Mustafa alamry
04-16-2020, 17:16
السلام عليكم
هل الفوركس يصلح كمصدر دخل أساسي
هناك عدة شروط لكي تعتمد على الفوركس كدخل أساسي
أولا المبلغ
لازم المبلغ إللي هتستثمره في سوق الفوركس يكون جزء من رأس مالك لا يتعدى 40% بشرط يكون عندك خبره ما تقلش عن سنه شغال بحساب حقيقي وبتحقق أرباح باستمرار وقبلها خبره ما تقلش عن 3 سنين شوفت تقلبات السوق وتحركاته العنيفه إللي ممكن توصل ل5000 نقطه في يوم واحد
المستهدف من رأس المال
يكون في حدو من 5 ل10% وطبعاً ممكن أوي تحقق أكثر
بس أنت لو استهدفت 50% مثلاً ببساطه ممكن تخسر فلوسك كلها في شهرين
مثلاً حساب بقيمه 5000 دولار بهدف 5 ل10% معناها انك هتحقق في المتوسط 350 ل400 دولار شهريا يعني في حدود 5000 جنيه من أصل 80000 جنيه
مفيش حاجه اسمها المبلغ إللي هتدخل بيه مستعد تخسره كله لأنك عمرك ما هتخسره طول ما أنت شغال بإدارة راس مال وخطه واضحه
ثانياً التعليم
كل ما هتتعلم اكثر وتغوص اكتر في مدارس التحليل الفني هتتشتت اكتر ومعظم المحللين المتعمقين أوي بيخسروا
أهم حاجة الأساسيات
تحليل أساسي وأخبار
الترندات ودي أهم حاجة
دعم ومقاومة وفيبوناتشي
المتوسطات والبولينجر
العرض والطلب للمحترفين
مفيش مشكلة إنك تثق في تحليلات شخص معين وتدخل مع توصياته بس ما تشتتش نفسك بين القنوات والصفحات وفيه ناس قليله في السوق ده توصياتهم رائعه لو دخلت معاهم بس هتحقق أرباح محترمه جدا حتى لو مش فاهم حاجة
أشتري أو بيع من سعر مناسب كأنك في سوق السيارات مثلاً ورايح تشتري عربيه عشان تبيعها لو لاقيت سعرها مش مناسب اوعى تشتريها استنا لما تنزل للسعر إللي أنت عايزه وساعتها هتبيعها بالسعر إللي أنت عايزه
المؤشرات والذهب والبترول بالترتيب أخطر السلع في التداول ومش أي حد يشتغل فيهم
العملات أمان أكثر وأرباح وخسائر أقل
الداوجونز ده بقى قصه وحكايه لوحده مؤشر خطير جداً جداً عامل زي التعبان ملوش ملكه ولو اتسحلت معاه من غير ما تعرف تتعامل مع تحركاته العنيفه هيشقلطك
احساسك بالسوق ومتابعتك لحركه السعر والشارت أهم من أي مؤشر
م الآخر إللي تكسبو العبو حتى لو بتشتغل بطريقه الحزروميلي ????
ثالثاً ودي مهمه جداً النفسية
ده يعتبر من أهم العوامل المؤثرة على نجاحك في السوق ده لان أساسه اللعب على النفسيه البشريه إللي من صفاتها الطمع والخوف والفرح الزياده والحزن الزياده لحد ما يوصلك لمرحله التسرع واتخاذ القرارات الخطأ للانتقام في حاله الخساره أو زيادة الأرباح في حاله المكسب وتلاقيك بتاخد قرارارات غلط وبتدخل بكميات كبيرة او بتغير خطتك على أمل إن السوق هيمشي في صالحك والسوق ده مفيهووش الكلام ده
اتقل أوي في دخول صفقتك واستنا السوق يجيلك لحد عندك واوعى تجري ورا السوق هيفرمك
لو حققت الترجت بتاعك سواء يومي أو شهري أو اسبوعي أخرج وما تدخلش إلا لو فرصه كبيره أوي
حط دايما في دماغك إن السوق عايز ياخد إللي خدته منه ويخسرك إللي كسبته ولما تدخل صفقه حط كل الاحتمالات وأعرف أنت هتخرج منها امتى قبل ما تدخلها
و برده في حاله الخساره اهدى واستنا وما تدخلش السوق إلا وأنت رايق واعصابك هاديه
ما تدخلش صفقه وأنت عايز تنام
ما تدخلش صفقه وأنت سايق
ما تدخلش وأنت قاعد مع ناس ومشغول معاهم
ما تدخلش صفقه وفيه أي حاجة تشغلك وحاول توفر جو مناسب ليك للتداول حتى لو في الحمام ????????????
