الخلاصة فى موضوع السنتات لكل عضو لا يستلم بونص الموضوع ده بتاعك

[Sun89]

السلام عليكم جميعا
من خلال عملى فى المنتدى مدة لا بأس بيها فى الظروف الحالية و عملى زمان فى المنتدى على فترات متقطعة ممكن الخص الوضع السائد فيما يلى
مشكلة البونص مش عامة
فيه اعضاء كتير لسه بيوصلها و بيوصلها بونص محترم جدا الله اعلم بيوصلها ازاى او بيعملو اى
عندك العضو Midoo55
ده واصله الاسبوع اللى فات بونص تداول اكتر من 200 $ فى اسبوع واحد
و الاسبوع ده واصله 250 $ بونص تداول و مسابقة افضل الاجوبة
يعنى داخل على 500 $ فى اسبوعين فقط و هو كل ردوده بلا استثناء لا تخلو من الاخطاء اللغوية و بكثرة لدرجة انى اوقات مش بفهم الجملة بتاعته
و جزء كبير من ردوده تخلو من اى افادة تذكر
و قبل مسابقة المراجعات ما تقف و كانت بتتاخر فى الدفع والمبالغ بتاعتها كانت قلت كتير جدا ل اغلب الاعضاء هو واصله فى اخر جولتين 150 $ و 180 $ و بعدها مباشرة المسابقة وقفت
و فيه عضو تانى وصله الاسبوع اللى فات اكتر من 250 $ بونص تداول و الاسبوع ده بردو وصله بتاع 100 بونص و مسابقة
و عضو تالت بيوصله كل اسبوع من 100 ل 200 $ من وقت النظام ما بقى اسبوعى و اوقات اكتر
الخلاصة
يا جماعة هى ان
المبلغ اللى بيتم دفعه من المنتدى تقريبا زى مهو متغيرش و لكن بقا يتقسم على عدد قليل من الناس فكل واحد منهم بيوصله كميات كبيرة
اما باقى الاعضاء من عامة الشعب زينا كدة يوصلها سنتات انا واحد من الناس 6 اسابيع ورا بعض يوصلى سنتات و فيه اسبوع كامل موصليش فيه اى حاجة اللى هو الاسبوع اللى فات
و تيجى تكلم الشركة يستغربو لان نفس المبلغ اللى هما متعودين يدفعوه بالفعل بيتم دفعه و لكن هما مش قادرين يفهمو انه بقا بدل ما يتقسم على كل الاعضاء اللى بتشارك بقا يتقسم على 10 او 15 واحد بالكتير و الباقى كله يوصله سنتات و الاسم انهم دفعو لجميع الحسابات و كل الحسابات استلمت
من الاخر كدة
اللى بيجيله هيفضل يجيله حتى لو مشتغلش و اللى مبيجيلوش مش هيجيله مهما اشتغل ف محدش يتعب نفسه لا فى شغل و لا فى شكاوى عشان مش هتوصل لحاجة
عايز تشتغل يبقى مجرد تسلية و وقت فاضى منك او تقرا مواضيع او تشارك فى مواضيع انت حابب تشارك فيها و لكن متستناش ان يجيلك بونص عشان متزعلش لما العداد يتغير و تلاقى واصلك اقل من نص دولار على اى عدد من المشاركات مهما كان حتى لو عامل الف مشاركة
و موضوع المقاطعة ممكن تنفع بس هيفضل فيه عدد قليل من الاعضاء اللى هما لسه بيوصلهم هيفضلو مستمرين فى الكتابة و لكن دول عدههم قليل جدا جدا يستحيل يشغلو المنتدى لوحدهم
اى عضو عايز يشتغل القرار لك و هى دى كل تفاصيل الموضوع بمنتهى الشفافية
و القرار الاول و الاخير لك
تقبلو مرورى

[anaboda]

انا كدا كدا موقف مشاركه فى المنتدى وبتابع من حين لاخر لحد ما المشكله تتحل بس ال يخلى البونص ميوصلش لاكتر من 5 شهور ممكن يخلى المشكله مستمرة لسنين .
والى انا شايفه ان البونص بيتوزع بشكل ألى مش يدوى والاسكربت او الاداة ال متصممه لتوزيع البونص فيها خلل والمبرمج يا اما مطنش يحلها او مش عارف يحلها علشان كدا بتلاقى ناس مش بتشارك فى المنتدى ومبتفتحش وبيجيلها بونص.

