الاستمرار في الفوركس

[qqq10]

الاستمرار في الفوركس هي عمليه مهمه جدا لأنها تعكس مدي نجاح المتداول في الاسواق وتدل ايضا ان المتداول لا يعمل بشكل عشوائي ولكنه لديه من الخبرات والمعلومات ما يمكنه من الاستمرار داخل المجال

النجاح سهل جدا ولكن الحفاظ علر النجاح هو الامر الصعب جدا ولكنه بالفعل ليس مستحيلا الا ان هذا الامر يحتاج الي الاصرار والعزيمه ويحتاج الي ان يكون المتداول لديه هدف يسعي الر تحقيقه ويستخدم كل السبل والوسائل التي من خلالها يتمكن من تحقيق الاستمراريه في الفوركس
ايضا من المهم جدا ان يكون المتداول لديه خبرات سابقه ويمتلك للإستراتيجيه القويه التي تسهل عليه قراءة الاسواق والتي يعتمد عليها في التداول وتحقيق الارباح بشكل مستمر

فإذا اراد المتداول ان يستمر في هذا المجال عليه ان يطور من نفسه ويطور من امكانياته ومن الاستراتيجيه التي يتداول من خلالها لان الاسواق دائما في تطور مستمر وتحتاج ايضا الي ان يواكب المتداول كل هذه التطورات
ايضا من المهم جدا ان يمتلك المتداول العزيمه والثقه فر النفس حيث تعتبر الثقه فر النفس هي الدافع المهم جدا والذي يجعل المتداول يعتمد على قراراته ويصبح لديه شخصيه قويه في التداول ولا يستخدم العشوائيه اطلاقا

ففي النهاية المجال ليس مربح للجميع فنسبة 95 في المئة من المتداولين يخسرون على المدى البعيد وهذه نسبة كبيرة جدا ولا يوجد اي مشكلة في الانسحاب فهناك مجالات اخرى للعمل وقد تكون مربحة لشخص ما اكثر من العمل في الفوركس اما فكرة العناد والاستمرار بالرغم من كل المؤشرات التي تشير الى عدم امكانية النجاح فهذه مقامرة قد ينتج عنها خسارة كل ما تملك وحتى الدخول الى السن

[m.abdo1020]

فشلنا في الفوركس هو نتيجة دخولنا التجاره دي من باب غلط وعقلنا اتبرمج من الوهله الأولي علي ان الفوركس هو الكنز والثراء بين يوم وليله، مستوعبناش من البدايه انه المفروض يكون استثمار معتدل او انه دخل اضافي جنب شغلنا او وظيفتنا، ويمكن اخدناه علي انه قمار ولعبة حظ، للاسف اغلبنا رجلة جت في السكة دي وانا أولكم، ولما بنصطدم بالخسارة بنفضل نتفرج ع الشارت ونبص للشموع ونتخيل ان لو دخلنا من النقطه دي كان زماننا كسبانين كذا، ولو كنا دخلنا بلوت كبير كان زمان مكسبنا بقي كام الف وحلت كل مشاكلنا فغمضة عين، وللاسف بتفضل الفكرة دي مسيطرة علي عقلنا وبنسعي تاني ان نحققها بالطريقة بتاع ضربة الحظ الي بلوت كبير وهكذا، وبرضو انا اولكم، وزي منا قولت قبل كده ان العيب مش في الفوركس ولا المشكلة في التحليل ولا المعضله في الاستراتيجيه الصادقه، لان الحقيقه ان اي استراتيجة تافهه ممكن نكسب من خلالها، بس العيب فينا اننا الي بشتغل وبندير فلوسنا غلط، ولأننا محتاجين نعوض خسايرنا ونحل مشاكلنا فللأسف بطريقة تفكيرنا ده هنفضل نفشل ومشاكلنا هتكبر، وفي مقوله قالها Hossam Refaat Refaat ان الفوركس مبيديش محتاج، وده العامل النفسي انك متورط وعاوز تطلع من ورطتك بلمح البصر، وللاسف هتتورط اكتر واكتر، انا شايف ان العلاج والحل فتغيير مفهومنا عن الفوركس، انا يمكن حاولت كتير اغير مفاهيمي بس فشلت ورجعت تاني لنفس الاخطاء، وبناءا عليه شايف ان مش هينجح في الفوركس غير الي عنده العزيمة والاراده انه بالفعل يغير نفسه الأول قبل ما يغير الاستراتيجية، واضافة، ان الفوركس مهما كنت شاطر فرؤيتك للاتجاه وتوقعك للحركة وفهمك لاساليب التحليل برضو هتفشل لو مقدرتش تغير افكارك وتشيل من دماغك ضربات الحظ، والثراء السريع والطموحات الماليه الي ممكن تتحقق فيوم وليله،ومن اخطر الحاجات الي بتخلينا ندمن الغلط هو انك تجازف وتصيب معاك وتكسب مكسب كبير فغمضة عين، وده هيخليك عايش تجرب ضربة الحظ دي علطول وتبقي دي طريقة تجارتك، وفسبيلها هتخسر كتير اوي عشان تصيب معاك تاني، وهتلاقي نفسك زي الارنب والسلحفاه، انك مثلا بعد سنه هتلاقي نفسك خسران كتير جدا، وواحد تاني كان ماشي زي السلحفاه وهو الي خارج كسبان، الحل نعيد النظر فطريقة التفكير

العلم ثم العلم.