احنا في لخبطة وتخبيط

الموضوع ياجماعة ان احنا مش فاهمين كويس النظام اللي مفروض نمشي عليه وماحدش من اخواننا اعضاء المنتدى عاوز يطوع ويفهمه لينا كويس عشان كده احنا بنخبط ..ومش عارفين احنا مظلومين والا لا .. انا باقترح عليكم انكم كلكم معايا نطلب من أحد المشرفين وليكن أخونا اسمارت أو أي حد معاه انه يكتب موضوع يشرح فيه تفصيليا كيف نتعامل مع النظام الجديد في البونص وكيف ننميه حتى يصير اكبر مايمكن زي أخونا أحمد مختار دودو فيدو لما شرح النظام القديم وهو مش هيخسر حاجة دا هياخد لايكات من كل أعضاء المنتدى يعني هيكسب دا غير الدعوات الحلوة والصداقات اللي ما هيكونلهاش آخر ..وينوب عننا في انه يطلب من الشركة ان البونص يوصل يوم 1 في الشهر الساعة 12 ظهرا على الأكثر ..
واذا ماحدش رد علينا .. نحاول نتكلم مع دعم الشركة واللي يوصل لمعلومة يضعها في هذا الموضوع
بس ياريت يكون عندنا نظام في تناول الموضوع .. اللي يجيب معلومة يقول مصدرها وطبعا لو مصدرعا الشركة هتكون معلومة في المقدمة ولو جايب المعلومة من أحد المشرفين بالمنتدى هتكون نمرة 2 ولو هو شخصيا مصدر المعلومة يعني اكتشفها بنفسه من موقف حصل معاه يجيب الدليل عليها عشان نقتنع بيها .. ايه رايكم نبتديى
أنا شخصيا من حساباتي تبين ان البوست ثمنه 3 سنت او اقل بقليل والدليل ان انا كنت عامل عدد من الردود حوالي 100 رد أخذت في مقابلهم 2.98 دولار يعني أقل من 3 سنت .. حد عنده معلومة تانية .. يالا انزلو بمعلوماتكم وفي الآخر هنفهم كل حاجة

بسم الله الرحمن الرحيم اخي الحبيب بالفعل نحن نحتاج الي من يفهمنا جيدا بنظام العمل داخل المنتدي اتمني ان يشارك الجميع في هذا الموضوت حتي نصل الي حل لان احنا غير مستفيدين من الشغل العشوائي بتاعنا وبنشتغل بدون مقابل اشكرك علي هذا الموضوع المهم جدا

السلام عليكم ورحمة الله
صديقنا الفاضل، اعتقد أن الشركة تعمل بنظامين أساسيين للحصول على البونص، الأول تقليدي قديم، ويقوم على أساس المشاركات والردود التي يقدمها الأعضاء، ولكن لهذه الردود شروط، منها أن تكون مكتملة من حيث المساحة، ومن حيث النوع، أما من حيث المساحة فيراد بذلك أن يكون حجم الرد بحدود السطرين تقريبا، ومن حيث النوعية لا بد أن يكون الرد ذات معني ومفيد، وليس نسخا من رد آخر، أما النظام الجديد فيعتمد على تفاعل الآخرين مع المشاركات التي يقدمها العضو، نتمنى للجميع التوفيق في عمليات التداول، والنجاح والربح الوفير بإذن الله.

