من وجهة نظرى تعلم التحليل الفنى بيكون هو الاساس لتعلم جميع انواع التحليل فى السوق لذلك يجب ان يكون تعلمك للتحليل الفنى بشكل صحيح لان الاخفاق فى تعلم التحليل الفنى هيفضل مشكله اساسيه يمكن انت لا تشعر بيها
اهم شئ فى فترة التعليم هى الصبر واعطاء الوقت الكافى لاستيعاب ادوات التحليل واحده واحده بشكل منفصل وبعدها تقدر تضيف اكتر من اداه لبعض
يعنى لو هتبدء تتعلم مؤشر الموفينج افريدج كمؤشر فنى يعطى رؤيه للاتجاه العام للسعر يجب اولا فهم اساس خط الموفينج وعلى اى اساس بتكون قيمته وبعدها تبدء تطبقه على الشارت وتراقب سلوك السعر مع خط الموفينج وتبدء تفهم بعض الانماط اللى بيكونها السعر مع الخط ومعناها وكيفية الاستفاده منها وبكدا هتكون طلعت من الموضوع وانت فاهم المؤشر كويس خصائصه واستخداماته
بعدها هتنتقل مثلا لمؤشر زى مؤشر استوكاستيك وهو من المؤشرات اللى دمجها مع الموفينج افريدج بيكون مناسب وجيد
هتبدء تفهم اساس المؤشر وايه هى اشاراته وتستخدمه بشكل منفرد الاول وتفهم سلوك السعر وقت اعطاء المؤشر لاشارة تداول
بعدها هتبدء تضمه للموفينج افريدج فى شارت واحد وتدرسهم سوا
كذا وعلى مدار شهور وسنوات هتكون قدرت تستوعب التحليل الفنى بشكل كامل واى طريقة تداول جديده بتطلع انت بيكون اسهل ليك تتعلمها لان الاساس موجود وهو التحليل الفنى
لكن طريقة البعض فى تكثيف الدروس ودراسة عشرات المؤشرات فى وقت واحد بشكل نظرى هى من الطرق اللى مش موافق عليها