نظرة عامة حول عمل البسبوسة على طريقة الحلوانى

[tamermosa]

المكوّنات

400 جرام دقيق سميد
170 جرام قشطة
3 معالق كبيرة سمنة
كوب ماء
½ كوب جوز الهند
فانيليا
معلقة صغيرة بيكينج بودر
الشربات
كوب ونصف سكر
كوب ونصف ماء
½ لمونة
فانيلا

الخطوات

في حلة نضع كوب السكر ع نار هادية حتى يتكرمل ويصل الي لون ذهبي ثم نضع كوب الماء والقشطة والسمنة ونقلب حتى الذوبان ويمتزج الخليط وبعد أن يغلي نغلق النار ونضع دقيق البسبوسة والفانيلا والبيكينج بودر ونضع الخليط في صنية مدهونة بالسمن ونضعها بالفرن عند احمرار أطراف البسبوسة نشغل الشواية

لعمل الشربات نضع السكر والماء على النار لمدة عشر دقايق وعليهم عصير نص لمونة ونسقي به البسبوسة وهو بارد

[aborayan]

اخى الفاضل تقبل تحياتى وتقبل مرورى الى جانب عملى الاساسى كمعلم اعمل فى مجال الطباخه والحلوانى لذالك اقدم لحضرتك اجمل طريقه لعمل البسبوسه وطبعا المقادير على حسب الصينيه او صاج الشغل اللى هتسوى فيه اليك خطواتى
1-فى البدايه نجيب كيلو سميط
2- ربع كيلو لبن حليب
3- ربع كيلو سمنه
4- نصف كيلو سكر
5- 150جرام عسل جيلكوز
6- من الفانيليا 20جرام
7- ربع كيلو جوز هند
طريقة التحضير
فى بوله من البلاستيك او اى بوله عاديه يتم وضع السكر ثم يضاف اليه السمنه ثم اللبن ويجب ان يكونا ساخنين تقدر تستحمل التقليب بالايد ثم اضافة عسل الجيلكوز وبعدين الفانيليا وتبدأ التقليب لمده دقيقتين حتى يتم زوبان السكر بالخليط ثم نضيف السميط وبعدين نضيف جوز الهند ونقلب الخليط فى بعضه وبعدين ندهن ارضية الصينيه سمنه ونضع الخليط ونساوى وش الصينيه بشرط الايد تكون بها سمنه اثناء تسويه الصينيه يعنى يكون وش الصينيه يكون مدهون سمنه وبعدين نضع مانريده على وش الصينيه سواء لوز او سودانى او كريز ونسيبها تريح ساعه وبعدين ندخل الفرن بتاعنا على نار هاديه. العسل او الشربات عباره عن نصف كيلو مياه عليه ربع سكر ثم ربع عسل جيلكوز وعصره ليمونه بديل ملح الليمون فى حاله عدم وجوده ثم 10جرام فانيليا نضعهم على النار يغلى غلوتين فقط وبعدين نطلع الصينيه من الفرن ويكون العسل سخن والبسبوسه سخنه يعنى كله سخن. جرب وادعيلى تحياتى