مراجعة تصميم هاتف Xiaomi Redmi 8

[MichaelAnees]

مراجعة تصميم هاتف Xiaomi Redmi 8

التصميم :-

تصميم محترم وخامة نظيفة جدا يمكن ده احسن خامة خارجية في الفئة الاقتصادية لحد دلوقتي وكمان التصميم شكله شيك بالفريم الاسود الي ف نص الظهر وجواه الكاميرا الخلفية المزدوجة وتحتهم مستشعر البصمة والمميز في التصميم هنا الكاميرا الخلفية مش بارزة خالص عن ظهر الموبايل .
الموبايل جاي معاه جراب شفاف في العلبة ركبه علشان تحافظ على الموبايل .
ريدمي 8 وزنه تقيل نسبيا هو حوالي 188 جرام و تخانته كبيره شوية اكبر من 9 ملم فيه انحناء خفيف على الظهر علشان يحسن شوية من مسكة الموبايل في ايديك.

الشاشة :-

شاشة موبايل ريدمي 8 عادية جدا بحجم 6.2 بوصة بدقة HD+ من نوع IPS شاشة تقليدية وعموما الشاشة ادائها كويس واستجابة اللمس او التاتش عليها كويس جدا .
الوان الشاشة مقبولة والسطوع تحت الشمس مقبول.
الحواف حوالين شاشة Redmi 8 بردة مقبولة وزي المنافسين في الفئة السعرية ديه.

الأداء :-

معالج الموبايل سناب دراجون 439 وعموما اداء ريدمي 8 كويس جدا بسبب واجهة شاومي الي مش هقدر اقول انها خفيفة لانها مبقتش خفيفة اوي بس الاداء هنا كويس و مكنش فيه اي مشاكل معايا ومقبول جدا على انه في الفئة الاقتصادية والاستخدام مضايقنيش في التصفح وبرامج السوشيال.
ويوجد بصمة في الظهر هنا ادائها كويس هي مش سريعة اوي زي ما متعودين من شاومي بس ادائها كويس في الفئة السعرية ديه .
والموبايل بيدعم فيس ان لوك سرعته بردة كويسة مش وحشة خالص .

[Ahmedmego]

مشكور يالغالي

[Midoo55]

بسم الله الرحمن الرحيم
في الواقع تعتبر شركة شاومي واحده من اكبر الشركات الموجوده داخل الاسواق وهي دائما تحاول ان تطور من نفسها وتنتج المنتجات المتطوره والحديثه بشكل كبير جدا وهي منتجات قويه ومتطوره ومن اهم هذه المنتجات هو الهاتف شاومي ريد مي نوت 8
من مميزاته ان المعالج هو سناب دراجون مثماني النواه وهو قوي جدا ومن اقوي المميزات انه سريع ويؤدي الي سرعة الهاتف بشكل قوي جدا
الهاتف يأتي ببطلريه قويه جدا حيث ان حجم البطاريه يصل الي 4000 ملل امبير وهي بطاريه قويه جدا ومن اقوي البطاريات كما ان الهاتف
يتميز ايضا بأنه ذا ذاكره داخليه كبيره حيث ان الذاكره الداخليه للهاتف هي 128. جيجا بايو كما ان مساحة الرامات ايضا قويه حيث يمتلك الهاتف رامات 4 جيجا رام
ايضا من ابرز مميزات الهاتف انه يأتي ايضا بكاميرا رباعيه خلفيه يصل دقة الاولي الي حوالي 48 ميجا بكسل وهي ذات جوده عاليه جدا