صباح الفل يا قمر

[misterattia]

صباح الخير يا مصر
صباح الفل يا قمر
ربك امر
نعمل عشانك مؤتمر
ميت مؤتمر
مقلوش دى مصر من فراغ
ولا فزلكه ودوشه دماغ
قالوا دى مصر
عشان دا مصر زمرده
وسط الجواهر والمساغ
كم طاغى عليكى يا حبيبتى مر
صباح الفل يا قمر
ربك امر
نعمل عشانك مؤتمر
ميت مؤتمر
لكن يا مصر ليه جمودك
فين وعودك
ليه يا غاليه قل عودك
ليه تسيبى سوسك ودوك
فين كلامك فين ردودك
فين يا غاليه كرمك وجودك
ليه تطردى ولادك خارج حدودك
ليه تخلى الشر يوم يسودك
فين ولادك فين اسودك
ليه تسيبى ابنك ينضر
صباح الفل يا قمر
ربك امر
نعمل عشانك مؤتمر
ميت مؤتمر
فينها جينات الشجاعه
والجبن زايد كل ساعه
والكرامه اللى بقت
سلعه مباعه
فين مصر اللى قالوا عنها
فى الجرايد والاذاعه
فين مصر هبه النيل
اللى ولادها عايشين
ف المجاعه
فين خفه الدم يا سمره
بدل البلاده والسقاعه
فين الربيع اللى كان
بيكسر اى موجه حر
صباح الفل يا قمر
ربك امر
نعمل عشانك مؤتمر
ميت مؤتمر
===
عطيه خضرى عطيه ابو كرش
====
جمهوريه مصر العربيه

[oussama ben abdallah]

فين خفه الدم يا سمره
بدل البلاده والسقاعه
فين الربيع اللى كان
بيكسر اى موجه حر
صباح الفل يا قمر
ههههههههههههههههههههههههه ه

[hussein77]

مصر كل الناس بتحبك رغم كل الظروف رغم كل الصعاب نحبك لانك افضل هدية نرفع اسمك فوق كل الدنيا ومهم قال فيك الناس الشعر تستحق اكثر من ذلك

[khalilmlayeh]

good moorning
nice to meet you
my name khalil from tunisia
i love so much egypt and all tha arabs

[Aribdiet]

بسم الله الرحمن الرحيم، شكرا لكم على هذا الموضوع الجميل و جعل الله بلاد مصر و جميع البلدان العربية مستقرة و سالمة و بدون فتن اللهم أمين ، تقبلوا تحياتي و جعلنا الله و إياكم من المتقين.

[basem hamdy]

الله عليك يا حبيب والديك هي دي مصر فعلا ولاده وهتفضل كبيره وعظيمه ومحميه من رب العزة طول عمرها وعمر ما حد هيمسها بسوء طول ما هي موجوده

[smart vision]

ايه العظمة دي كلها
حفظ الله مصر ام الدنيا من كل حاقد يتربص
بها ويرغب بالنيل منها
شكراً لك على هذه المنثورة الجميلة التي
أتحفتنا بها من قلب ملئ بالمشاعر تجاهها
لك مني أجمل التحايا