ادارة راس المال مهمه بالفعل لكل متاجر فوركس لان بيها هتقدر تحافظ على راس مالك ضد الخساير الكبيرة او المارجن كول وطبعا كلنا فى السوق حلمنا نحقق ارباح مش نخسر
فا بالتالى الربح بيجى من الالتزام بقواعد العمل والتحكم بالعواطف وطبعا التعليم الركن الاساسى فى النجاح والربح
تعريف ادارة راس المال:
انك تحسب خسارتك زى مابتحسب ربحك وتحدد حجم العقد المناسب وتعرف هتخسر كام بالصفقه طيب ندى مثال لادارة راس المال
مثال"راس مال 100دولار هندخل صفقه شراء باوند دولار ب10 سنت هدف20 نقطة واستوب لوز10 نقط يلا نحسب مكسبنا وخسارتنا
الربح هو حجم العقد اللوت فى عدد نقاط الهدف والخسارة عدد اللوت فى الانعكاس او لو بنستخدم استوب لوز هنقدر نحدد الخسارة بعدد نقاط مناسب
هنا الربح هيكون2 دولار طب لو خسرنا هنخسر دولار واحد فقط ودة المطلوب انك تقدر تتحكم فى طمعك وتقلل حجم العقد وربحك هيكون بسيط اة لكن معقول ومناسب لحجم راس مالك لان زى مابنعمل حساب الربح
لازم نعمل حساب الانعكاس كلنا بنخسر مهما كانت خبرتنا والسوق مالوش كبير
ندى مثال اخر للطمع وعدم استخدام ادارة راس المال
مثال"راس مال100 دولار داخلين صفقه شراء يورو دولار بلوت 1دولار هدف40 نقطة واستوب لوز 20 نقطة اتعلمنا طبعا ازاى نحسب الخسارة والمكسب فوق
فى حالة الربح هنكسب40دولار يعنى 40% من الحساب اما لو الصفقه عكست هنخسر 20 دولار 20% ودة مبلغ كبير ولو كمان مش بنستخدم استوب لوز ربما الخسارة توصل40 او50 دولار فما فوق او نتمرجن
نستنتج من كدا ان اللوت العالى وعدم استخدام ادارة راس المال والطمع كارثة وعدم استخدام الاستوب لوز فا نحاول نقلل حجم العقد عشان نقدر نحافظ على راس مالنا لاطول فترة ممكنة