مراجعه بين انواع الموتسكل الصيني الدايون والهوجن والهمرز والبوكسر واكثر

[elzoz.magdy]

1- الحلاوه /
- اول حاجه تيجى الحلاوه تايجر ودي عداد 180 وقويه جدا وفيها تبريد زيت وميه ودى ف حدود 5500
- تانى حاجه تيجى الحلاوه اكسبريس ودي يعتبر اشد مكنه صينى وتتفوق على جميع المكن الصينى ف كل حاجه ودي عداد 120 وسعرها ف حدود 4800

2- الهوجان :
- كل الهوجان يعتبر من مخلفات الحروب الا الهوجان 3 لانها شيك جدا ونزيهه جدا جدا وسريعه وتعتبر قوتها من قوه الحلاوه اكسبريس بس تختلف ان مفيهاش تبريد ودي سعرها فى حدود 4200


3- الدايون :
- الدايون بصفه عامه بيجى فى المرتبه التالته
- اقوى مكنه دايون هى الدايون 4 ودي نسخه من الحلاوه اكسبريس برده بس مفيهاش تبريد يعنى التلت مكنات اللى هما ( حلاوه اكسبريس - هوجان 3 - دايون 4 ) يعتبرو من قوه بعض بس تتفوق الحلاوه اكسبريس ف التبريد والدايون 4 ف حدود 4300
- الدايون 7 على قد شكلها على قد ما هى عامله زى البرميل ومش بتستحمل المطبات وبعديه بتغرى الواحد جدا وهى ف حدود 5400
- الدايون 6 دي بقى اللى معرفش صنعوها ليه الصراحه انا حرام ادفع فيها خمسه جنيه لانها وبلا فخر مش عايزين نقول كلمه متصحش .. بس هى لا بتجرى وشكل ع الفاضى وكل اللى عليها من برا ده فبر يعنى لو اتكسر منك كل سنه وانت طيب .. وبعدين ملهاش قطع غيار ودى ف حدود 6100


4- الهامرز :
- الهامرز قوى جدا وبيستحمل جدا جدا جدا بس مشكلتو مينفعش يتجرى بيه لانو بيغرى الواحد برده نفس نظام كل المكن الصينى وهو فى حدود 5600


5- النحله :
- ودي في منها دايون وفى منها اكتر من نوع يعنى ودي دايما بشكمان واحد وصغيره وخفيفه ودي بقى للى عايز يلعب وهى بتستحمل وجباره وسريعه وع فكره برده اللى محدش يعرفو انها بتسافر يعنى تقدر تروح بيها مسافات بعيده جدا هتعيش معاك بس مشكلتها بقى انها دي للشباب اللى عايز يلعب ع الطريق مش عايز يجيب حاجه شكلها شيك ودى ف حدود 3800


6- مخلفات الحروب :
- طبعا يجى بعد كده الريس الصينى وطبعا ملوش قطع غيار وكلو فبر وحاجه مريضه ع الاخر برده وصوته عامل زى صوت الجرار يعنى هتتعبك جامد وده عامل 5500
- ويجى برده ف مكنه شوفتها مش فاكر كان اسمها هانكو بيتهيالى هى عامله زى النحله وجامده بس مش بتستحمل برده الا بالحفاظ عليها ودي عامله 3700




اما الهندى والمفاجاه :
---------------------
باجاج نزلت موتوسكل رهيب من فتره اسمو بوكسر وده 150 سى سى وده عامل 5100 وده نزل علشان يغطو على كل المكن الصينى اللى ف السوق ونزل بسعر مغرى جدا جدا ينافس الصينى
- وبعدين مننساش ان باجاج قربت تنافس اليابانى
- فرده الكاوتش بتاعتو بمقام 10 مكنات صينى وبعدين مننساش ان ده هندى يعنى قوه وكفايا انو خارج من باجاج
- ده بقى لو عملنا مقارنه بينو وبين الحلاوه اكسبريس اللى هى اشد مكنه صينى هيتفوق فى كل حاجه ف القوه والمتانه والصوت وكل حاجه وبيستحمل جدا جدا وبعدين هو مصنع اصلا علشان يتحدى الطرق الصعبه يعنى مطبات وكل حاجه هيعمر معاك جامد

- يعنى مميزاته انو خفيف وتحس براحه وانت راكبو وتحس بامان وبعدين صوته هادى
- وبعدين كل واحد معاه مكنه صينى دلوقتى بيبيعها ويجيب بوكسر ..


نصيحه بقى للاخوه اللى بيفكرو ف مكنه صينى :
نصيحه اخ لو معاك ميزانيه ضعيفه ومحتاج تجيب موتوسكل يبقى عليك وع البوكسر الهندى والا متجبش لان الصينى هتندم كتير لو جبتو

انا من ناحيتى اشتريت البوكسر وريحت دماغى والله باكل المكن الصينى كلو ع الطريق

[Midoo55]

بسم الله الرحمن الرحيم
في السنوات الاخيره انتشرت الموتوسكلات الصيني علي اختلاف انواعها في الاسواق المصريه الا انها وجدت اقبالا كبير جدا علي الاسواق المصريه وبالتالي استطاعت هذه الشركات ان تحقق نسب مرتفعه جدا من
المبيعات المختلفه داخل مصر بالتحديد والسبب في ذلك ان معظم هذه الشركات تقدم مجموعه من الخدمات المميزه جدا وتقدم المنتجات بأسعار في متناول عامة الشعب المصري ويتمكن الجميع من شراء هذه الموتوسكلات
ومن اهم وابرز هذه الشركات
هي شركة هوجن جيث استطاعت هوجن من السيطره بشكة كبير جدا علي الاسواق المصريه حيث تقدم منتج مميز ومن ابرز منتجاتها هوجن ابو حوا 200 وهو ممتاز جدا ولديه موتور قوي جدا وموفر في البنزين
ومن وجهة نظري ان افضل الشركات هي هوجن لما لها من مميزات كبيره جدا في الاسواق المصريه
ايضا من ابرز هذه الشركات هي شركة دايون حيث ان هذه الشركه ايضا تتميز بأنها تقدم مجموعه من المنتجات المميزه جدا من اهمها الماكينه دايو 7 /200 وهي واحدن من اهم المنتجات التي قدمتها شركة دايو لما لها من مظهر خارجي وجمال ممتاز ومميزات تختلف عن الماكينات الاخري
ايضا من هذه الشركات شركة حلاوه
حيث تعتبر حلاوه من الشركات المميزه جدا في الاسواق المصريه وحلاوه جاءت بالكثير من المميزات اهما الماكينه حلاوه اكسبريس 200 واحده مز اقوي الماكينات

[Mastermind]

بالنسبة إلى المدى الذي يختلف من متداول إلى آخر داخل سوق الفوركس ، حيث يمكنك التداول بأي مبلغ ، لكنني الآن أتداول بكمية أكبر لا تقل عن مائتي دولار الآن ، أقررها نظرًا لحقيقة وجود مبلغ كبير توفر لك إمكانية التلاعب برأسمالك ، لذلك لا داعي للقلق بشأن الكمية التي ستدخلها في مجال الفوركس ، على الرغم من أن معرفتك يجب أن تكون حول كيفية قيامك بالمشاريع.

[nadermohamed]

بسم الله الرحمن الرحيم السلام تحياتي لك ولاعضاء المنتدي المحترمين