عفوا !! رأس مالك صغير ،،، ابتعد عن حلم المليون

[sherif hussein]

السلام عليكم أعضاء و زوار منتدى فوركس العرب المحترمين

..................

الحقيقة موضوعى دة يمكن عنوانه مر عليكوا كتير على المنتديات وكل شخص بيشرح وجهة نظره ولكن انا هختصر الكلام
وكلامى موجه خصوصا للمبتدئين ،،، بالله عليكم ارحموا انفسكم وارحموا اموالكم

هذا السوق له اصول وليس قمار وضربة حظ

المعـــــــــــادلة واضحة يا أصدقائي ...

فوركس = علم +ادارة راس مال+طريقة ناجحة بنسبة 70 %

هو دة الفوركس يا اخوان بمنتهى البساطة وكلامى هنا على البند الثانى فى المعادلة

وهو : ادارة راس المال

يا اخواني ادارة راس المال هى سر نجاحك فى الفوركس واستمرارك فيه

تعالو نحسبها ...

حضرتك معاك فى حسابك الف دولار وقررت تتدخل البيب ب 10 دولار

على اساس حلم المليون

!!!!!!

لو السوق عكس معاك بس 50 نقطة ،،، عليه العوض ومنه العوض فى نص راس مالك

خسارة = 500 $ وبكده نصف حسابك طار وتبقى من راس مالك = 500$ فقط ...!!!

^^^^
طيب لو دخلت النقطة بنصف دولار ،،، او لو أنت طماع شوية هنقول دولار

خسارة = 50 $
راس مالك = 950 $

بالله عليكم انه افضل ...!!

مع العلم انا من القائلين فى هذا السوق انه لو السوق خد منى خمسين نقطة انا مش بعتبرها خسارة انا بعتبرها انه

استلفهم منى وهاخدهم منه تانى بس بالاصول ....!! ركز في الجملة دي كويس يا صديقي

والى كل شخص يدخل هذا السوق اسئل نفسك سؤال واحد بس قبل ما تتدخل

انا هستحمل خسارة كام ..؟ ياعنى نفسيا ومعنويا وماديا استحمل كام خسارة ..؟

مش تسئل نفسك انا هكسب كام طبيعى انتا داخل عشان تكسب مش عشان تخسر


بالله عليكم فكروا كويس بلاش تسرع وتهور ارحموا فلوسكم وخدوها بشكل تراكمي ، مش شرط تكسب كل يوم

أنت قيم نفسك وشغلك على أساس شهري وليس يومي


تمنياتي للجميع بالتوفيق الدائم

[Maro3030]

السلام عليكم ورحمة الله وبركاته
بالنسبه للرد علي موضوعك من حيث حلم المليون في الفوركس لماذا نحلم بأشياء لا يمكن أن ن حققها علي أرض الواقع أعلم أن لا يوجد مستحيل عند الله ومن حق كل متداول أن يحلم وان يقوم بتحقيق أحلامه ولكن لو هنتحدث عن النسب الكبيره من المتداولين لا نستطيع أن نحقق من حساب صغير أرباحا كبيره في وقت قليل حتى لو كنت من محترفي الفوركس هذا سوق لا يمس طوال الوقت في اتجاه واحد لتربح منه لكن هو متعدد الاتجاهات ويكون سعر عالي مره وسعر منخفض مره اخري انا من رأي أن المتداول الناجح هو من يستطيع الاستمرار في السوق لفتره أكبر وبالتوفيق للجميع والسلام ختام.

[fafa280384]

صحيح كلامك صح يعني على المتدوال يعرف قدر رأس ماله ويكون منطقي في تحديد أهدافه وفعلا دينار مع دينار سوف يكبر فلو كان الرصيد ١٠٠٠ دولار وربحت بشكل يومي ٥٠ نقطة بدون مغامرة سوف تكون أرباحك الشهرية بحدود ١٠٠٪ من رصيدك وهذا شئ رائع الا ان لاسف الشديد طبيعة البشر ومتدوال خاصة في تجارة العملات "الفوركس" تدخلها أحيانا الطمع الشديد الذي يؤدي في أغلب الاحيان الي مارجن الحساب فعلا الرضا كنز لا يفنى.

[ابوعلى]

السلام عليكم ورحمه الله
اخى الكريم اكيد الراس المال الصغير مش بيساعد صاحبه خالص انى يكسب ملاين بس الطمع مش حلو خالص فى مجال الفوركس انت لو طمعت مش هتوصل لحلم المليون ولا هتحافظ على راس مالك اصلا كله هيطير وانت خسرت من الاتنين الفوركس تجارة والطمع فى التجارة بيخسر والقناعه والرضا بتربح الانسان اللى بيعمل بيهم وده اساس النجاح تكون طموح ماشى طماع اكيد لا
تقبل مرورى اخى