فخ ادارة حسابات الفوركس علي التليجرام

اسمحوا لي اعرض تجربتي مع احد قنوات التليجرام
the billionaire wolf
واقسم بالله ان هو ده اللي حصل بالظبط علشان تتجنبوا الخسارة الفادحة اللي اتعرضت لها
غير الصدمة العصبية انا قعدت مش قادرة اتنفس وبعيط بس يوم كامل


بعد ما تابعت مجموعه قنوات فترة طويلة وتأكدت ان التوصيات بتحقق بنسبة نجاح عاليه

قررت اني اشترك مع شخص قال انه اذا مرجين الحساب سيقوم برد المبلغ وتعهد بذالك قدام حوالي 3000 مشارك

سلمته الحساب بمبلغ 1000 دولار وكان الاتفاق انه هياخد نص المكسب كل يوم بعد قفل الصفقات وانه سوف يحقق مكسب من 200 -400 $ يوميا

اللي تم انه استلم الحساب اشتغل عليه الساعه واحدة بعد منتصف ليله الاتنين 2يناير
بعد دقيقتين عمل مكسب 216$
بعد كدا بدء بفتح صفقات بطريقه عشوائية وفي خلال 3 ساعات كانت الخسارة 993 $

ثم قام بحذفي من القناة وعمل لي بلوك وحذف محدثتي معه علي التليجرام وعمل بلوك

وطبعا مفيش اي اثبات رسمي علي الكلام

بس الحمدلله كنت مصورة معظم المحادثات اللي تمت معه وهي دي اثبات كلامي
ويارب كل الناس تاخد بالها لانها غير مضمونة مهما كانت وعودهم

السلام عليكم و رحمة الله
إياك صديق أن تسمح لأحد بإدارة حسابك إن كنت لا تجيد تحليل أو ليس لديك وقت لتعلم ابحث عن توصيات مع اني لا أحبذ هذه الفكرة
و على متداول أن يشتغل بنفسه
و تحياتي إليك و تقبل مروري