noone
01-22-2021, 01:45
علشان تقدر توصل لنتيجه محدده عن ايه بالظبط اللى بيحرك السوق فانت لازم تصنف او تقسم السوق لمجموعة المتداولين او المؤسسات اللى مشتركه فيه بالتالى هنلاقى نفسنا قدام 3 تصنيفات على الأقل نقدر نستنبط اثر كل واحد منهم على حركة السوق , اول تصنيف وهو البنوك المركزيه وديه طبعا مش محتاجه توضيح انها بتضخ سيوله بالمليارات فى السوق بالتالى بيكون ليها التأثير الأكبر فى حركة السوق هتقولى طيب ليه مثلا البنك المركزى الاسترالى ميضخش مليارات المليارات علشان عملته تصعد قدام اليورو مثلا او الدولار هقولك ان الأمر مش بالسهوله ديه وكل بنك مركزى ليه سياساته بالاضافه للسياسات العامه اللى بتتحكم عامة فى اقتصاد العالم كله , تانى تصنيف او تانى حاجه المؤسسات الكبيره زى مثلا شركات او مؤسسات ميركوسوفت وابل وجوجل وفيسبوك والى اخره يقدروا يحركوا السوق الى حد ما لكن طبعا مش زى البنوك المركزيه , اخيرا تجار التجزئه او صغار التجار اللى هما احنا او اللى زينا ودول ملهمش اى تاثير فى حركة السوق ولو بربع نقطه