كل واحد بيكون ليه طريقته فى استخدام اى اداه فى السوق بداية من طريقة تحديدها اساسا الى طريقة استخدامها
بالنسبه للقمم والقيعان هتلاقى ناس بتحددها باستخدام مؤشر الزجزاج وفى ناس بتحول الشارت للنظام الخطى مش الشموع وبتختار القمم والقيعان منها وفى ناس بتصغر الشارت وتحدد القمم والقيعان بالطريقه دى
بالنسبالى افضل طريقه لتحديد القمم والقيعان بتكون بتصغير الشارت وتحويله للنظام الخطى واختيار اهم القمم والقيعان الواضحه على الشارت وتجاهل القمم والقيعان الصغيره او المتتاليه
طريقة التداول عليها بيكون بطريقتين اما الاختراق او الكسر واما الارتداد
الاختراق او الكسر بمعنى اذا تواجه السعر مع قمه او قاع اثناء حركته واستطاع السعر تجاوز القمه او القاعه بيكون عندى موجات جديده فى نفس الاتجاه
اما وصول السعر لمستوى القمه والقاع وظهور برايس اكشن يشير لارتداد السعر فبعتمد عليه فى التداول عكس اتجاه القمه او القاع لو قمه هبيع ولو قاع هشترى