اقتراح بعدم احتساب اي رد في قسم موسوعه الفوركس من ضمن البونص الشهري

السلام عليكم ورحمه الله وبركاته
تحية طيبه عطره من القلب الي المشرفين المحترمين

نرجو من سيادتكم بعدم احتساب اي رد في قسم موسوعه الفوركس من ضمن البونص الشهري لان ببساطه شديده القسم ده اصبح فيه تصارع بين الاعضاء ومن غير المنطقي ان يتم مكافئتي مرتين علي نفس المشاركه . مفيش حد بيتكفائا مرتين علي نفس الفعل في اي مجال واعتقد ان المنتدي الاجنبي ماشي بهذا المبدا
كمان الاعضاء اللي بيكسبو المسابقه هما اللي بيوصلهم البونص العالي يعني ده فيه ظلم كبير جدا لباقي الاعضاء اللي بيتعبو في هذا القسم والاقسام الاخري
هل الادارة تريد تنشيط قسم واحد فقط في المنتدي ؟؟
لابد من نظره ثاقبه في هذا الامر لان احنا بنحاول نعمل احياء لقسم التحليل وقسم الاستراتيجيات وبنشارك في موسوعه الفوركس ولا نجد بونص جيد في حين ان هناك اعضاء شغالين في جروبات تبادل واضحه يحصلون علي اعلي بونص اعتقد ان ده مش عدل
لذلك الناس اللي بتتكافا في قسم الموسوعه بالحصول علي بونص الجايزة مش منطقي نكافئهم تاني ونعطيهم بونص كبير علي نفس الموضوع .

السلام عليكم و رحمة الله تعالى و بركاته.

إقتراحك يضر الجميع أخي الكريم لأن إحنا بنكتب في جميع الأقسام و البونيص قليل فما بالك لما يتم إلغاء بونيص الرد في قسم الفوركس أما في الموضوع الثاني أنا معاك لأن فيه ظلم كبير للأعضاء لأنه من غير المعقول الأشخاص الذين فازوا في المسابقة يأتيهم بونيص كبير و من الأحسن أن يكون الرد على هذا الموضوع من قبل الإدارة لأن كل مشاركات الأعضاء عبارة عن تخمين لا أكثر و لا أقل و أتمنى أن يرجع المنتدى مثل ما كان و تتم مكافئة الأعضاء على حسب إجتهادهم لأنه في ناس كتير بتزين الرد بألوان و كلامهم كله أخطاء إملائية يعني أن هذا ليس عادل فكيف يحصل من لا يعرف كتابة اللغة العربية على بونيص عالي و يكسب في المسابقة و أ عرف أن كلامي سوف يتم رميه مثل باقي تساؤلات الأعضاء لكن المهم أنا قلت الكلام الصواب و كفاية ظلم للأعضاء.

السلام عليكم ورحمة الله وبركاته
حضرتك إقتراحك ده هيضر الجميع أخي الكريم لأن إحنا اغلبية الردود والمشاركات في هذا القسم ومعلش بقي علشان كلامي ممكن يزعلك او تفهمه غلط بس دي وجهة نظري حضرتك المجموعة الي كنت معاهم او الي بينك وبينها مشاكل احنا ملناش ذنب فيها مش علشان هما في المسابقة يبقي بقيت الاعضاء يشيلو ذنبهم الافضل ليك انك تعمل الي عليك وتكبر دماغك واشتغل وانت ورزقك لان والله محدش بياخد اكتر من الي مكتوبله سواء كتير او قليل واعتقد انك شوفت ان فيه ناس الشركة خصمت منهم البونص بسبب الاخبار الي كانت علي الباوندات يعني لو هنتكلم في الصح دول ذنبهم ايه فياريت الاقتراحات تكون في حاجة تفيد الاعضاء وتفيد المنتدي وياريت كلامي برضه لتاني مرة ميكونش زعلك

السلام عليكم
اخى الكريم
متشتغل زي كل الناس فى المسابقة.
و هتحصل على نفس البونص الكبير الذى تتحدث عنه
لكن لا تطالب بإلغائه لان فى هذه الحالة فى ضرر كبير على كل الناس
فمن فضلك حل هذه المشكلة أن حضرتك تشتغل معانا فى المسابقة و ربنا يسهل و يكرمنا

تقبلوا مرورى اخواتى الكرام

وجه نظر تحترم اخي الكريم بس ده ممكن يضر بالاعضاء واحنا عارفين مشرفي المنتدي ممكن يحلو هذه النقطه ويختارو الانسب للاعضاء تحياتي لكم.

