نظرة عامه كورونا عملتنا بجد

[ali mekaey]

لقد عرفنا نتجوز من غير قاعات وتجمعات ورقص وهيصه
عرفنا منقعدش للميت ولا نعمل سرادقات وفشخرة عالفاضي
عرفنا نلبس كمامه ونتصور ونقول الحب ف زمن الكورونا ونضحك عادي جداً
عرفنا منسلمش ومنبوسش بعض ونقول إذيكوا من بعيد
عرفنا نغسل إيدينا كل شويه ونقول وقايه ونهتم
والرجاله قعدت من القهاوي وعرفوا معني القعده والخنقه والمسؤليه اللي الست بتشيلها وبقوا مش مستحملين وبقوا بيقولوا الله يكون ف عون الستات قاعدين كدا إزاي
الستات قعدت ف بيوتها كستات وقدرت قعدة البيت وفهمت ان الست ملهاش تتنطط ف كل مكان وان الشغل للراجل والست ف بيتها محفوظه ومتصانه ومحدش يضايقها
عرفنا نعمل كل حاجه حلال ونبعد عن الحرام بس مع إختلاف الأوضاع
والخلاصة هي لو أنت حافظت ع نفسك عشان الكورونا بتموت
ومبتسمعش كلام ربنا ومبتفرقش بين حلال وحرام وماشي بمبدأ الاستهتار
والتبجح مع الله
يبقي أنت محتاج تقعد مع نفسك وتفكر كويس عشان محدش كبير
على الموت وذي ما ربنا غفور رحيم هو شديد العقاب برضه

[okosha]

السلام عليكم ورحمه الله وبركاته
تحياتي لك اخي الكريم لقد اثرت موضوع مهم جدا فعلا فيروس كرونه المستجد علمنا الكثير علمنا ان الافراح مش لازم تكون بالالاف او بالملايين عشان نفرح الفرح بيكون هنا بين الاهل والاحباب و فرحه العريس بعروسته ومش كده وبس لا الميت اللى بيتعمله سرادق كبير يكلف بالالاف على اساس يعني حسابه عند الله هيبقي على قد المصاريف اللى اندفعت فى جنازته اصبح الكثيرين منا لا يحضرون مناسبات نهائياً خوفا من فيروس كورونا علمنا غسل الايدى بالماء والصابون كل شويه والحفاظ على نظافة كل شيء حولينا شكرا كورونا عرفت ناس كتير كانت افترت وفكرت انها اله تمشى على الأرض كل حاجه بيعملوها زى مهما عايزين ونست ان فيه ربنا اقوى من كل شي فبعث الينا هذا الجندى ليعرف كل منا حجمه امام الله عزّ وجل .. اللهم ارزقنا حسن الخاتمه..