نظرة عامه عن كيفية الوقاية من امراض القلب

[maaaalik22]

كيفية الوقاية من امراض القلب ولمحات بسيطة عن الاعراض اللي نتحرك علي اساسها لطبيب قلب
اولا زي ماقالوا الوقاية خير من العلاج
ايه اهم طرق الوقاية من امراض القلب
اول حاجة هي النشاط
والحركة لازم معاليك كل يوم علي الاقل اربع ايام في الاسبوع بتمارس رياضة جميلة وسهلة اسمها المشي سواء في نادي في الشارع في الجيم علي مشاية
لمدة ٣٠-٤٥ دقيقة
لانهم وجدوا ان عدم النشاط وممارسة الرياضة دا احد اخطر الاسباب التي تؤدي الي حدوث امراض القلب والشرايين

ثانيا لابد من الاقلاع نهائيا عن التدخين باي صورة من صوره سجاير شيشة
حتي الفاب لازم توقفه

ثالثا لازم وزنك يخس كل كيلو بتفقده بتكسب بيه حياتك
بينزل ضغط ويقل الكوليسترول وتحس براحة

رابعا لازم لازم لازم لازم تظبط سكرك لانه مهم جدا جدا جدا واحد اخطر اسباب قصور الشرايين

رابعا لازم تظبط نومك اسلوب حياتك تقلد في كمية القهوة والشاي والمنبهات

خامسا متابعة الكوليسترول وملف الدهون بتاعك

طب ايه اهم الاعراض اللي تقلقني واتحرك بيها لدكتور القلب
اخطرها واهمها الام الصدر
ودي ليها وصف لان الام الصدر كتييير جدا ومنها الالم البسيط ناتج عن بر لحد الالم بتاع الجلطة
طب اتصرف ازاي
المفروض اي الم في الصدر استشير طبيب
بس الم القلب الخطير ليه اعراض
الم في منتصف الصدر يميل ناحية اليسار
وبيكون الم عاصر او كان في حجر علي صدرك او سكينة اتغرست في قلبك طلعت من ضهرك
معاه عرق وميل للغثيان وبيزيد بالمجهود وتستريح يقل لو خدت حباية داينيترا تحت اللسان يقل الالم

طب اتصرف ازاي اول حاجة خد ٤ اقراص اسبرين ودا وسيلة وقاية وجدت انها هتحميك من الخطر المميت بنسبة كبيرة
وتتحرك علي اقرب مستشفي او طبيب تخصص امراض قلب لعمل تقييم وفحص
وعمل رسم قلب وانزيمات قلب وممكن موجات صوتية اذا لزم الامر
وقد يستدعي الامر الحجز بناءا علي تقييم الطبيب وساعتها هيقرر عمل اللازم

النهجان الشكوي الاكثر شيوعا
ودي ليها علاقة بحاجات كتير
قلة النشاط وزنك الزايد انيميا
وطبعا ممكن يكون القلب واذا كان القلب هو السبب فدا ممكن ليه اسباب عدة
ممكن ضعف بعضلة القلب ممكن ارتفاع الضغط لفترة طويلة ممكن عدم انتظام ضربات القلب لفترات طويلة برضه
ودي غالبا بيصاحبها تورم بالساقين مع عدم الراحة في النوم وتحتاج للنوم علي مخدات اعلي
وتصحي من النوم علي خنقة وكتمة نفس

[ashrafshaqwer]

تحياتي لك اخي الكريم فتعد أمراض القلب من أكثر الأمراض المزمنة انتشاراً في العالم وهي المسبب الأكبر للوفيات ويطلق مصطلح أمراض القلب على كل ما يصيب عضلة القلب والأوعية الدموية والشرايين وصمامات القلب ويطلق عليها أيضاً الأمراض القلبية الوعائية

فهناك عدة طرق للوقاية من امراض القلب

الامتناع عن التدخين ليس خفياً على أحد مضار التدخين حيث إنه يسرع عملية تخثر الدم ويزيد من الإصابة بتصلب الشرايين وضيقها وبالتالي الإصابة بالجلطات القلبية

التغذية الصحية يجب الاهتمام بالتنوع في الغذاء واحتوائه علي جميع العناصر الرئيسية المهمة كالبروتينات والفيتامينات والكربوهيدرات والتقليل من الأطعمةِ الدسمة واختيار الدهون الغنية بالأحماض الدهنية غير المشبعة كزيت الزيتون وزيت الذرة وزيت الصويا والمكسرات وتجنب الدهون المجمدة والزيوت النباتية المهدرجة والإكثار من الأغذية الغنية بالألياف كالبقوليات والخضروات خاصة البامية والباذنجان والفاكهة والإكثار من تناول الأسماك بجميع أنواعها

وعلاج السمنة والتخلص من الوزن الزائد وتشير الدراسات إلى أن الوزن الزائد والدهون في الجسم تزيد من مخاطر واحتمالات الإصابة بأمراض القلب ولتجنب الوصول إلى حالة البدانة يجب اتباع نظام غذائي خاص قليل السعرات الحرارية غني بالخضروات والفواكه وتجنب جميع المأكولات الغنية بالسعرات الحرارية والدهون وزيادة كمية الأطعمة الغينة بالألياف وممارسة التمارين الرياضية بانتظام ومتابعة الوزن ومراقبته بشكلٍ دائم

علاج ضغط الدم المرتفع وارتفاع الكولسترول في الدم يجب الاهتمام بعلاج هذه الأمراض والالتزام بالأدوية والنظام الغذائي الصحي المقرر من الطبيب المتخصص للمصابين بضغط الدم وارتفاع الكولسترول حيث إن هذه الأمراض من أهم الأسباب التي تعجل من الإصابة بأمراض القلب والشرايين ومتابعة قياسها بانتظام

تقبل تحياتي وبالتوفيق للجميع

[saadashraf14]

السلام عليكم ورحمه الله وبركاته العضو المحترم تقبل تحياتي أولا اما ثانيا القلب هو اهم عضو داخل جسم الانسان وهو الحياه لذالك المحافظة عليه حاجه مهمه جدا حتى لا بتعرض لاى نوع من انواع مرض القلب ومن امراض القلب
_ امراض القلب من نوع التاجيه
_ امراض القلب الوعائية
_ امراض القلب الخلقيه وهى التشوهات الخلقية
_ امراض القلب الشريانيه
والوقايه من امراض القلب تتطلب فعل بعض النصائح
_ ترك او الإقلاع عن التدخين لما فيه من الضرر
_ اتباع نظام غذائي صحي بيشمل الخضار والفاكهة
_ ضرورة ممارسة الرياضه
_ عدم تناول او شرب مواد بها كحول
وهناك طرق علاج منها مثلا
الأسبرين وغيره
فى النهاية عافانا الله وعافك من جميع الامراض. تقبل مروري وتحياتى وآلله الموفق