Ahmed Rashad
09-01-2020, 04:41
محمد على كلاى او رياضى القرن العشرين طب ايه سبب الشهره الفظيعة دى وانه خد رياضى القرن العشرين؟
اقولكم ليه
محمد على بعكس كل الملاكمين كان ليه طريقة لعب فريدة مختلفة عن كل الملاكمين كان بيفضل يتحرك حوالين الخصم فى كل اتجاة فى الحلبة وهو منزل ايديه تحت وسايب وشه مفتوح عشان يغرى الخصم يضربه لكمة بكل قوته فى وشه و بيتفادى اللكمات بانه يحرك رقبته يمين او شمال بعيد عن اللكمة بمهارة شديدة جدا و دة بيخلى اللى قدامه ضرباته تضعف و لياقته تقل و يتعب بسرعة وكان اثناءاللف حوالين المنافس وتفاديه للكماته كل ميلاقى فرصة يضرب الملاكم لكمتين تلاته فجأة بسرعة وبقوة شديدة لدرجة انه صاحب اسرع ضربة ملاكمة تقدر سرعة لكمته ب 900كم\ساعة نكمل المهم على اخر المباراة بيكون اللاعب اللى قدامه نفسه اتقطع من كتر الضربات اللى راحت منه فى الهوا يستفرد بيه محمد على بقى اللى لسه محافظ على لياقته وقوته و ينزل فيه ضرب لغاية مالمنافس يا اما ينسحب يا اما يقع على الارض يا اما يصعب على الحكم من كتر الضرب اللى نازل فيه فيروح الحكم ناهى المباراة بفوز محمد على قبل معادها ،اسلوبه دة كان مسميه ( تحرك مثل الفراشةوالسع مثل النحله).....
نيجى بقى لاحتكاره للبطولات وهيمنته على الملاكمة فى عصره
محمد على بعد محصل على الميدالية الذهبية فى اولمبيات 1960 بدا يلعب كمحترف و انتصر فى كل المباريات اللى لعبها لغاية موصل للمباراة اللى الفاصله ليه قدام سونى ليستون بطل العالم على لقب بطولة العالم فى الملاكمة سنة 1964سونى ليستون كان متربع على عرش الملاكمة فى الوقت دة و كان هو بطل العالم و كان محمد على سعتها لسه عمره 22 سنة كل الناس كانت متوقعه ان ليستون مش بس يفوز لا ان محمد على ميتطلعش حى من المباراة لكن محمد على فى المباراة دى قدم جيم دفاعى (من وجهة نظرى اللى ملهاش لازمة ) احلى جيم دفاعى حصل فى تاريخ الملاكمة كان تقريبا طول الجيم ليستون يدى ضربات بكل قوته ومحمد على يتفاداها لغاية مفيص خالص سونى ليستون فى الاخر و جه دور محمد على بقى اللى نزل فيه فين يوجعك لدرجة انه كان ليستون ياخد الضربة وراسه ترتد للخلف من قوتها لحد مسونى ليستون قال حقى برقبتى و انسحب تخيلوا بطل العالم ينسحب قدام شاب 22 سنة (لسه عيل زى مبيقولوا ) اصبح محمد على بطل العالم و انتهز الفرصة علطول واعلن اسلامه بعد المباراة بايام و غير اسمه من كاسيوس لمحمد على و كان قدامه مباراة تانيه قدام ليستون يا اما ليستون يرجع حقه ويرجع بطولة العالم يا اما محمد على يحتفظ بيها وباى باى ليستون كله قالك ليستون هينتقم من محمد على فى المباراة دى و هيرجع هيبته اللى ضاعت لكن الحقيقة ان محمد على انتصر من اول جوله فى المباراة بالضربة القاضيه و بقى هو المتربع على عرش الملاكمة بدون اى هزيمة لغاية دلوقتى.. اصغر بطل عالم فى تاريخ الملاكمة اصبحت مهمته الجديدة انه يحافظ على لقبه الجديد( بطل العالم للوزن الثقيل) دلوقتى كل مباراة هيلعبها هتكون على اللقب لو خسر هيخسر اللقب السؤال بقى هل حد هيغلبه و ياخد منه اللقب الاجابه فى البوستات الجايه بقى عشان تعبت وعشان انتوا متزهقوش
