مراجعه حول الجهاز الفني للأهلي يبلغ إكرامي بنهاية مهمته مع الفريق

[medo25]

مراجعه حول الجهاز الفني للأهلي يبلغ إكرامي بنهاية مهمته مع الفريق قرر الجهاز الفني للفريق الأول لكرة القدم بالأهلي بعد التشاور مع الكابتن سيد عبد الحفيظ مدير الكرة ورينيه فايلر المدير الفني استكمال الموسم محلي وإفريقي باللاعبين الذين يشاركون في التدريبات والمباريات خلال الفترة الحالية حرص على استقرار الفريق الذي يخوض تحديات صعبة وفي ضوء ذلك أبلغ عبد الحفيظ في مران اليوم شريف إكرامي بالقرار الذي في ضوئه أصبح إكرامي خارج حسابات الجهاز الفني نهائيا لنهاية الموسم يذكر أن النادي لم يجدد عقد شريف إكرامي الذي ينتهي بنهاية الموسم الحالي وبالتالي انتهت مهمته مع الفريق.

[elmister25]

اخي الفاضل تقبل تحياتي اولا اما ثانيا شريف اكرامي اللي كنا بنقول عليه او المفروض انه ابن من ابناء النادي اصبح زيه زى اى لاعب حاليا خارج النادي الاهلي مشكله اللاعبين دول انهم ما عرفوش دي من الفانله اللي هم بيلعبوا بها من كان شريف اكرامي او احمد فتحي او حسام عاشور او رمضان صبحي كلهم عبيد فلوس المفروض انت تعمل حسابالنادي اللي ان شقك وتعمل حساب للنادي اللي علمك كوره وسواك يطلعك بره في الاحتراف لاعب زي شريف اكرامي المفروض يكون كلامه افضل من كده معنى كلامه انه هو اللي حرض رمضان صبحي على الرحيل لنادي بيراميدز حيث الاموال الكثيره والاموال الطائله ولكن هم لم ينظروا الى حب الجماهير فالجماهير هي التي تصنع لاعب كره القدم وعموما كلها سنه او اثنين ونادي بيراميدز يتباع او يتصفي وبعد كده يروح يلعبوا في اي نادي عادي فا كده هم ما لهمش اي متعلقات بالنادي الاهلي ولا هيشتغلوا في النادي الاهلي بعد كده.تقبل تحياتي وموفق ان شاء الله

[aborayan]

اخى الكريم تقبل تحياتى دى اولا ثانيا انا مشجع اهلاوى صميم بس مش متعصب بخصوص شريف اكرامى انا واحد من الناس اتغريت فيه على اساس انه ابن النادى لما صرح وقال انه عايز يلعب وهيمشى اخر الموسم قلت حقه وراجل محترم احسن من غيره على الاقل عبدالله وعاشور وغيرهم بس لما اتضحت الصوره وظهور دور له فى موضوع رمضان وانتقاله لبيراميدز نزل من نظر كل الاهلاويه مش انا بس وصرح وقال انه لايعلم شئ منين وترك ال الشيخ صرح وقال ان رمضان مضى من شهر تقريبا فات وبيتهرب هو وشريف فى الساحل الشمالى مافعله الاهلى مع اكرامى عين الصواب مفيش لاعب خيره على الاهلى مجرد ارتباط اسم اللاعب بنادى الاهلى يعنى اعلانات وفلوس بالدولار يعنى اللاعب لو اده النادى مره النادى بيديله مليون مره فشريف بعد لما خرج من الباب الكبير بكل احترام عاد مره اخرى ليلقى الى مزبله التاريخ بلا عوده.
اتمنى اى لاعب يحاول يعمل خطأ مع الاهلى يتم تجميده ووجهة نظرى اعمل عقود للعيبه لمده خمس سنين واطلب التجديد قبل نهايه المده بسنتين واللى يحاول يتلاعب بالنادى فى التجديد اجمده اه اجمده لنهاية المده مع مراعاه نسبة المشاركه القانونيه للحفاظ على حق النادى اخى الكريم دى وجهة نظرى وانا مؤمن بيها جدا بس مش عارف انا كده صح ولا غلط. تحياتى للجميع