مراجعه حول اضطرابات والم المعده

[doaa sary]

السلام عليكم
كتير بنكون عندنا الالام بالمعده ومش عارفين اسبابها اية او الحلول
وغالبا بيكون الامر عابر وفى خلال ساعات بيشفى الانسان تماما
خلينى اقول ان الافضل دائما عند الشعور باى اعراض لاى مرض حتى لو اعراض بسيطة لابد من استشارة الطبيب وعمل الفحوصات اللازمة
لاكن خلينى اقول بعض النصايح لو فى الالام بالمعده بسيطة بسبب البرد او بسبب اكلة معينة تسببت بالالام دى وحلول منزلية بدون دواء طبى
المشروبات الدافئة مفيدة جدا فى حالة اضطرابات واوجاع المعدة ومن اهم المشروبات المهدئة للمعده
1مشروب البابونج الدافى معلقة من البابونج وينقع فى ماء مغلى ويشرب كوباية الى 3 باليوم ويحلى بعسل او سكر
2مشروب الزنجبيل بالليمون سواء اكياس جاهزة او نعملها بالمنزل كوباية ونضيف نصف معلقة من الزنجبيل ونصف لمونة مع ماء مغلى
3الاكلات الصحية الساخنة المعده منزليا مثل شوربة الخضار لسان عصفور والابتعاد عن الاكلات السريعه لانها عادة بتكون اكبر سبب للتلوث واسباب امراض المعده

[BlowMeth]

الام ومشاكل المعده بتختلف درجة خطورتها على حسب المكان والحده اللى موجوده كذلك طبيعة الالم نفسه يعنى لو
المكان على الجانبين وبشكل غير محتمل تماما فده ممكن نرجحه بالمغص الكلوى وده بيكون علاجه حقن من عقار
الهايوثين Hyocin متاحه كبراند اسمه بسوكوبان اما لو كان الالم فى الجانب اليمين بس والم متوسط او شديد فمن
الممكن نرجح الزائده الدوديه وساعتها لابد التحرك فورا لمركز طبى لعمل سونار وتقييم الحاله لأن التدخل الجراحى
فى حالة ثبات الالتهاب هو الحل الوحيد لانقاذ الحاله اما لو كان الألم تقلصات ووجع فى المعده فتناوى اقراص الهايوثين
مع اى نوع anti-inflamatory زى مثلا البروفين او حتى الديكلوفيناك صوديوم هيكون مسكن جيد, فى حالات
الم المعده اللى عباره عن احتراق او حرقان فمن الممكن تناول عقارات زى omeprazole او pantoprazole
ودول متاحين تحت اكتر من براند