مراجعه حول عقار Omeprazole و Pantoprazole لالتهابات المعده والمرئ

[BlowMeth]

عقارات ال omeprazole وال pantoprazole جزء من مجموعة ادويه بتنتمى لموانع مضخة البروتون
او proton pump inhibitors والاختصار المتعارف عليه طبيا هو ppi

طبعا فيه انواع تانيه فى المجموعه ديه لكن انا اخترت النوعين دول لأنهم الانواع الاشهر بالاضافه انهم يمكن
استخدامهم بدون روشته يعنى ممكن الدكتور الصيدلى يوصفهملك بنفسه عادى

المجموعه ديه من الادويه بتكون عباره عن موانع لمضخات البروتون فى المعده وديه بتكون مسؤوله عن البيئه
الحامضيه للمعده بالتالى لما يتم توقيفها او تعطيلها لفتره من الزمن هتؤدى لثبات او تقليل درجة الحامضيه فى
المعده فبتستخدم فى علاج معظم مشاكل المعده المختلفه يعنى لو انت بتعانى من حموضه شديده او حرقان فده
هيكون افضل اختيار ليك بالاضافه لاستخدامها الكبير جدا فى علاج مشاكل اكبر من الحموضه زى الارتجاع
المريئى وكجزء من بروتوكول علاج الجرثومه المعديه

ممنوع استخدام عقار ال omeprazole لمرضى القلب المستخدمين لعقار Clopidogrel لأنه بيوقف
عمله بشكل كامل كذلك ممنوع استخدام المجموعه بالكامل لمرضى هشاشة وليونة العظام لأن الاستخدام المستمر
ليها بشكل عام بيسبب هشاشه فى العظام لذلك من المفضل استخدامها مع الكالسيوم وفيتامين D لتفادى او تقليل
خطر الهشاشه

طبعا انا ذكرت العقارين كمواد فعاله مش كبراند لأن فيه اكتر من براند فى السوق والمفروض المريض يبتدى
يتثقف شويه ويفهم الدواء كعقار او ماده فعاله مش براند شركه