مراجعة حول التستيرون

[Ahmededres]

مراجعة حول التستيرون
هوا انا ليه المفروض اهتم بمستوى التستوستيرون كلاعب كمال اجسام ؟
* بعد ما التست ما يبقى فى دمك سواء كان تست طبيعى مفروز من الخصية
او واخده كا استرويد ..بيعمل ايه للعضل بتاعى ؟ سواء كنت طبيعى او لا بنقول تانى
التست مهم للرجال والنساء وهنعرف ليه فى المقالات اللى جاية ..
التست ليه طريقتين للعمل ياما مباشر ياما غير مباشر
الغير مباشر عن طريق انه بيحفز هرمون النمو ال GH وبالتالى بيزود تصنيع البروتين داخل العضل
مباشر عن طريق التحكم فى الجهاز العصبى ! ازاى ؟؟ بيعمل ال 3 حجات دول
1-التست بيتداخل مع المستقبلات العصبية
2- التست بيزود النواقل العصبية
3- التست بيتحكم فى التغيرات فى البروتين البنائى
كل حاجة من ال 3 دول بيحسن القوة الناتجة وفرق الجهد Action potential اللازم ان العضلة تنقبض
أخيرا التست بيتداخل مع العضلة زات نفسها بعد ما بيتفرز من الخصيتين فى الرجل والغدة الكظرية Adrenal فى الانثى
التست بينتقل للاسنجة المستهدفة target tissues
عن طريق بروتين اسمه SHBG
Sex Hormone Binding Globulin
لما بيوصل النسيج المستهدف التست بينفصل عن البروتين دا وبيقطع جدار الخلية وبيتحد مع المستقبل الانندروجينى النوائى
Nuclear Androgen receptor
وبعدها المتسقبل دا بيتحد مع الحمض النووى ال DNA وبيزود عملية تناسخ ال DNA
ودا بيشمل تصنيع البروتين !!
هناك دراسات حديثة قالت ان لما التست بيتحد مع الخلايا العصبية ال Neurons
دا بيزود تحرير الكالسيوم اللزم لانقباض العضلات الهيكلية
ومن هنا جات فكرة الاسترويد ان كل ما كان تست اكتر .. كل ما زاد تصنيع البروتين فى جسمى .. يبقى انا كلاعب طبيعى محتاج محفزات ليه
وكلاعب بتاع بطولات محتاجه كا استرويد
طب كل المحفزات دى شغالة ؟ وهل بعض التمارين كفيلة انها تخلى مستوى التست يزيد ؟ وهل انا كبنت المفروض اهتم بيه برضو ومخفش منه ؟

[TheNightKing]

هرمون التستوستيرون من الهرمونات الخطيره جدا فى الجسم نظرا لوظايفه المتعدده خصوصا للذكر لكن ربنا
سبحانه وتعالى خلق كل شئ بقدر بالتالى طول ما مستويات الهرمونات بشكل عام فى الجسم ماشيه بتنسيق هرمونى
منظم ومفيش فيها اى خلل فممنوع تماما التدخل والتلاعب بمستوياتها, بالنسبه طبعا لكمال الأجسام فاللعبه من الألعاب اللى
طموحها بيتزايد كل ما توصل لمستوى معين يعنى بتبنى شكل جيد بعد كده تبتدى تفكر فى التضخيم فتاخد مكملات اكتر
بعد كده تبتدى تفكر فى البطولات فتاخد ستيرويدز وتبتدى تلعب فى هرمونات جسمك فتدخل فى مشاكل كتيره تنتهى
بالموت غالبا زى ما بيحصل مع كتير من لاعبى كمال الأجسام لذلك طول ما مستوى هرمون التستوستيرون مناسب
فى الجسم ممنوع تماما التلاعب فيه

[theknight]

بسم الله الرحمن الرحيم السلام تحياتي لك ولاعضاء المنتدي المحترمين دا اولا اما بخصوص موضوعك عن هرمون التبستسرون،التستوستيرون المعروف باسم هرمون الذكورة هو الهرمون الرئيسي في الذكور والذي يلعب دورًا أساسيًا في نمو وتطور الأنسجة التناسلية للذكر والتي تتمثل في الخصيتين والبروستاتا كما أنه يعزز من نمو الخصائص الجنسية الثانوية والتي تتمثل في زيادة الكتلة العضلية ونمو العظام وبناء خلايا الدم الحمراء ونمو شعر الجسم كما أنه يساعد في منع هشاشة العظام وبالتالي فإن انخفاض مستواه في الدم في الذكور يؤدي إلى مضاعفات عديدة يتم إفراز هرمون الذكورة بواسطة الخصيتين في الذكور لكنه ليس محتكر على الرجال لأنه يفرز عند الإناث أيضًا لكن بواسطة المبيضين ولكن بكميات أقل بكثير من الذكور فمستويات الهرمون في الذكور حوالي ثماني أضعاف نسبته لدى الإناث لكن النساء أكثر حساسية لهذا الهرمون.وختاما اتمني لك وللاخوه الاعضاء مزيد من التقدم والارباح تحياتي