amrelkomy
03-24-2020, 21:10
السلام عليكم ورحمة الله وبركاته
إيه قصة hantavirus دي؟
سريعاً كدة منعاً لإنتشار الذعر عشان الناس مش ناقصة
** المصادر لكل اللي هقوله هنا هتلاقيها تحت في الكومنتات **
الصين أعلنت من شوية وفاة راجل بمرض إسمه الHantavirus في مقاطعة Yunnan
مرض مش جديد وموجود من سنين، وأه بيموت ونسبة الوفيات منه بتوصل ل38% من الإصابات وملوش علاج ولا مصل ولا لقاح يعني اللي بيجيله
الفيروس بيموت إلا لو إتلحق في المراحل الأولى منه
إيه أصل المرض؟
ركز معايا زي ما كورونا جالنا غالباً من الخفاش أو آكل النمل الحرشفي الهانتا فيروس دا بيجي من الفئران بأنواعها اللي بياكلوها في الصين برده منهم لله طب العدوى بتيجي إزاي؟ بتيجي لما إنسان المفروض في كامل قواه العقلية يسيب كل الأكل اللي في الدنيا وياكل فار ساعتها الفيروس بيتنقل من الفار اللي بيبقى عايش بيه عادي لإنه عنده مناعة ضده للإنسان اللي مناعته ماتستحملش الفيروس دا
بيتنقل كمان للإنسان لو عايش في مناطق نائية وجنب بيته أو مكان سكنه موجود أنواع القوارض أو الفئران الحاضنة للفيروس والأنواع الموجودة منها في أمريكا هي (Cotton Rat Deer Mouse Rice Rat White-footed mouse) ساعتها حتى لو ماكلتش الأنواع دي من القوارض ممكن فضلات الحيوانات دي تنقل الفيروس للإنسان لما يجي جنبها. لإن الفضلات دي لما بتتحل بتطلع منها قطرات في الجو والإنسان لما بيحتك بيها بيصاب بالفيروس ودي إسمها airborne transmission.
الفيروس مش معروفله مدة حضانة داخل جسم الإنسان لحد ما الأعراض تظهر والأعراض عامةً بتبقى دوخة وإحساس بالإرهاق وألم في العضلات بجانب شوية قئ وإسهال والأعراض المتقدمة منه بتبقى ضيق في التنفس وسعال شديد لإن حرفياً الرئتين بتبقى مليانة مياة
السؤال الأهم على الإطلاق
هل لو إحتكيت بشخص عنده هانتا فيروس أنا هتعدى منه؟ يعني الفيروس في human to human infection زي الكورونا؟
الإجابة بمنتهى الوضوح وفقاً للمصادر لأ
يعني الحالة الوحيدة اللي ممكن المرض يجيلك فيها لو حضرتك أكلت فار أو تعاملت بأي شكل مع فضلات القوارض حتى لو كانت حاجة ملوثة بيها، زي زمان لما كنا بنسمع عن ست ماتت بسبب إنها شربت بيبسي من عبوة الcan علطول من غير ما تغسلها ودي كان عليها فضلات فار من المخازن وكدة، وطبعاً دي نسبة بسيطة جداً جداً
أي كلام عن إن الراجل اللي مات دا نقل العدوى ل33 واحد راكب معاه في الباص أعتقد هو مجرد إجتهادات شخصية. لإن وفقاً للموقع الرسمي للCDC الأمريكي Center for diseases control and prevention المرض لا ينتقل من إنسان لآخر
كفاية علينا كورونا وياريت نشوف حل في الصين قبل ما يخلصوا على الكوكب
إيه قصة hantavirus دي؟
سريعاً كدة منعاً لإنتشار الذعر عشان الناس مش ناقصة
** المصادر لكل اللي هقوله هنا هتلاقيها تحت في الكومنتات **
الصين أعلنت من شوية وفاة راجل بمرض إسمه الHantavirus في مقاطعة Yunnan
مرض مش جديد وموجود من سنين، وأه بيموت ونسبة الوفيات منه بتوصل ل38% من الإصابات وملوش علاج ولا مصل ولا لقاح يعني اللي بيجيله
الفيروس بيموت إلا لو إتلحق في المراحل الأولى منه
إيه أصل المرض؟
ركز معايا زي ما كورونا جالنا غالباً من الخفاش أو آكل النمل الحرشفي الهانتا فيروس دا بيجي من الفئران بأنواعها اللي بياكلوها في الصين برده منهم لله طب العدوى بتيجي إزاي؟ بتيجي لما إنسان المفروض في كامل قواه العقلية يسيب كل الأكل اللي في الدنيا وياكل فار ساعتها الفيروس بيتنقل من الفار اللي بيبقى عايش بيه عادي لإنه عنده مناعة ضده للإنسان اللي مناعته ماتستحملش الفيروس دا
بيتنقل كمان للإنسان لو عايش في مناطق نائية وجنب بيته أو مكان سكنه موجود أنواع القوارض أو الفئران الحاضنة للفيروس والأنواع الموجودة منها في أمريكا هي (Cotton Rat Deer Mouse Rice Rat White-footed mouse) ساعتها حتى لو ماكلتش الأنواع دي من القوارض ممكن فضلات الحيوانات دي تنقل الفيروس للإنسان لما يجي جنبها. لإن الفضلات دي لما بتتحل بتطلع منها قطرات في الجو والإنسان لما بيحتك بيها بيصاب بالفيروس ودي إسمها airborne transmission.
الفيروس مش معروفله مدة حضانة داخل جسم الإنسان لحد ما الأعراض تظهر والأعراض عامةً بتبقى دوخة وإحساس بالإرهاق وألم في العضلات بجانب شوية قئ وإسهال والأعراض المتقدمة منه بتبقى ضيق في التنفس وسعال شديد لإن حرفياً الرئتين بتبقى مليانة مياة
السؤال الأهم على الإطلاق
هل لو إحتكيت بشخص عنده هانتا فيروس أنا هتعدى منه؟ يعني الفيروس في human to human infection زي الكورونا؟
الإجابة بمنتهى الوضوح وفقاً للمصادر لأ
يعني الحالة الوحيدة اللي ممكن المرض يجيلك فيها لو حضرتك أكلت فار أو تعاملت بأي شكل مع فضلات القوارض حتى لو كانت حاجة ملوثة بيها، زي زمان لما كنا بنسمع عن ست ماتت بسبب إنها شربت بيبسي من عبوة الcan علطول من غير ما تغسلها ودي كان عليها فضلات فار من المخازن وكدة، وطبعاً دي نسبة بسيطة جداً جداً
أي كلام عن إن الراجل اللي مات دا نقل العدوى ل33 واحد راكب معاه في الباص أعتقد هو مجرد إجتهادات شخصية. لإن وفقاً للموقع الرسمي للCDC الأمريكي Center for diseases control and prevention المرض لا ينتقل من إنسان لآخر
كفاية علينا كورونا وياريت نشوف حل في الصين قبل ما يخلصوا على الكوكب