أنا بعمل كده ممكن أدخل الحمام علشان اركز في صفقة بعيد عن الأكشن إللي بيحصل في البيت ????
أي مخلوق في الدنيا هيقولك أنا بحقق 100% 200% شهرياً حتى لو كان وارن بافيت ما تصدقوش
مفيش الكلام ده واللي بيشتغل كده بيخسر كل فلوسه وعمره ما بيستمر في السوق ده
اتعامل مع السوق على انك صياد صغير أوي معاك سناره صغيره وسط حيتان و سفن ضخمه وانت بتصطاد سمك صغير على ادك وعلى أد امكانياتك
لأنك لو حاولت تصطاد سمكه كبيره بسنارتك التعبانه دي السمكه هتاخدك أنت وسنارتك وتعمل معاك الجلاشه
لو عندك حب المضاربه أو أعمل حساب للقصه دي ويكون من ارباحك
الفوركس مشروع زي أي مشروع في الدنيا بس في مميزات مش موجوده في أي مشروع تاني
بتشتري وتبيع من أي سعر يعجبك وفي أي وقت
مشروع تكلفه انشاءه صفر يعني رأس مالك هو مشروعك
وقتك ملكك وبتشتغل في أي وقت ومن أي مكان
آخر حاجة وأهم حاجة إنك تكون بتحب السوق ده ومستمتع وأنت شغال فيه لأنك لو محبتهوش وبصيت بس على فلوسه عمرك ما هتنجح فيه
وممكن برده تحب السوق بس للأسف أنت غير مهيأ للتداول ونفسيتك مش ماشيه مع طبيعته ودايما بتخسر يبقى لازم تبعد لأنك ممكن تخسر عمرك وفلوسك وحاجات كتير تانيه
هل الفوركس يصلح كمصدر دخل أساسي
هناك عدة شروط لكي تعتمد على الفوركس كدخل أساسي
أولا المبلغ
لازم المبلغ إللي هتستثمره في سوق الفوركس يكون جزء من رأس مالك لا يتعدى 40% بشرط يكون عندك خبره ما تقلش عن سنه شغال بحساب حقيقي وبتحقق أرباح باستمرار وقبلها خبره ما تقلش عن 3 سنين شوفت تقلبات السوق وتحركاته العنيفه إللي ممكن توصل ل5000 نقطه في يوم واحد
المستهدف من رأس المال
يكون في حدو من 5 ل10% وطبعاً ممكن أوي تحقق أكثر
بس أنت لو استهدفت 50% مثلاً ببساطه ممكن تخسر فلوسك كلها في شهرين
مثلاً حساب بقيمه 5000 دولار بهدف 5 ل10% معناها انك هتحقق في المتوسط 350 ل400 دولار شهريا يعني في حدود 5000 جنيه من أصل 80000 جنيه
مفيش حاجه اسمها المبلغ إللي هتدخل بيه مستعد تخسره كله لأنك عمرك ما هتخسره طول ما أنت شغال بإدارة راس مال وخطه واضحه
ثانياً التعليم
كل ما هتتعلم اكثر وتغوص اكتر في مدارس التحليل الفني هتتشتت اكتر ومعظم المحللين المتعمقين أوي بيخسروا
أهم حاجة الأساسيات
تحليل أساسي وأخبار
الترندات ودي أهم حاجة
دعم ومقاومة وفيبوناتشي
المتوسطات والبولينجر
العرض والطلب للمحترفين
مفيش مشكلة إنك تثق في تحليلات شخص معين وتدخل مع توصياته بس ما تشتتش نفسك بين القنوات والصفحات وفيه ناس قليله في السوق ده توصياتهم رائعه لو دخلت معاهم بس هتحقق أرباح محترمه جدا حتى لو مش فاهم حاجة
أشتري أو بيع من سعر مناسب كأنك في سوق السيارات مثلاً ورايح تشتري عربيه عشان تبيعها لو لاقيت سعرها مش مناسب اوعى تشتريها استنا لما تنزل للسعر إللي أنت عايزه وساعتها هتبيعها بالسعر إللي أنت عايزه
المؤشرات والذهب والبترول بالترتيب أخطر السلع في التداول ومش أي حد يشتغل فيهم
العملات أمان أكثر وأرباح وخسائر أقل
الداوجونز ده بقى قصه وحكايه لوحده مؤشر خطير جداً جداً عامل زي التعبان ملوش ملكه ولو اتسحلت معاه من غير ما تعرف تتعامل مع تحركاته العنيفه هيشقلطك
احساسك بالسوق ومتابعتك لحركه السعر والشارت أهم من أي مؤشر
م الآخر إللي تكسبو العبو حتى لو بتشتغل بطريقه الحزروميلي ????
