Hossam Ahmed Mohamed
03-24-2020, 00:06
شرح ببساطه لاداره راس المال للمبتدئين... هشرحلك ببساطه ...انت تشوف إجمالي المبلغ اللي معاك وتقسمه على عدد الصفقات اللي انت ممكن تخسرها على التوالي وده يرجع لخبرتك ..مثلا وده كمثال فقط ...معاك 200 دولار لو قلت ان كل صفقه هتحدد استوب 20 دولار مثلا... وطبعا كل صفقه بيتحددلها استوب على حسب حاله الصفقه ..فبالتالي انت لو خسرت 10 صفقات ورا بعض هتتمرجن ..طيب انت قولت هتدخل اللوت ب 0.01 على اليورو دولار يعني 10 سنت للنقطه والاستوب 20 دولار مثلا يعني ده هيخليك تتحمل ان الصفقه تعكس عليك 200 نقطه ولو الاستوب 10 دولار يبقى تتحمل انها تعكس عليك 100 نقطه وهكذا المهم انك كل ما حسبت الامور بالشكل ده هيكون صعب لو انت متداول كويس انك تخسر كل الصفقات دي اكيد هتخسر جزء وتكسب جزء لحد ما تبتدي تخلى صفقاتك الكسبانه اكتر من الخسرانه والاهم من ده ان المبلغ اللي تكسبه يكون اكتر من المبلغ اللي انت خسرته هقوللك ازاي ...خلى الهدف مثلا يكون 20 نقطه والاستوب 10 نقط يعني 2 الى واحد او 3 الى واحد يعني الاستوب 10 نقط والهدف 30 ...واترك العواطف بره الموضوع خاااالص والخوف انت تحلل وتحسبها وتحط تيك بروفيت اللي هو الهدف وتحط استوب ومع الخبره هتبتدي تتعلم حجز الارباح او التريلينج استوب اللي هو بيعمل تتبع للارباح او بيعمل تحريك للاستوب عشان صفقتك تضرب استوب وانت كسبان ولو في حد عنده تصحيح لكلامي او عايز يضيف حاجه يتفضل .....وبالتوفيق