مراجعه حول اداء الاهلى ولاعبيه

[aborayan]

النادى الاهلى ليله امس قدم عرض لايليق بتاريخه ولا بأسمه امام نادى حرس الحدود اللعيبه تحس انهم مش عايزين يكسبوا مفيش روح فى الملعب فى لعيبه لاتستحق المرور من امام سور النادى مش تلعب فى الاهلى امثال جيرالدو لاعب غريب جدا مجرد انه يمسك الكوره يتكعبل ويوقع المفروض ده لاعب محترف نزوله ارض الملعب المفروض يغير مجريات الامور دا بيلعب من اول الماتش مشفناش اللاعب اصلا حتى ربيعه اكتر من كوره لوحده ويخطأ فى
التمرير واكتر من لاعب فى الملعب على نفس الوضع فيه حاجه غلط هل ممكن فارق النقاط الكبير بين الاهلى والمركز التانى دا مش مبرر للأداء السئ وياريت مفيش حد يقولى المهم الثلاث نقاط وخلاص أعتقد مفيش اهلاوى كان مقتنع بأداء الفريق منذ عوده استئناف الدورى بعد توقف الكورونا. الاهلى بالمستوى ده مش هيكمل فى النصف نهائى الافريقى. اتمنى اى واحد يفسرلى سوء مستوى الاهلى فى هذه الفتره

[elmister25]

اخي الفاضل تقبل تحياتي اولا اما ثانيا اداء النادي الاهلي ليله امس امام حرس الحدود كان متواضع جدا وانا شايف انه السبب في الاداء دا هو المدرب لان حاسس انه فايلر بعد مارجع من السفر تحسه انه مش بيدي للنادي حقه خالص او زي ما بتقول كدا بيجود كمان انا شايف انه المشكله الاكبر هو الضغط اللي بيتعرض ليه لاعبي النادي الاهلي بسبب ضغوط المباريات المتتاليه بسبب الايقاف اللي اتعرض ليه الدوري بسبب كورنا اما السبب الرئيسي بقا من وجهه نظري هو الإيقافات الكتيره للاعبين اما بسبب الاصابه او بسبب الطرد او إجهاد وراحه العديد من الاعبين كلها امور سيطرت علي النادي الاهلي وكمان خلت النادي الاهلي في غير وضعه الطبيعي واللاعبين مش بيدوا زي ما اتعودنا منهم.تقبل تحياتي اخي الفاضل وبالتوفيق لك وللجميع

[MichaelAnees]

اتفق معك أخي ان اداء النادي الأهلي لم يكن جيد ولكن هناك أسباب كثيرة ومهمة لسوء الأداء واهمها هو ان اللاعبين يلعبون مبارة كل اثنان وسبعون ساعة كما ان اغلب اللاعبيين عائدون من إصابة ويخشون من كثرة الإصابات ومن تكرارها وبالطبع هناك غيابات عديدة في صفوف الفريق وكذلك ملعب المباراة كان صغير مما سهل على لاعبي حرس الحدود غلق المساحات أمام الأهلي ،كما أن من الأسباب ايضا تفوق الأهلي في الدوري وانفراده بالمركز الأول على بعد ١٧ نقطة وإقترابه على حسم اللقب لذلك غابت المنافسة التي تعطي دوافع للاعبيين.اما بالنسبة للاعب جيرالدو فانا اتفق معاك انه ليس على مستوى النادي الأهلي ويجب ان يرحل خصوصا بعد انتهاء فترة إيقاف اللاعب محمود عبد المنعم كهرباء وكذلك عودة اللاعب النيجيري جونيور أجاي الى مستواه المعروف وبعد اسبوعين سيعود اللاعب حسين الشحات ايضا ،لذلك اتوقع ان النادي الأهلي سيقدم مستويات أفضل بكثير خلال المباريات القادمة.