مراجعه حول غضب الأهلي الشديد حول بعض الاحداث

[medo25]

منها قرر رحيل شريف إكرامي قبل نهاية الموسم
هيدرسفيلد رفض عرض بيراميدز الأول وسيقوم بتحضير عرض ثاني من أجل شراء اللاعب بشكل رسمي ورمضان لا يتحدث للإعلام لذلك الجمهور خرج غاضبا ضد شريف إكرامي
الأهلي و الزمالك لديهم ارتباطات قوية في دوري أبطال إفريقيا و3 مباريات تفصلهم عن تحقيق اللقب
شريف إكرامي اتفق مع رينيه فايلر على الغياب عن بعض التدريبات قبل المباريات والمدرب كان يرتبط بعلاقة جيدة مع الحارس وقدم له عرضا للبقاء كمسئول إداري، لكنه رفض لرغبته في إكمال مسيرته داخل الملاعب
في عالم كرة القدم كل شئ يحدث فماذا لو أصيب حارس مثل الشناوي وكذلك علي لطفي ولا يوجد غير مصطفى شوبير فقط شريف كان مقيد في القائمة الإفريقية وقرار الاستغناء عنه مغامرة كبيرة كان يجب معالجة الأمر من أجل مصلحة الأهلي
رحيل شريف إكرامي قد يُعرض الأهلي للخطر في بطولة إفريقيا حال تعرض أي حارس للإصابة وسبق وحدث موقف مشابه في بطولة الكونفدرالية عندما أصيب إكرامي ولعب أحمد عادل عبدالمنعم والذي تعرض للإصابة ولكنه أكمل المباراة
جمهور الأهلي غير متقبل مطلقا لفكرة رحيل رمضان صبحي حتى لو باستخدام لفظ الاحتراف وهذا حقهم تمامًا الأهلي كيان كبير وناديهم دائما فوق أي شئ آخر

[zizoo]

السلام عليكم ورحمة الله أخي الكريم طبعا معانا حق كجمهور نغضب غضب شديد ولكن كل الدعم لمجلس إدارة بيبو فيه حاجات بتحصل في الكواليس إحنا مش على دراية بيها والأهلي عودنا دايما على التكتم وأن كل حاجة ليها وقت تظهر فيه لكن أنا سعيد جداً باللي حصل ده إحنا عرفنا فعلا مين هما أولاد النادي الأهلي ومين هما الأفاعي السامة اللي للأسف اتربت وسطنا لولا الأحداث دي كنا فضلنا على عمانا كتير صحيح فتحي ورمضان مصرين ورحلوا في توقيت صعب لكن صدقني إحنا اللي كسبانين وان شاء الله ناخد أفريقيا ونحتفل مع ولادنا بجد اللي شايلين النادي واللي رفضوا كل المغريات اللي تزغلل عين اي حد والأهلي وجمهوره مش بينسوا

[elmister25]

اخي الفاضل تقبل تحياتي اولا اما ثانيا انا واحد من الناس مبسوط من اللي حصل في النادي الاهلي لاننا تعودنا على انه من يرتدي فانله النادي الاهلي لابد ان يكون مسئول عن تصرفاته وما حدث من شريف اكرامي وحسام عاشور وضح من هو المخلص ومن هو غير المخلص كلنا شفنا وليد سليمان بينزل النادي الاهلي على بياض يعني النادي بيحط اللي هو عايزه وانا اعتقد مثل هذا العيب نادر جدا انه يتكرر في هذه الايام وهو من جيل العمالقه جيل ابو تريكه ومتعب وفلافيو وافضل شيء انه النادي الاهلي حازم جدا في قراراته كلها يعني اللي يبيعالنادي الاهلي صعب جدا انه يرجع ثاني للنادي الاهلي وعموما الاهلي لا يقف على لاعب الاهلي هو من يصنع النجوم وليس العكس.تقبل تحياتي وموفق ان شاء الله

[aborayan]

اخى الفاضل مايحدث داخل الاهلى الان مش عيب اداره زى الصحف والمواقع المعارضه للأهلى مابتقول دى انا بعتبرها ميزه انك تعرف الافاعى المستوطنه داخل النادى وترتدى ثوب الانتماء للقلعه الحمراء ايه اللى بيشهر اللاعب اكيد الجمهور مين اكتر الانديه شعبيه فى مصر بل افريقيا الاهلى تمام لما تفقد جمهور بحجم جمهور الاهلى تبقى لاعب غبى الفلوس مش كل حاجه اسأل تريكه والعروض الضخمه اللى اتعرضت عليه بعد كاس العالم للأنديه ورفضها
بالنسبه لمجلس الاداره اكيد موضوع زى موضوع رمضان مكنش متوقعه بالشكل ده ولكن كان متوقع ان الصفقه متمش من اجل ذالك تم التعاقد مع طاهر محمد طاهر من المقاولون ومع وجود كهربا ووليد سليمان بيجيد فى المكان ده جدا
اذا الاداره كانت عامله حسابها لرحيله والمعروف عن مجالس إدارات الاهلى على مر التاريخ انها افعال لا اقوال. كل الدعم للخطيب ومجلس ادارته ضد الحملات الممنهجه ضده. تقبل تحياتى