التبريد والتعزيز والهيدج ... بشكل مبسط

[sherif hussein]

السلام عليكم أعضاء و زوار منتدى فوركس العرب المحترمين ،،، تحياتي للجميــــع

+++++++++++++++++++++++

التبريد
هو انه تكون الصفقه عاكسه عليك وخسران وتدخل بلوتات تانيه فى نفس اتجاه الصفقه

رغبة فى تقليص الخساره واملا فى ان يعكس السعر مره اخرى


التعزيز
هو انه تكون الصفقه ماشيه تمام فى الاتجاه اللى انت داخل معاه وكسبان و تدخل بلوتات تانيه

فى نفس الاتجاه رغبة فى مزيد من المكاسب واملا فى ان يستمر السعر فى نفس الاتجاه


الهيدج
هو انك تكون داخل فى صفقه و بعد ما السعر يمشى مسافه معينه تدخل بلوتات معاكسه لاتجاه

دخولك الاول . سواء كنت كسبان او خسران يعنى لو كنت بايع تشترى ولو كنت شارى تبيع .. بنفس

عدد الوتات ونفس الكميه اللى دخلت بيها فى البدايه ولكن فى اتجاه معاكس


استخدامهم للحفاظ على المكسب فى حاله المكسب دون غلق الصفقه .. او لتثبيت الخساره

والعمل على عدم زيادتها فى حالة الخساره و بعض الناس بتستخدم الهيدج مكان الستوب لووز

ولكنه يحتاج لاحترافيه فى التعامل علشان تقدر تطلع منه كسبان


تحذيـــر......
اى خطا فى التعامل قد تعصف بحسابك فيجب التمرين جيدا
وانتقاء نقاط التعزيز والتبريد والتهديج​

[mohamed salah elshora]

السلام عليكم
اشكرك جدا ع المعلومات دى

[Maro3030]

السلام عليكم ورحمه الله وبركاته
اولا مشكور اخي الكريم علي التوضيح للفروق بين التبريد والتعزيز والهيدج لان كثير من المتداولين وخصوصا المبتدءين لا ينتبهوا للفروق بينهم
ونتمني المزيد من المواضيع و اما بخصوص الهيدج لا يدخل فيه الا فعلا من يعرف يتعامل معه لانك ممكن تفتح الصفقتين عكس بعض و ولا تعرف
تتحصل علي ربح من
الاثنين ويتحولوا بالنهايه الي خساره انت في غني عنها
وبالتوفيق والسلام ختام.

[moisaid]

السلام عليكم و رحمة الله و بركاته
أهلا يا طيب
التبريد و التعزيز و الهديج في سوق تجارة العملات الأجنبية
التبريد هو السير مع نفس الصفقة لما تكون عاكسة عليك
التعزيز اضافة صفقات في نفس اتجاه الصفقة المفتوحة
الهيدج هو فتح صفقة معاكسة للصفقة المفتوحة و هذا يحصل عندما يرى المتاجر أنه سيربح من كلا الاتجاهين
و كل هذه الأوامر لابد للمتاجر من أن تكون له خلفية و فكرة عليهم حتى يستطيع الاستفادة منهم
خير ان اشء الله للجميع
بالتوفيق و السداد