نظرة عامه عن كيف تتعامل مع شخص نظرته ليك سئيه

[maaaalik22]

اولا الحمدالله علي كل حال ثانيا في فرق كبير اوي بين تصورك عن نفسك و بين دورك في الحياه مش من حق حد يرسم لك تصورك عن نفسك

ولا انه يلزمك بتصوره الشخصي عنك تصورك لنفسك ده انت الحقيقي وانت الطبيعي وانت وبس فكل ما في حياتك بتقرب من تصورك عن نفسك كل ما بتكون سعيد و مرتاح ومتواصل مع روحك

فكل ما بتقرب اكتر وكل ما بتنور اكتر وتعرف تُمارس أدوارك براحه و سلاسه وسعاده وكل ما بيبقي عندك قبول لأي اخر مختلف عنك

في أوقات كتير الأدوار و القوالب بتخلينا متلخبطين و مش عارفين حتي احنا متصورين نفسنا ايه

ومين في أوقات بنتصرف وفق تصورات الناس عننا وبيكون في مجهود فظيع علينا ان احنا نفضل في دايره تصوراتهم ونلاقي سعادتنا بتقل والحمل زاد علينا وبتتحول توقعات الناس لينا لسجن كبير للاسف

وبيكونوا مقتنعين ان سعادتك في القالب ده
مع ان ببساطه ده مستحيل وبنضطر نحارب عشان نكسر قوالب الناس و تصوراتها عننا

احنا مش قوالب طوب احنا ارواح هائمة في ملكوات الله بندور عن السعاده و الراحه في قناعتنا و افكارنا وتصوراتنا الشخصيه

فالشخصيه الي في حدود هاله حوالينا لا تضر غيرنا و لا تلزمه تاني لا تضره و لا تلزمه وطول ما انت مش انا مش من حقك تملي عليا راحتي فين و لا سعادتي في ايه و لا تصوري عن نفسي ايه

[saadashraf14]

السلام عليكم ورحمه الله وبركاته العضو المحترم تقبل تحياتي لك اولا اما ثانيا من الأفضل ان تتعامل مع من ظلمك أو نظر اليك نظره سيئة او ينظر اليك بنظره سيئة ان تتعامل معه معامله عاديه او ان تتجنبه واقصد بانك تتجنبه انك تتجنب معاملته وليس مقاطعته لان لا احب المقاطعة وتجنب معاملته يعنى مش تدخل معاه فى موضوع خلى معظم معاملتك معاه السلام وخلاص يعنى إلقاء التحيه والسلام وببس هذا افضل شئ بالنسبه لى شخصيا انا اتبع هذا الأسلوب اما ان كان قد ظلمك أحد او نظر اليك نظرة سيئة فالافضل ان تسامحه وتعفو عنه وتتجنب معاملته بس الاهم تسامحه لان العفو شى جميل جدا وليه ثواب عند ربنا وفى ايات قرانيه كتيره بتدل على كده منها مثلا قول الله تعالى ولْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ* وقال تعالى وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ*فالعفو والصفح له اجر كبير جدا عند ربنا. تقبل مروري وتحياتى وآلله الموفق