استراتجية لا للضغط العصبي

السلام عليكم ورحمة الله وبركاتة
كثير من المتداولين - خاصة الجدد - يعاني من ضغط الاعصاب بشده بعد فتح كل صفقة خاصة اذا عكست عليه 10 او 20 نقطة، والخطأ الذي يقع فيه المتداول الجديد هو خطأ مكرر وهو فتح الصفقات من الفريمات الكبيرة فمثلا بعد ان يقوم بالتحليل على فريم الساعة او الاربع ساعات او بعد ان ياخذ التوصية من اي مصدر بناءا على تحليل فني يستهدف مئات النقاط يقوم المتداول يفتح الصفقة -شراء او بيع- من فريم الساعة او الاربع ساعات بينما هدف المسكين 20 او 30 نقطة على الاكثر وينسى تماما مراجعة الفريمات الصغيرة ليدخل من قمة او قاع
عامة هناك حل ممتاز للمتداولين الجدد وانا واحد منهم وهو العمل باستراتيجية الفريمات الصغرى (اي الدقيقة والخمس دقائق) مع مراقبة الوضع على الربع ساعة والساعة
المؤشرات المستخدمة : فقط مؤشر الايشيموكو (لمن يتقنه) وممكن الموفينج افريج باعداداته الافتراضية
العملات: بصراحة الافضل لهذه الاستراتيجية حاجتين الاولى العملات ذات السبريد المنخفض لانك ممكن تدخل صفقات كتير في يوم واحد او ساعة واحدة وكمان السلع اللي حركتها سريعة وكل حركة واحده بنقطة، زي النفط واسهم الشركات ذات السبريد المنخفض
طبعا اخواني هنشرح طريقة العمل بمساعدة وتشجيع اساتذتنا اصحاب هذا المنتدى الجميل وكمان هحاول ارفق صور بس عايزين تشجيع وحضور كده لان والله العظيم الموضوع جميل وسهل ومربح باذن الله
انا جربته على الديمو ومقدرتش اكمل ودخلت على الحقيقي من حوالي 20 يوم اجمل مافي هذه الاستراتيجية البسيطة انك كل يوم بيعدي عليك فيها بيزيد اتقانك ليها اكتر
كمان لو انت اعتمدت عليها لوحدها دون اية استراتيجية اخرى هتقدر تحقق معاها نقاط كتيرة جدا
يعني بلاش نقول ايه 20 نقطة في يوم طويل عريض
لا ال 20 نقطة مع اتقانك للاستراتيجية ممكن يبقوا 100 او 150 يوميا بفضل الله ثم باتقانك للعمل بها وكثرة الممارسة
وان شاء الله نلتقي غدا اكون جهزت كام صورة علشان الاستراتيجية توضح للجميع
والسلام عليكم ورحمة الله وبركاته