qqq10
01-10-2022, 22:10
نسبة نجاح المتداول العادي اقل من 10% في السوق فمابالك بمتداول بيعاند مع السوق اكيد اقل من كده بكتير , معظم الحكايات اللي بنسمعها من المتداولين عن نفسهم وعن الخسائر اللي بتتحقق بيكون سببها العناد مع السوق خصوصا المرجنة اللي لما بنشوف تاريخ الحساب قبلها بيكون عبارة عن متداول عنيد دخل اكتر من صفقة على نفس الزوج عشان يعوض الخسارة او لما خسر دخل صفقة بشكل مباشر من غير الترتيب والتفكير واتخاذ القرار , للاسف اغلب المتداولين من النوع اللي بيعاند مع السوق واحيانا المتداول بيكون ناجح وطريقته كويسة ومتلزم بنظام وادارة راس مال ومجرد صفقة يخسرها تخليه يتهور وياخذ اكتر من قرار غلط ورا بعض بشأن حسابه تحت اسم وهمي " التعويض " بالتالي بنلاقيه بعد مدة قصيرة بيتمرجن وبيرجع يبدأ من الاول وفيه ناس بتتمرجن من زوج وتستنى بونص الشهر الجديد عشان تعوض خسارتها منه يعني العناد مستمر مش بينتهي.