[Midoo55]

حضرتك لا داعي للنقد الهدّام
انا شخصيا ردودي كلها غير منسوخه ، بالاضافه الي انني احترم قواعد وقوانين العمل في المنتدي ، اما موضوع البونص فأنا عانيت كثيرا مثل اي عضو ومازال البونص متفاوت من اسبوع الي اخر ، اما اذا كنت لا تستفيد من ردودي فبتأكيد هناك اخرون بيستفيدو
ارجو ان كل عضو يركز في نشاطه داخل المنتدي ولو هناك نقد
للاخرين ارجو ان يكون نقد بناء
بالتوفيق لحضرتك ولكل الاعضاء

[Sun89]

حضرتك لا داعي للنقد الهدّام
انا شخصيا ردودي كلها غير منسوخه ، بالاضافه الي انني احترم قواعد وقوانين العمل في المنتدي ، اما موضوع البونص فأنا عانيت كثيرا مثل اي عضو ومازال البونص متفاوت من اسبوع الي اخر ، اما اذا كنت لا تستفيد من ردودي فبتأكيد هناك اخرون بيستفيدو
ارجو ان كل عضو يركز في نشاطه داخل المنتدي ولو هناك نقد
للاخرين ارجو ان يكون نقد بناء
بالتوفيق لحضرتك ولكل الاعضاء


عانيت ف اى معلش ؟
يراجل انت واصلك اكتر من 8200 $ من المنتدى فى اقل من سنتين تقريبا سنتين الا 3 شهور عارف يعنى اى ؟ يعنى بمعدل اكتر من 400 $ شهريا من يوم ما دخلت المنتدى لحد الان ..
و اغلب البونص ده كان بونص قابل للسحب من افضل الاجوبة و افضل محتوى لحد ما وقفو
و محدش قال ان ردودك منسوخة و لكنها هزلية سخيفة تخلو من اى افادة تذكر يعنى مثلا ايام ما كانت المراجعات شغالة مراجعة مثلا نازلة عن بنك تروح انت داخل رادد هذا البنك هو من اهم البنوك فى العالم و هو بنك مهم .. ايوة و بعدين مهو نفس المعنى استفدنا احنا اى كدة ؟ و غالبا كنت بتبقى واخد نفس المعلومات الموجودة ف المراجعة اللى بترد عليها مع التغيير فى الالفاظ و العرض باسلوبك و قيس على كدة اغلب ردودك ده غير الاخطاء اللغوية اللى مفيش رد واحد من ردودك فى اى مكان فى المنتدى بيخلو منها دائما كلها لازم يكون فيها اخطاء لغوية فى كل سطور الرد مش سطر و لا اتنين و لا خطأ و لا اتنين
و مش انا بس اللى مش بستفيد من ردودك مفيش حد بيستفيد منها لانها بلا فائدة انا تابعت موضوعاتك لفترة لما شوفت كمية البونص اللى بتوصلك قولت اهو استفيد حتى باى معلومة طالما مش عارفين ناخد اى بونص و لكن بعد متابعة مواضيعك يوم و اتنين و تلاتة عرفت اللى فيها
و محدش بردو قال انك بتخالف قواعد المنتدى لكن انا بردو مبخالفش و كل الاعضاء اللى بتتظلم و مش بيوصلها و لا زال مش بيوصلها اى بونص مخالفتش فى حاجة و ردودها افضل من ردودك بكتير مفيش اى مقارنة نهائى فى الجودة بتاعة الرد بينك و بينهم
و فى الاخير يوصلك $200 بونص تداول و الاسبوع اللى بعده يوصلك 200$ زيهم اجوبة و حوالى 40 او 50 $ فى نفس اليوم بونص تداول و انا كعضو عامل اكتر من 50 او 60 رد يوصلنى 40 سنت بونص تداول و الاجوبة العداد عندى يتغير ب 21 $ اول عن اخر حصيلة 8 اسابيع بحالهم و كمان يوصل 7 و لا 6 بس منهم المنصة و الباقى ميوصلش و احط بدل الموضوع 3 مواضيع بمشكلتى و ابعت رسايل للمشرفين يشوفو مشكلتى و لا حد يعبرنى و لا حياة لمن تنادى
الخلاصة يا اخ ميدو
النقد مش هدام هو بس مش جاى على هواك لانك مستفيد من الفساد اللى حاصل فى المنتدى و لو الوضع اتصلح ده يضرك ضرر كبير انت و اللى زيك اللى لا زلتو بيوصلكو بونص كبير لا يعلم كيف يصلكم الا الله
ردودك مش منسوخة و كذلك مش مفيدة و لا تحوى اى قيمة او معلومة تذكر
انت بتحترم قواعد المنتدى و احنا كمان بنحترمها و بنشتغل زيك و اكتر لكن احنا بيوصلنا سنتات و انت بيوصلك 500 $ فى اسبوعين
انت لم تعانى من اى مشكلة تبع البونص كما تدعى و الدليل انه باحصائية بسيطة واصلك اكتر من 400 $ شهريا من يوم ما دخلت المنتدى لحد الان و لا زال بيوصلك و اغلبهم كان قابل للسحب
لا انا بستفيد من ردودك و لا غيرى بيسفيد منها لانها ردود بلا اى افادة
انا كنت مركز فى شغلى و حاولت بكافة الطرق اللى ممكن اى حد يتخيلها ان يوصلنى بونص و لكن مفيش فايدة لذلك ده سبب توقفى عن العمل انا اشتغلت شهرين كاملين كل اسبوع كان يوصلنى سنتات و كنت اصبر لكن خلاص مفيش فايدة
عشان كدة كان لازم اتكلم و اوضح لاى حد جديد او حتى قديم و عايز يرجع يشتغل عشان ميتصدمش و يزعل زى ما حصل معايا
و لتانى مرة النقد بناء و بيعبر عن لسان حال عشرات الاعضاء اللى اشتغلت و لا زالت بتشتغل و لا يصلها اى بونص او يصلها سنتات عشان حضرتك و اللى زيك يوصلكو 500 $ فى اسبوعين
بالتوفيق للجميع

