مراجعة حول انهيار نادى برشلونة

[Ahmed Rashad]

كلنا شفنا الهزيمه الثقيله لنادي برشلونه النهارده قدام نادي بايرن ميونخ لكن من وجهه نظري الوضع اخطر من كده بكثير انا شايف ان الهزيمه النهارده هي بدايه سلسله هتكون متتاليه من الهزايم لبرشلونه لازم النادي ياخذ خطوه في النقطه دي ويعز بلعيبة كبار خصوصا ان القوام الاساسي البرشلونه زي ميسي وزي بيكيه وزي سواريز كلهم فوق ال 33 سنه ممكن نلاقي حد فيهم يعتزل قريب فمن وجهه نظري لازم برشلونه في اسرع وقت يلحق يدعم الفريق بلعيبه جديده تكون صغيره في السن ويحاول يصعد ناشئين زي ما عمل زين الدين زيدان مع فريق ريال مدريد والا الفريق هينهار ويخش في ثلاث اربع خمس سنين مش هيقدر يحقق فيهم اي بطولات تتوقع مين ممكن يكون تدعيم كويس لبرشلونه الفتره الجايه من اللاعبين سواء من الناشئين او من الفرق الثانيه وهل انهيار برشلونه ده هيطول كثير ولا هو مجرد ماتش ماكانش فيه توفيق وخلاص عكوما الايام هتوضح كل شئ

[elmister25]

اخي الفاضل تقبل تحياتي اولا اما ثانيا هزيمه نادي برشلونه من البايرن امبارح كانت متوقعه وواقعيه جدا جدا جدا وانا واحد من الناس لم يكن لدي اي شك انه برشلونه هتتهزم وطبعا النتيجه تقيله مبدايا كدا مدرب برشلونه لايجيد التعامل مع المباراه ودا كان عامل من عوامل الفشل في الفريق كمان مشكله برشلونه لما تيجي تبص لمتوسط الاعمار لا نادي برشلونه اصيح لاعبيه اللي بيمثلوا القوام الاساسي للفريق كبار السن زي ميسي وسواريز وبيكيه ومشكله وسواريز ومشكله برشلونه الكبيره ان دا النادي الوحيد اللي مبيعرفش اللاعيبه بتاعته تشوط مش عندهم اي بدايل غير الاختراق من العمق ودي مشكله مع فريق تقيل بحجم البايرن كمان نادي برشلونه في سنواته الاخيؤه لم يدعم النادي باي لاعبين ثقال والاعتماد الاول والاخير علي ميسي ولكن ميسي هيعمل ايه لوحده فلازم نادي البرشا يعمل تدعيم لصفوق الفريق في المريكاتو الصيفي لان برشلونه كدا واقع.تقبل تحياتي وموفق ان شاء الله

[maaaalik22]

إنهيار برشلونة امبارح هو استمرار لعصر الاضمحلال الكروى للفرق اللى بتعتمد على النجم الأوحد والرأى الأوحد سواء لاعب أو مدرب أو رئيس نادى .. المنظومة الجماعية والادارة الهيكلية والمنظمة هى اللى بتكمل
انهار الميلان ولم يفق من غيبوبته الى الآن بعد اختفاء بيرلسكونى
انهار مانشيستر يونايتيد بعد اختفاء السير اليكس فيرجسون
أنهار الارسنال بعد انهيار ارسين فينجر
انهار الريال بعد زيدان ورونالدو وفوزه بالدورى مش مقياس لان البرسا واتليتكو فى اسوأ حالاتهم
على العكس تماما هتلاقى البايرن مكمل لانه فريق جماعىلا يعتمد على نجم واحد . وفعلا عمره مايقف على حد .. فى آخر عشر سنين هتلاقيه دايما موجود بين احسن 8 فرق فى اوروبا وخد البطولة كمان
هتلاقى فريق زى مانشيستر سيتى بيظهر مع جوراديولا لانه فريق جماعى معندوش النجم الأوحد هتلاقيه فى آخر 5 سنوات محقق عدة بطولات وواصل لاحسن 8 فرق على الاقل فى اوروبا
الخلاصة نظرية النجم الأوحد اللى الفريق كله بيخدم عليه راحت وراح ايامها ودا اللى سبب لبرشلونة خساير كتير نظرية التفرد بالإدارة وعدم سماع أراء المستشارين راحت بردو
برشلونة لو ملحقش نفسه مصيره هيكون زى مانشيستر يونايتد أو ميلان أو الارسنال بيحتفلوا ببطولة شرفية يكسبوها كل كام سنة أو يفرحوا بمركز مؤهل للدورى الاوروبى