Fathallah
04-20-2020, 19:23
متفق مع حضرتك جدا يا فندم احنا شغالين شغل قايم علي مبدا علم الاحتمالات يعني زي ما حضرتك قلت احنا بندرس حاجات صحيحة لكن في الاول والاخر ده علم احتمالات مرة هتصيب ومرة هتخيب واسمحلي حضرتك اقول للناس شوية قواعد علي قد خبرتي المتواضعة
سر الربح هو النقاط التالية (كل نقطة مرتبطة بالنقطة اللي قبليها يعني لو متنفذتش اللي قبلها مش هتعرف تكمل قواعد واسرار الربح بمعني لازم تاخد الباكدج كله علي بعضه بالترتيب)
1/ادارة راس المال صارمة والتزام بيها
2/نسبة ريشيو بداية من 2:1 وما فوق
3/الصبر علي رؤية صفقات خاسرة في كشف الحساب واليقين بوجود صفقات رابحة بعدها تمحي الخسارة ويتبقي المكسب باذن الله وده يبين اهمية نسبة الريشيو لان لو الهدف اقل من ضعف الستوب هتلاقي النفسية بتقل مع كل خسارة في كشف الحساب والمتداول ساعتها مش هيعرف يركز ويفكر في الصفقة القادمة اللي هتعوض خسايره
4/ النفسية العالية وفصل حياتك الشخصية والعائلية عن شغلك في الفوركس يعني تعتبر نفسك بشخصيتين
دي متاثرش علي دي والعكس صحيح
يعني ده واحد بيشتغل وبيلتزم وملوش دعوة بالتاني اللي عنده مشاكل زي باقي البشر
لان لو خلطت الشخصين ببعض مش هتنجح في ده ولا ده
(ملاحظين ان كل نقطة مرتبطة باللي قبلها )
5/ التزام بطريقة واحدة فقط في التداول ايا كانت حتي لو نسبة نجاها اقل من 50%
مش مشكلة كل ما الريشيو يكون عالي هيعوضك لما يكون مثلا 3 اضعاف وقدرت تكسب 3 صفقات من عشرة هتطلع رابح وتكمل
لكن السر يكمن في تثبيت طريقة التداول منعا للتشتيت +صبرك علي تكوين عشر صفقات كاملين لان زي ما قولنا ممكن تخسر ال7 ورا بعض وال3 اللي ورا بعض مكسب يطلعوك ربحان وهي دي النفسية العالية
(انا بدي مثال علي ان نسبة نجاح طريقتك مش اهم من صبرك عليها وتثبيتها وعدم التخلي عنها) وكل ما تلاقي نفسك نجحت بصافي مكسب بعد كل عشر صفقات عقلك الباطن هيتعود علي كده ومش هيفرق معاه خسارة اي صفقة
6/ والاخيرة هي لو انت ملتزم بالخمس عناصر اللي فوق وجيت في صفقة ملتزمتش بيهم
والشيطان دخلك من المداخل المعروفة للانسان اللي هي
الطمع/عدم الصبر/رغبة الانتقام من السوق /نفسية في الارض الخ الخ
ارجع والتزم في الصفقة اللي بعدها بالخمس عناصر دول هتلاقي نفسك كل مرة بتتعلم تبقي ملتزم اكتر والاهم بص علي صفقتك الخسرانة في كشف الحساب ( اللي تكون ملتزمتش فيها ) وركز معاها وعلي رقمها بالسالب عشان عقلك الباطن يعرف انك لما طاوعت شيطانك مكسبتش في الاخر
من الاخر الفوركس زي الدنيا ليها مداخل الشيطان بيدخل منها
والجدع اللي يغلبه اغلب الاوقات مهما طاوعه
سر الربح هو النقاط التالية (كل نقطة مرتبطة بالنقطة اللي قبليها يعني لو متنفذتش اللي قبلها مش هتعرف تكمل قواعد واسرار الربح بمعني لازم تاخد الباكدج كله علي بعضه بالترتيب)
1/ادارة راس المال صارمة والتزام بيها
2/نسبة ريشيو بداية من 2:1 وما فوق
3/الصبر علي رؤية صفقات خاسرة في كشف الحساب واليقين بوجود صفقات رابحة بعدها تمحي الخسارة ويتبقي المكسب باذن الله وده يبين اهمية نسبة الريشيو لان لو الهدف اقل من ضعف الستوب هتلاقي النفسية بتقل مع كل خسارة في كشف الحساب والمتداول ساعتها مش هيعرف يركز ويفكر في الصفقة القادمة اللي هتعوض خسايره
4/ النفسية العالية وفصل حياتك الشخصية والعائلية عن شغلك في الفوركس يعني تعتبر نفسك بشخصيتين
دي متاثرش علي دي والعكس صحيح
يعني ده واحد بيشتغل وبيلتزم وملوش دعوة بالتاني اللي عنده مشاكل زي باقي البشر
لان لو خلطت الشخصين ببعض مش هتنجح في ده ولا ده
(ملاحظين ان كل نقطة مرتبطة باللي قبلها )
5/ التزام بطريقة واحدة فقط في التداول ايا كانت حتي لو نسبة نجاها اقل من 50%
مش مشكلة كل ما الريشيو يكون عالي هيعوضك لما يكون مثلا 3 اضعاف وقدرت تكسب 3 صفقات من عشرة هتطلع رابح وتكمل
لكن السر يكمن في تثبيت طريقة التداول منعا للتشتيت +صبرك علي تكوين عشر صفقات كاملين لان زي ما قولنا ممكن تخسر ال7 ورا بعض وال3 اللي ورا بعض مكسب يطلعوك ربحان وهي دي النفسية العالية
(انا بدي مثال علي ان نسبة نجاح طريقتك مش اهم من صبرك عليها وتثبيتها وعدم التخلي عنها) وكل ما تلاقي نفسك نجحت بصافي مكسب بعد كل عشر صفقات عقلك الباطن هيتعود علي كده ومش هيفرق معاه خسارة اي صفقة
6/ والاخيرة هي لو انت ملتزم بالخمس عناصر اللي فوق وجيت في صفقة ملتزمتش بيهم
والشيطان دخلك من المداخل المعروفة للانسان اللي هي
الطمع/عدم الصبر/رغبة الانتقام من السوق /نفسية في الارض الخ الخ
ارجع والتزم في الصفقة اللي بعدها بالخمس عناصر دول هتلاقي نفسك كل مرة بتتعلم تبقي ملتزم اكتر والاهم بص علي صفقتك الخسرانة في كشف الحساب ( اللي تكون ملتزمتش فيها ) وركز معاها وعلي رقمها بالسالب عشان عقلك الباطن يعرف انك لما طاوعت شيطانك مكسبتش في الاخر
من الاخر الفوركس زي الدنيا ليها مداخل الشيطان بيدخل منها
والجدع اللي يغلبه اغلب الاوقات مهما طاوعه