[salijiji0]

السلام عليكم جميعا و بعد

ساقول شهادتي و بموضوعية للموضوع على العموم

انا بصراحة اعرف اغلب الاعضاء القدامى هنا و حتى بعض الاعضاء الجدد لاني بدات في المنتدى من سنة 2015 ثم انقطعت و عدت سنة 2018 و من خلال متابعة اغلب الاعضاء اقول لك اخي ان الاخ ميدو 55 يشتغل بقوة في المنتدى منذ مدة ليست باليسيرة و بدون التدخل في جودة مواضيعه و الاخطاء الاملاءية فهو يشتغل كثيرا هنا و يضع اضعاف اضعاف الردود التي اضعها انا هنا مثلا

على سبيل المثال انا عادة اشتغل في قسم المراجعات و افضل الاجوبة من 20 الى 25 رد اسبوعي و اخد عليها حوالي 30 الى 50 دولار و اقنع بذلك و احمد الله
بينما الاخ ميدو 55 يشتغل مراجعات او افضل الاجوبة اكثر من 100 رد او مراجعة لهذا هو ياخد افضل في البونص و يمكن يصله البونص من 100 الى 150 دولار اسبوعيا و هكذا

يعني ان الشغل الكثير و الردود الطويلة هي التي تاتي ببونص كبير و غير ذلك لا تتعب نفسك

هذه ملاحظتي و تجربتي الخاصة في المنتدى و اتمنى ان يستفيد منها اغلب الاعضاء هنا لزيادة البونص

بالتوفيق للجميع

[doaa sary]

هى حاجة تضحك الحقيقة بدل ماننفجر ونزعل انا من2013هنا من شهر7 موصلنيش سنت واكيد ردودى معروفة يعنى لارد صغير ولا نسخ والحقيقة ان مفيش حل ولا رد من الادارة واللى عايز يكمل يكمل واللى مش عايز ينسحب
انا عن نفسى وقفت ردود ف كل الاقسام خلاص ومن الله العوض مبشتغلش الا افضل الاجوبة فقط حتى بيجيلى منها مبالغ لا تتعدى 20دولار وبزعل لما اشوف ناس بيجيلها 599 و400 على اية متفهمش مش عارفه اعمل اية وزهقت من اللامبالة الموجودة بالمنتدى العربى مع ان الاجنبى افضل بكتيييير وفى حل للمشاكل ورد من المسؤلين مش زى هنا

[Sun89]

