أهم أسباب الخساره بالنسبه لي

[abakry89]

اسباب الخسارة كتير وبيقع فيها الجمييع سواء خبير او مبتدء
اولا والمتعارف علية الناس الطماعه اللى بتدخل بلوت عالى مع انة عارف ان راس مالة مش هيتحمل انعكاس كبير وبرغم كدا بيغامر ويقولك يلا اهو يمكن تصيب واحقق احلامى وادبل او اضاعف راس مالى ودى من اخطر الطرق لان غالبا النهاية بيخسر ويرجع يقول الفوركس نصب والسوق عكس عليا ومقصودة ويتكلم عن الحظ
تانى حاجه عدم المعرفة واكتساب الخبرة ناس كتير بتكون عايزة تبتدى فوركس طب ازاى تتاجر فى سوق الفوركس بدون تعليم وخبرة لازم طبعا تدرب فترة كام شهر اولا قبل ماتدخل على حسابك الحقيقى الصبر مهم
تالت حاجه المشى ورا الغير والتوصيات لازم كل شخص يتعم يبقا عندة رؤيته واستراتيجية تساعده فى تحديد اماكن الدخول وتوقع السعر ويعتمد على نفسة مش عل توصيات بفلوس ومعظمها سبوبة وفاشل وهتضيع وقتك وفلوسك محدش يخاف عليهم قدك
رابعا استخدام امر وقف الخسارة الاستوب لوز فهو يحميك من خسائر كبيرة وسلاح ذو حدين لحسابك وصفقاتك
اخيرا اماكن الدخول المناسبة وتنتظر الفرص القوية متدخلش عشوائى او من مكان معاكس لتحليلك لمجرد انك مستعجل ومش قادر تصبر لان النتيجة هتكون الخسارة حتما ركز فى الفرص القوية واللى متاكد منها فقط السوق موجود 24ساعه 5ايام بالاسبوع

[Mohammed_Yo]

هناك اسباب كثيرة تؤدي الى الخسارة في سوق الفوركس بحيث ان اغلب من يتداول في سوق الفوركس يتعرض الى الخسارة وهناك احصائية مشهورة على الانترنت 95% من الاشخاص الذي يخسرون في الفوركس بقية النسبة 5% من نسبة الرابحين في سوق الفوركس ،وهناك اسباب كثيرة وعديدة تؤدي الى الخسارة في سوق الفوركس منها نقص المعرفة معظم المتاجرين الجدد بالعملات لا يبذلون الوقت للمعرفة وتعلم أساسيات حركة العملة لذلك فانه يجب عليهم في هذه الحالة عندما يكون هناك موعد لصدور أخباراقتصادية أو تصريحات هامة أن يخرجوا من السوق بإغلاق عقودهم المفتوحةوالانتظار حتى تكون هناك فرصة أخري مناسبة لدخول السوق وهذه أفضل طريقة لهمأن يدخلوا السوق فقط عندما يكون هادئا وبذلك يتجنبوا المتاجرة العشوائيةأثناء الأخبار والتفكير في الحركة الفنية للسوق تكرار الدخول في نفس اليوم عند تحديد هدف قصير في عدد النقاط ونسبة معقولة من وقف الخسارة سيجعلك تحقق بضع مئات من الدولارات يوميا ولكن زيادة عدد مرات الدخول مرة بعد مرة قد يجعلك عرضة للخسارة أكبر

[ndaaforex]

اسباب الخسارة بالنسبة ليا انا شخصيا
فى العادى انا خسارتى يعنى مارجن كول لانى مبستخدمش استوب لوز وبشتغل سكالبينج يعنى هدفى مثلا 7 نقط بالصفقه فا مينفعش احط استوب 3 او 4 نقط مثلا لان ااقل استوب 5 ويمكن اكتر فى شركة انستا فوركس
طيب هل ممكن اتمرجن وارد فى العادى زى ماقولت بدخل صفقه واخرج وتمام طب لو الزوج عكس عليا هسيب الصفقه تعكس لان الرصيد بيكون صغير اصلا
طب لية ممكن اخسر ولا اتمرجن
1راس المال صغير ودى مشكلة كبيرة المفروض انى اصبر واجمع راس مال على الاقل 100ولا 200دولار بعدها اقدر افتح صفقات بلوت عالى وبامان لاكن انا حاليا بشتغل ب4دولار! اة والله فا بلاش حد يعمل زى ويشتغل براس مال صغير لان كدا كدا هيخسرة او يحتاج معجزة بقى عشان يكسب ويعرف يسحب حتى 5دولار
2احيانا بطمع ودى مشكلة بتواجه الكل يعنى ادخل بلوت عالى ومفيش ادارة مخاطر ولا ادارة راس مال تخيلل معاك 4دولار وتدخل صفقه بلوت 10او 20سنت طبعا سهل اخسر صح وهنا المشكلة الاساسية مش طمع فقط لاكن مرتبطة بالجزء الاول وهو حجم راس المال اصلا صغير فا بدخل بلوت غير مناسب لحجم راس المال طب الطبيعى ادخل بكام مثلا سنت او 2 سنت!
3 ممكن استعجل فى الدخول بمعنى ان الاستراتيجية اللى بشتغل بيها سكالبينج لازم ادخل اول كل ساعه فقط يعنى مثلا الساعه 10 صباحا او 11 وهكذا فا انا ممكن استعجل وادخل قبل الوقت دة مثلا افتح الصفقه 9:40 بيكون لسة اشارة الدخول مظهرتش لان وارد كمان تيجى الساعه بالظبط والاشارة متظهرش وساعتا الصفقه اصلا مينفعش ادخلها لاكن بستعجل ونصيحة لكل متاجر اصبر واستنى التوقيت المناسب واشارة الدخول