MichaelAnees
09-12-2020, 18:02
مراجعة موبايل Samsung Galaxy A31
التصميم :-
الموبايل مثل أغلب موبايلات سامسونج اللي في فئه الـA بظهر وفريم من البلاستيك والفئة السعرية اللي الموبايل ده موجود فيها مش كل الموبايلات زجاج ومش كلها بلاستيك.
اللون الأبيض حلو في الموبايل وشيك .
وطبعا وجود الكاميرا الرُباعية في الظهر خلاص ده اللي بقينا نشوفه من سامسونج دايمًا، الكاميرات موجوده على حرف L في المستطيل بتاع الكاميرات اللي البروز بتاعه قليل جدًا وبيتغطى بالجراب الشفاف اللي جاي مع الموبايل في العلبة.
الموبايل وزنه متوسط حوالي 185 جرام وتخانته حوالي 8.5 ملم. مقبول في الإيد و مش تقيل اوي ومش خفيف اوي.
الشاشة :-
والشاشة بقى اهم ميزة في الموبايل شاشة Super AMOLED بحجم 6.4 بوصة بدقة FHD+. فيها نوتش صغير كده فوق.
الشاشة حلوة جدًا. سواء الوان او سطوع او زوايا الرؤية. وزي ما بقولك ديه احسن حاجة عجبتني في الموبايل ده.
بس للأسف الحافة السفلية للشاشة كبيرة شوية وللأسف مفيش إعلان رسمي عن طبقة الحماية على الشاشة ولا هي كمان بيجي عليها سكرينة.
الأداء :-
موبايل Galaxy A31 جاي بمعالج ميدياتيك Helio P65 .. معالج مش قوي في فئته السعرية وكمان نوع الذاكرة الداخلية eMMC 5.1 النوع القديم البطيء وكمان الموبايل بـ 4 جيجا رام فقط.
والموبايل ده مش مناسب للألعاب التقيلة على الإطلاق .
عوامل الأمان :-
البصمة مٌدمجة في الشاشة .. مش سريعة ومش عملية .. ساعات بتغلط .. والـAnimation بتاع الواجهة مبطئها اكتر واكتر .. والـFace Unlock سرعته مقبولة بس مش اسرع حاجة.
البطارية :-
بطارية كبيرة بتيجي بحجم 5000 مللي أمبير .
المهم الشاحن 15 واط بيشحن البطارية بالكامل في 3 ساعات
الكاميرات :-
الموبايل بيجي بـ4 كاميرات في الضهر .. الأساسية 48 ميجا بيكسل بفتحة عدسة F/2.0 .. والتانيه 8 ميجا بيكسل فتحة عدسة F/2.2 للتصوير الواسع، التالته 5 ميجا بيكسل فتحة عدسة F/2.4 ماكرو، والأخيره 5 ميجا بيكسل للعزل.
والسيلفي الموجود في نوتش الشاشة بيجي بدقة 20 ميجا بيكسل مع فتحة عدسة F/2.2 .. وللأسف الشديد مفيش Night Mode في سوفت وير الكاميرا الخلفية ولا امامية.
التصميم :-
الموبايل مثل أغلب موبايلات سامسونج اللي في فئه الـA بظهر وفريم من البلاستيك والفئة السعرية اللي الموبايل ده موجود فيها مش كل الموبايلات زجاج ومش كلها بلاستيك.
اللون الأبيض حلو في الموبايل وشيك .
وطبعا وجود الكاميرا الرُباعية في الظهر خلاص ده اللي بقينا نشوفه من سامسونج دايمًا، الكاميرات موجوده على حرف L في المستطيل بتاع الكاميرات اللي البروز بتاعه قليل جدًا وبيتغطى بالجراب الشفاف اللي جاي مع الموبايل في العلبة.
الموبايل وزنه متوسط حوالي 185 جرام وتخانته حوالي 8.5 ملم. مقبول في الإيد و مش تقيل اوي ومش خفيف اوي.
الشاشة :-
والشاشة بقى اهم ميزة في الموبايل شاشة Super AMOLED بحجم 6.4 بوصة بدقة FHD+. فيها نوتش صغير كده فوق.
الشاشة حلوة جدًا. سواء الوان او سطوع او زوايا الرؤية. وزي ما بقولك ديه احسن حاجة عجبتني في الموبايل ده.
بس للأسف الحافة السفلية للشاشة كبيرة شوية وللأسف مفيش إعلان رسمي عن طبقة الحماية على الشاشة ولا هي كمان بيجي عليها سكرينة.
الأداء :-
موبايل Galaxy A31 جاي بمعالج ميدياتيك Helio P65 .. معالج مش قوي في فئته السعرية وكمان نوع الذاكرة الداخلية eMMC 5.1 النوع القديم البطيء وكمان الموبايل بـ 4 جيجا رام فقط.
والموبايل ده مش مناسب للألعاب التقيلة على الإطلاق .
عوامل الأمان :-
البصمة مٌدمجة في الشاشة .. مش سريعة ومش عملية .. ساعات بتغلط .. والـAnimation بتاع الواجهة مبطئها اكتر واكتر .. والـFace Unlock سرعته مقبولة بس مش اسرع حاجة.
البطارية :-
بطارية كبيرة بتيجي بحجم 5000 مللي أمبير .
المهم الشاحن 15 واط بيشحن البطارية بالكامل في 3 ساعات
الكاميرات :-
الموبايل بيجي بـ4 كاميرات في الضهر .. الأساسية 48 ميجا بيكسل بفتحة عدسة F/2.0 .. والتانيه 8 ميجا بيكسل فتحة عدسة F/2.2 للتصوير الواسع، التالته 5 ميجا بيكسل فتحة عدسة F/2.4 ماكرو، والأخيره 5 ميجا بيكسل للعزل.
والسيلفي الموجود في نوتش الشاشة بيجي بدقة 20 ميجا بيكسل مع فتحة عدسة F/2.2 .. وللأسف الشديد مفيش Night Mode في سوفت وير الكاميرا الخلفية ولا امامية.