اى نوع تحليل عامة مش بيعتمد على شاارة دخول واحده لكن بيكون مكون من مجموعة ادوات كل اداه فيها بتعطيك اشارة تدعم باقى الاشارات
مثلا لو بتعتمد على تحليل كلاسيكى فانت لو هتستخدم فكرة الترند المكسور هتلاقيه مش بيعتمد فقط على خط الترند الموجود اماك فى الشارت فقط .. هو بيعتمد على سلوك سعرى عامة بان السعر يقوم بكسر خط الاتجاه ويبتعد عنه ويعود لاختباره والانعكاس مراه اخرى عند لمسه
كذلك تحليل زوايا جان هو عباره عن مجموعة اشارات مثلا لو راسم الزوايا فى اتجاه صاعد من تحت لفوق فانت عندك نمط سعرى يشير الى انتقال السعر من زاويه لزاويه عن طريق التقدير السعرى بمستويات سعريه ودمجها مع التقدير الزمنى بالخطوط الطوليه فالسعر لما ينتقل من زاويه لزاويه فى وقت محدد معناه انك معاك اشارة دخول فى نفس الاتجاه العام
اما لو السعر اتحرك بشكل عرضى عند زاويه معينه فهو بيعطيك اشارة انعكاس ضد الاتجاه لاستجماع قوى شرائيه للصعود مرة اخرى والانتقال للزاويه القادمه
ومن وجهة نظرى اكتر تحليل بيكون مناسب جدا مع جميع انوع التحليلات هو تحليل البرايس اكشن واللى اعتبره افضل دمج مع تحليل زوايا جان