ثالثاً ودي مهمه جداً النفسية
ده يعتبر من أهم العوامل المؤثرة على نجاحك في السوق ده لان أساسه اللعب على النفسيه البشريه إللي من صفاتها الطمع والخوف والفرح الزياده والحزن الزياده لحد ما يوصلك لمرحله التسرع واتخاذ القرارات الخطأ للانتقام في حاله الخساره أو زيادة الأرباح في حاله المكسب وتلاقيك بتاخد قرارارات غلط وبتدخل بكميات كبيرة او بتغير خطتك على أمل إن السوق هيمشي في صالحك والسوق ده مفيهووش الكلام ده
اتقل أوي في دخول صفقتك واستنا السوق يجيلك لحد عندك واوعى تجري ورا السوق هيفرمك
لو حققت الترجت بتاعك سواء يومي أو شهري أو اسبوعي أخرج وما تدخلش إلا لو فرصه كبيره أوي
حط دايما في دماغك إن السوق عايز ياخد إللي خدته منه ويخسرك إللي كسبته ولما تدخل صفقه حط كل الاحتمالات وأعرف أنت هتخرج منها امتى قبل ما تدخلها
و برده في حاله الخساره اهدى واستنا وما تدخلش السوق إلا وأنت رايق واعصابك هاديه
ما تدخلش صفقه وأنت عايز تنام
ما تدخلش صفقه وأنت سايق
ما تدخلش وأنت قاعد مع ناس ومشغول معاهم
ما تدخلش صفقه وفيه أي حاجة تشغلك وحاول توفر جو مناسب ليك للتداول حتى لو في الحمام ????????????
أنا بعمل كده ممكن أدخل الحمام علشان اركز في صفقة بعيد عن الأكشن إللي بيحصل في البيت ????
أي مخلوق في الدنيا هيقولك أنا بحقق 100% 200% شهرياً حتى لو كان وارن بافيت ما تصدقوش
مفيش الكلام ده واللي بيشتغل كده بيخسر كل فلوسه وعمره ما بيستمر في السوق ده
اتعامل مع السوق على انك صياد صغير أوي معاك سناره صغيره وسط حيتان و سفن ضخمه وانت بتصطاد سمك صغير على ادك وعلى أد امكانياتك
لأنك لو حاولت تصطاد سمكه كبيره بسنارتك التعبانه دي السمكه هتاخدك أنت وسنارتك وتعمل معاك الجلاشه
لو عندك حب المضاربه أو أعمل حساب للقصه دي ويكون من ارباحك
الفوركس مشروع زي أي مشروع في الدنيا بس في مميزات مش موجوده في أي مشروع تاني
بتشتري وتبيع من أي سعر يعجبك وفي أي وقت
مشروع تكلفه انشاءه صفر يعني رأس مالك هو مشروعك
وقتك ملكك وبتشتغل في أي وقت ومن أي مكان
آخر حاجة وأهم حاجة إنك تكون بتحب السوق ده ومستمتع وأنت شغال فيه لأنك لو محبتهوش وبصيت بس على فلوسه عمرك ما هتنجح فيه
وممكن برده تحب السوق بس للأسف أنت غير مهيأ للتداول ونفسيتك مش ماشيه مع طبيعته ودايما بتخسر يبقى لازم تبعد لأنك ممكن تخسر عمرك وفلوسك وحاجات كتير تانيه