اقولكم ليه
محمد على بعكس كل الملاكمين كان ليه طريقة لعب فريدة مختلفة عن كل الملاكمين كان بيفضل يتحرك حوالين الخصم فى كل اتجاة فى الحلبة وهو منزل ايديه تحت وسايب وشه مفتوح عشان يغرى الخصم يضربه لكمة بكل قوته فى وشه و بيتفادى اللكمات بانه يحرك رقبته يمين او شمال بعيد عن اللكمة بمهارة شديدة جدا و دة بيخلى اللى قدامه ضرباته تضعف و لياقته تقل و يتعب بسرعة وكان اثناءاللف حوالين المنافس وتفاديه للكماته كل ميلاقى فرصة يضرب الملاكم لكمتين تلاته فجأة بسرعة وبقوة شديدة لدرجة انه صاحب اسرع ضربة ملاكمة تقدر سرعة لكمته ب 900كم\ساعة نكمل المهم على اخر المباراة بيكون اللاعب اللى قدامه نفسه اتقطع من كتر الضربات اللى راحت منه فى الهوا يستفرد بيه محمد على بقى اللى لسه محافظ على لياقته وقوته و ينزل فيه ضرب لغاية مالمنافس يا اما ينسحب يا اما يقع على الارض يا اما يصعب على الحكم من كتر الضرب اللى نازل فيه فيروح الحكم ناهى المباراة بفوز محمد على قبل معادها ،اسلوبه دة كان مسميه ( تحرك مثل الفراشةوالسع مثل النحله).....
نيجى بقى لاحتكاره للبطولات وهيمنته على الملاكمة فى عصره
محمد على بعد محصل على الميدالية الذهبية فى اولمبيات 1960 بدا يلعب كمحترف و انتصر فى كل المباريات اللى لعبها لغاية موصل للمباراة اللى الفاصله ليه قدام سونى ليستون بطل العالم على لقب بطولة العالم فى الملاكمة سنة 1964سونى ليستون كان متربع على عرش الملاكمة فى الوقت دة و كان هو بطل العالم و كان محمد على سعتها لسه عمره 22 سنة كل الناس كانت متوقعه ان ليستون مش بس يفوز لا ان محمد على ميتطلعش حى من المباراة لكن محمد على فى المباراة دى قدم جيم دفاعى (من وجهة نظرى اللى ملهاش لازمة ) احلى جيم دفاعى حصل فى تاريخ الملاكمة كان تقريبا طول الجيم ليستون يدى ضربات بكل قوته ومحمد على يتفاداها لغاية مفيص خالص سونى ليستون فى الاخر و جه دور محمد على بقى اللى نزل فيه فين يوجعك لدرجة انه كان ليستون ياخد الضربة وراسه ترتد للخلف من قوتها لحد مسونى ليستون قال حقى برقبتى و انسحب تخيلوا بطل العالم ينسحب قدام شاب 22 سنة (لسه عيل زى مبيقولوا ) اصبح محمد على بطل العالم و انتهز الفرصة علطول واعلن اسلامه بعد المباراة بايام و غير اسمه من كاسيوس لمحمد على و كان قدامه مباراة تانيه قدام ليستون يا اما ليستون يرجع حقه ويرجع بطولة العالم يا اما محمد على يحتفظ بيها وباى باى ليستون كله قالك ليستون هينتقم من محمد على فى المباراة دى و هيرجع هيبته اللى ضاعت لكن الحقيقة ان محمد على انتصر من اول جوله فى المباراة بالضربة القاضيه و بقى هو المتربع على عرش الملاكمة بدون اى هزيمة لغاية دلوقتى.. اصغر بطل عالم فى تاريخ الملاكمة اصبحت مهمته الجديدة انه يحافظ على لقبه الجديد( بطل العالم للوزن الثقيل) دلوقتى كل مباراة هيلعبها هتكون على اللقب لو خسر هيخسر اللقب السؤال بقى هل حد هيغلبه و ياخد منه اللقب الاجابه فى البوستات الجايه بقى عشان تعبت وعشان انتوا متزهقوش