التحليل الفنى للأزواج التقاطعيه ليوم الثلاثاء 03/04/2018
السلام عليكم ورحمة الله وبركاته
مره تانيه بجدد التحيه واللقاء مع حضراتكم فى موضوع جديد من المواضيع اللى بدأناها مع حضراتكم واتعودتم عليها منى انا والناس اللى بيشتغلوا معايا عشان كده وجب التنويه ان اى موضوع مشابه يحمل نفس الاسم او اى تحليلات تنزل فى مواضيع غير اللى انا بشارك فيها مع الاخوه المحترمين اللى هنا انا غير مسؤول نهائيا لا عنها ولا عن نتايجها وبناء عليه غير مسؤول اطلاقا لا انا ولا المحللين المحترمين اللى بيكملوا المسيره وبيجددوا اللقاء دايما فى حالة عدم وجودى بكرر اننا مش مسؤولين عن اى مواضيع مشابهه مقتبسه من موضوعنا اللى حضراتكم اتعودتم عليه مننا كاول من اثرى محتوى القسم وطبعا ميراثنا موجود وانتم شاهدين عليه
بعتذر عالاطاله هبدا ان شاء الله مع حضراتكم بتحليل زوج اعتقد كان هو نجم الشهر اللى فات بالنسبالنا لاننا حصدنا منه صعودا 350 نقطه وحتى الان عاملين فى الهبوط نفس الرقم تقريبا وهو زوج الاسترالى كندى بالرغم من انه بطىء الحركه وكلامى طبعا زى ما حضراتكم متعودين ومتابعين مؤيد بالنتايج اللى تقدروا تتابعوها من خلال مشاركاتى السابقه لاننا مش بنقول عدد نقاط ربح هباءا
المهم ان الزوج دلوقتى تحت مستوى الدعم 0.9912 وده اللى يهمنا لانه ثابت تحته حتى وان كان المسار متذبذب نسبيا لكن بشكل عام الميل الهابط بيغلب على السعر حاليا وان شاء الله مع وجود سيوله قويه هنلاقى السعر بيتجه للمحطه الاهم عند 0.9779 المستوى ده يا جماعه بيمثل نقطه محوريه جدا فى مسار الزوج هيتقرر من خلالها الكسر ان شاء الله والهبوط لمستويات ابعد او الارتداد وده اللى منتمناهوش وان شاء الله ميحصلش
https://d.top4top.net/p_8227lui87.png