كل شخص وليه تجربته الخاصه وعلى حسب نقطة ضعفه اللى خرجته من الفوركس بتكون نصيحتك واللى عنده شغف الفوركس وحب ليه مش محتاج نصيحه لانه كدا كدا هيرجع وهيلاقى طريقه ودا حصل معايا بالفعل فى بداية معرفتى بالفوركس اتعلمت واتدربت لكن لما حاولت اشتغل تداول حقيقى مكنتش قادر اتحكم فى مشاعرى ولا احافظ على حسابى واتمرجنت اكتر من مره وسيبت الفوركس تماما تقريبا لاكتر من سنه بس بعد تفكير لقيت ان المشكله فيا انا مش فى الفوركس انا اللى مصمم اشتغل معتمد على مشاعرى وكتير جدا كنت احلل واشوف زوج مثلا هابط لكن لما القى فرصة شراء ادخل وادخل وانا متردد جدا فاخسر
فى النهايه قعد فكرت ورتبت اوراقى وشوفت ايه بالظبط هى مشكلتى وايه حلها ووقتها اتكلمت مع اكتر من حد ليهم خبره اكبر فى الفوركس ومتابع شغلهم وناجحين جدا
جمعت ودمجت كام نقطه وعملت خطة تداول وركزت على ادوات معينه للتحليل كان وقتها الترند المكسور فقط وبرايس اكشن
فضلت فتره شغال بشكل حازم جدا ملتزم بادارة راس المال وبنمط التداول اللى اخترته وهو شمعة بن بار تظهر فى منطقة اعادة اختبار لترند مكسور
حققت نجاح كويس جدا والحمد لله من يومها متركتش الفوركس تانى برغم انى احيانا بكسب واحيانا بخسر لكن اصبحت متاكد ان انا سبب الخساره وبمجرد مبلتزم بخطتى بكون ناجح جدا
فهى دى اكتر نصيحه اعطيها لحد مازال متخبط ومش عارف يعمل ايه
افصل تماما واقعد مع نفسك ورتب افكارك وافهم مشكلتك فين وحط حلها ادامك وابدء فى تنفيذه بكل انضباط والتزام وهتوصل للنجاح