )
ويبدأ الانهيار النفسي جزء بــ جزء
1- التشاؤم من السوق
2- نقول سوق نصب ولن يحقق أحد فيه الربح
3- السوق ماشي عكسنا ( كل ما أبيع السعر يطلع وكل ما أشتري السعر ينزل ) ولما يضرب الاستوب يرجع يروح للهدف
4- التشكيك في الاستراتيجية والبحث عن استراتيجيات أخري ( وهنا يبدأ التشتت بين ملايين الاستراتيجيات )
فمهما كانت قوة الاستراتيجية فالنفسية هي الأساس
فأرجو من أساتذتنا الكرام ومن لهم خبرة في السوق ( فأكيد تجاوزتم هذه المرحلة ) ، عاوزين من واقع التجربة
العملية نعرف حلول القضاء على الصراع النفسي في الفوركس وننقاش هذه الحلول للوصول لأفضل النتائج
وأبدأ بنفسي رغم أنني لست أهل لذلك وفي هذا المنتدى عمالقة في الفوركس :
رأيت أن من حلول التغلب على النفسية : ( وهو ما أعمل به الآن )
1- كثرة التدريب ودخول الصفقات
لازم نشاهد الصفقة ونتابع تلاعب السعر لإن في بعض الأخوة قالولي أفضل حل للنفسية دخول الصفقة ثم غلق الكمبيوتر ثم نفتحه بعد مرور عدة ساعات ونرى ماذا حدث للصفقة ( فهذا ليس حل بل الحل مواجهة السعر ومشاهدة تلاعبه بأعصابنا عشان نتعود على حركاته ومنظره فالفوركس عامل زي فيلم الرعب اللي بنخاف ونتفاجئ من مشاهدته أول مرة ولكن مع كثرة مشاهدته يتلاشى الخوف إلى الاختفاء نهائيا أو زي المباراة العصيبة فبيبقي في توتر أثناء المشاهدة ولكن بعد نهاية المباراة ومشاهدة الإعادة بينتهي عامل النفسية ( ورغم إن النفسية تعتمد على التشويق بس مش على حساب فلوسنا في الفوركس )
والتدريب يكون على حساب حقيقي ( وبمبلغ صغير ) لأن التجريبي فاشل في هذه النقطة
عشان كده الناس بتنجح في التجريبي وتفشل على الحقيقي بسبب النفسية
إذن الحل الأول في كثرة التدريب ودخول الصفقات
تقبلوا تحياتي ،،، أرجو من الخبراء وأصحاب سنوات الخبرة إفادتنا بهذا الموضوع