السلام عليكم جميعا و بعد

ساقول شهادتي و بموضوعية للموضوع على العموم

انا بصراحة اعرف اغلب الاعضاء القدامى هنا و حتى بعض الاعضاء الجدد لاني بدات في المنتدى من سنة 2015 ثم انقطعت و عدت سنة 2018 و من خلال متابعة اغلب الاعضاء اقول لك اخي ان الاخ ميدو 55 يشتغل بقوة في المنتدى منذ مدة ليست باليسيرة و بدون التدخل في جودة مواضيعه و الاخطاء الاملاءية فهو يشتغل كثيرا هنا و يضع اضعاف اضعاف الردود التي اضعها انا هنا مثلا

على سبيل المثال انا عادة اشتغل في قسم المراجعات و افضل الاجوبة من 20 الى 25 رد اسبوعي و اخد عليها حوالي 30 الى 50 دولار و اقنع بذلك و احمد الله
بينما الاخ ميدو 55 يشتغل مراجعات او افضل الاجوبة اكثر من 100 رد او مراجعة لهذا هو ياخد افضل في البونص و يمكن يصله البونص من 100 الى 150 دولار اسبوعيا و هكذا

يعني ان الشغل الكثير و الردود الطويلة هي التي تاتي ببونص كبير و غير ذلك لا تتعب نفسك

هذه ملاحظتي و تجربتي الخاصة في المنتدى و اتمنى ان يستفيد منها اغلب الاعضاء هنا لزيادة البونص

بالتوفيق للجميع

اهلا بيك و احترم وجهة نظرك و لكن مع كامل احترامى لك انت لم تقم بقراءة ردى على ميدو قراءة جيدة
انت بتقول انه نشيط و ان البونص الكويس بييجى عن طريق الردود الكتيرة و الطويلة و ده انا مقصرتش فيه اسبوع و اتنين و تلاتة و اقل رد كنت بحطه سواء فى الموسوعة او فى النقاش العام مكنش بيقل عن 650 او 700 حرف و بفضل الله اغلبها تخلو من اى خطا لغوى ممكن تلاقى خطأ و لا اتنين بالكتير اوى فى رد مكون من اكتر من 5 او 6 سطور
و مع ذلك مكنش بيوصلنى حاجة
نقطة كمان فى كلامك بتقول بغض النظر عن القيمة بتاعة الرد او الاخطاء اللغوية لكن هو بيشتغل كتير .. و على الرغم من ان ده مش معيار و لا سبب كافى
و لكن خلينا نقول ان
لو كانت الحكاية بالكمية و الكيلو مكنش حد غلب كان كل الاعضاء عملو كدة كتير جدا من الاعضاء و انا منهم توقفنا عن الكتابة لاننا جربنا كل حاجة ممكن تتعمل عشان يوصلنا بونص و مفيش فايدة و مفيش حاجة وصلت
الموضوع مش شغل كتير و ردود طويلة الموضوع ان فيه ناس لسه بيجيلها حتى لو مشتغلتش او اشتغلت شغل عادى و الباقى لو عمل الف رد ف الاسبوع مش هيجيله
و الدليل على كلامى هو انى بتحداك انك تعمل حساب جديد غير حسابك ده و تشتغل عليه فترة بالطريقة اللى انت بتقولها و ده على سبيل التجربة مش اكتر و التوضيح
و اذا وصلك عليه 50 $ او 10 $ على بعض حتى فى مرة واحدة وقت توزيع البونص و لو حتى بعد شهر كامل من الشغل يبقى انت صح و انا و كل الاعضاء غلط و المشكلة من عندنا
بالتوفيق للجميع

[Smart]

اولا البونص ليس لنا اى دخل فيه حاول تشوف الاخ ميدو بيعمل ايه واعمل زيه وهيوصلك نفس البونص اللى بيوصله
واحنا ماعندناش تفرقه بين الاعضاء والله وبيتم حساب البونص بطريقة اليه يعنى الربوتات مش بتميز بين ميدو او غيره
شروط يجب توافرها فى المشاركة عشان تستلم عليها بونص كبير
ثانيا ياريت كل عضو يهتم بنفسه دون النظر الى غيره اللى بيبص لغيره بيتعب جدا

ثالثا من لا يستلم بونص نهايا بنحاول نحل المشكلة مع الشركة فى منهم كان مخالف (تبادل لايكات) او له عدة حسابات فى منتديات انستافوركس

الله المستنعان