أولا انا باشكر kkk لتقديره لأهمية الموضوع ولمناداته لي باخي الحبيب واقوله بل انت الأخ الحبيب
ثانيا أشكر كذلك alasfarahmad على رده الهايل وتفاعله .. وبقوله انا فعلا فاهم النظام القديم ويمكن اغلب زملاءنا في المنتدى لأن معظمنا قديم في المنتدى
انا عاوز أعرف النظام الجديد كيف يعتمد على تفاعل الآخرين مع المشاركات التي يقدمها العضو .. يعني مثلا لو انا عملت لك تقييم أو لايك على موضوعك أو ردك ببقى ثمن الموضوع او الرد كام يعني مثلا بيوصل الموضوع دولار ولو بقوا تقيمين أو لايكين يبقى 2 دولار .. يعني تفصيل الحسابات .. لأن ماتزعلش مني العبارات العامة دي غير مفهومة زي تفاعلات الآخرين وهتاخد بوص كبير .. مفيش تحد قيمي أنا عاوز أعرف التقييم بكام واللايك بكام عشان احسب واعرف انا جاي لي البونص كام الشهر ده .. وهل هناك حد لذلك أم انه مفتوح يعني مثلا لو 50 من الاعضاء عملو لي لايك على موضوعي البونص يوصل 50 دولار وبعد كده لو 50 تانيين عملو لايك مش هيزيد ولا سنت فنبقى فاهمين ان كفاية احصل على 50 لايك من زملائي وننشغل بعمل موضوع تاني نحصل فيه على 50 لايكات ومانضيعش وقت في موضوع واحد وبكدة يكبر البونص .. وحاجات زي كده ارجو انك تكون فاهمني
يعني عاوز تفصيل

يا اخونا ايه الحكاية عاوزين تفاعل عاوزين حد يفهمنا النظام الجديد انا باعترف احنا كنا فاهمين
ويبدوا اننا مش فاهمين .. وفاهمين اننا فاهمين .. حد فاهمني ؟؟ أخي اسمارت هاعمل ايه مفيش حد قدامي الا انت باتعبك آآه لكن مفيش حل تاني
انا آسف لو سمحت اكتب موضوع تفصيلي عن النظام الجديد وكيفية حساب اللايكات والتقييمات عشان نعرف نحسبها كويس ونعرف نصل بالبونص الى حده الأقصى

انا متفق ان احنا مش فاهمين النظام وان الية العمل معاه مش عارفين نحددها محدش عارف الشكر المفروض يبقا على كل المشاركات ولا لا وهل بيتم احتساب البونص بالنسبة لجودة المشاركات فعلا ولا بالنسبة لعدد الاعجاب ولا لأيه بالظبط غير اننا مش فاهمين هل البونص قيمة ثابتة وبتتوزع على الكل حسب التقييم ولا ممكن يكون اجمالي البونص بتاع اعضاء المنتدى في الشهر ده غير اللي فات واللي بعده واظن ان الموضوع لو هيتحل يبقا المفروض نقدم الشكاوي دي في المنتدى الاجنبي لان ادارة الشركة تقريبا بتكون مهتمة اكتر بالمنتدى ده ومعتبراه الواجهة

يابو حمدي الكلام ده خطير يعني انت تقصد اننا مش ماليين عينهم ؟؟ دا لو الكلام ده كده
انا فعلا هسيب الشركة دي وأي حاجة ننعلق بيها .. لا .. دا كل شئ الا الكرامة .. والرزاق حي ياجدع ..
انا اعتقد ان الأمر غير كده خالص .. أصل الناس دول روس فمش عارفين يفهمونا قصدهم بالنظام الجديد ..
انا مفيش حل قدامي غير اني اتوجه الى دعم الشركة نفسه واحاول افهم منهم القصة .. وبارجو من كل الزملاء انهم يعملوا زيي
وبعدين اللي يفهموه ييجوا في الموضوع ده ويكتبوه و100% هنفهم المقصود

السلام علكم و رحمة الله تعالى و بركاته
اخي الكريم نظام الشركة في تسليم البونص و احتسابه واضح
عني بين قوسين عملك و تفاعلك يتكلم عنك اي اعمالك تتكلم عنك الركة او المنتدى بوجه الخصوص ينتظر من الاعظاء المشاركات الفعالة و الايجابية و هذا نظرا لكثرة المشاركات العشوائية باتباع هذا النظام الجديد سيتم اخزال الاعضاء العشوائين من الاعضاء التي تعطي موارد و معلومات جيدة
بالتوفيق للجميع