Quote:

---

Originally Posted by Reem Tarek

السلام عليكم
اخى الكريم
متشتغل زي كل الناس فى المسابقة.
و هتحصل على نفس البونص الكبير الذى تتحدث عنه
لكن لا تطالب بإلغائه لان فى هذه الحالة فى ضرر كبير على كل الناس
فمن فضلك حل هذه المشكلة أن حضرتك تشتغل معانا فى المسابقة و ربنا يسهل و يكرمنا

تقبلوا مرورى اخواتى الكرام

---

مين قالك اني مش شغال في المسابق انا بالفعل شغال فيها بس بقول رايي وياريت ردنا يكون بعيد عن اننا منتفعين من الموضوع ده ولا لا . انا بشتغل في المسابقه وفي التحليل وفي كل اقسام المنتدي مش بسيب قسم الا ما بحاول انشطه هل ده يتساوي باللي بيشتغل في قسم واحد وكمان ازاي حد يتكافا علي حاجه مرتين انتي خدتي جايزتك في المسابقه ازاي تاخدي بونص علي نفس المشاركه اللي كسبتي فيها . ده كان رايي والاختلاف في الراي لا يفسد للود قضيه تحياتي للجميع

السلام عليكم ورحمه الله
اخي الكريم بخصوص موضوعك


والله انا معاك في ما تقول والسبب قلله المشرفين في المنتدي وجود بعض الضعاف النفوس من يردون الضرر لغير يفضل فصل المسابقه عن البونص الشهري ده راي عارف انه في ناس هتتظلم ولكن مش هيكون بنفس قدر ظلم الناس بسبب بعض الناس اللي لا تراعي ربنا في التقيمات او التبليغ عن بعض الاعضاء


نتمني من الله التوفيق للجميع
والسلام عليكم ورحمه الله

Quote:

---

Originally Posted by qqq10

السلام عليكم ورحمه الله
اخي الكريم بخصوص موضوعك


والله انا معاك في ما تقول والسبب قلله المشرفين في المنتدي وجود بعض الضعاف النفوس من يردون الضرر لغير يفضل فصل المسابقه عن البونص الشهري ده راي عارف انه في ناس هتتظلم ولكن مش هيكون بنفس قدر ظلم الناس بسبب بعض الناس اللي لا تراعي ربنا في التقيمات او التبليغ عن بعض الاعضاء


نتمني من الله التوفيق للجميع
والسلام عليكم ورحمه الله

---

والله يا اخي الناس دي هي اللي اخترعت المخالفات في المنتدي ولكن الان يحاولو استماله الاعضاء تجاههم من خلال انهم بيظهرو المخالفات وانهم ميعرفوش يعني ايه مخالفه . علي العموم مش هنتكلم في الموضوع ده كتير كلنا عايزين المنتدي يبقي افضل والكل يحصل علي بونص جيد سواء من المشاركات او من الليكات بدون نسخ وبدون تبادل ولكن يجب علي الجميع ان يلتزم

انة معرفش حضرتك عايز أي بالظبط لاني معرفش أي حاجه عن موضوع المسابقات ده بس شايفه من رد الأعضاء أن دي حاجه ممكن تظلم الأعضاء ولو انت مظلوم في حاجه اتواصل مع الإداره اكيد هتدخل وتحل المشكله في وقت قصير والسلام عليكم وشكرآآ .

السلام عليكم ورحمة الله وبركاته
صديقي قد يكون كلامك منطقي وجيد لان كل الاعضاء اتجهوا لقسم موسوعة الفوركس وتركوا اقسام التحليل
والاستراتيجيات وقسم النقاشات الاقتصادية لكن اعتقد ايضا اننا ليس لنا الحق كأعضاء من اجل طلب مثل هذه
الامور من الادارة وانت لك الحق في اختيار القسم ومن الممكن ان تتحول لقسم موسوعة الفوركس وتحصل
على بونص كبير مثل باقي الاعضاء واذا فعلت الادارة ما تقوله انت في المستقبل ارجع لباقي الاقسام
بالتوفيق لي ولك ولجميع اعضاء المنتدى