مراجعة حول Huawei P40 Pro – سلاح هواوي الفتاك ولكن بدون ذخيرة !
مراجعة حول Huawei P40 Pro – سلاح هواوي الفتاك ولكن بدون ذخيرة !
التصميم :-
انا بحب التصميم البسيط الشيك في نفس الوقت .. موبايل P40 Pro جاي بيقدم التصميم ده .. تصميم الظهر زجاجي مع فنش Frosted مط خفيف كده.
وعندك مستطيل الكاميرات اللي بارز شوية عن الظهر .. ده معمول فيه شوية شغل حلوين في الكاميرات .. هنتكلم عنهم كمان شوية.
الشاشة :-
شاشة بتيجي بحجم 6.58 بوصة من نوع OLED بدقة 1200×2640 .. وهي دقة أعلى من الـFHD+ وأقل من QHD+، حاجه في النص كده .. والشاشة بتدعم معدل تحديث 90 هيرتز علشان يديلك سلاسة إستخدام أكتر بس خلينا نتكلم عليها كمان شوية.
الشاشة كمان زي ما قولتلك في جزء التصميم إنها مُحنية الأطراف ..بس الإنحناء اللي هنا مُستحيل يضايقك وإنت بتكتب على الشاشة .. أو صعب فعلًا تعمل أمر بالغلط.
الأداء :-
الموبايل جاي بمعالج هواوي الرائد الكيرين 990 بتكنولوجيا 7 نانو .. المعالج الداعم لشبكات الجيل الخامس .. وحقيقي ده مش أقوى معالج في العالم دلوقتي على مستوى الأندرويد .. الـSnap Dragon 865G أقوى.
ولكن معالج Kirin 990 في وجه نظري المُتواضعة موفرلي تجربة إستخدام سلسة أكتر من الـExynos 990 الموجود في موبايلات سامسونج الرائدة زي*Galaxy S20 Plus.
البطارية :-
بطارية مش ضخمة .. بتيجي بحجم 4200 مللي أمبير .. بتديلك إستخدام متوسط 6 ساعات بس .. كان نفسي في رقم أكبر من كده .. وبصراحة أنا كنت عامل نص الوقت الشاشة 90 هيرتز والنص التاني الشاشة 60 هيرتز وملعبتش كتير .. بس صورت كتير والكاميرا هنا بتشفط البطارية .. تقييمي للبطارية هنا متوسط .. يدوبك هتكمل اليوم لو إستخدامك معقول.
معاك شاحن 40 واط هيشحن البطارية في حوالي ساعة وربع .. وانا غير راضي عن زمن الشحن ده لإن نفس قوة الشحن ديه عند هواوي في موبايلات بربع التمن زي*Nova 7i*.. فكنت أتمنى شاحن أسرع من كده.
الكاميرات :-
الكاميرا الرئيسية 50 ميجا بيكسل بفتحة عدسة F/1.9 .. المُستشعر نفسه حجمه كبير أوي .. 1.28 وحجم المُستشعر فعلًا مهول وعامل طفرة في الأداء .. وطبعًا بيدعم مثبت بصري حقيقي.
الكاميرا التانية Periscope للزوم 12 ميجا بيكسل بفتحة عدسة F/3.4 بتدعم مثبت بصري برده وبتعمل زوم حقيقي 5X وبيوصل لحد 50X بـDigital.
الكاميرا التالتة أحسن عدسة Ultra Wide Angle من ناحية التفاصيل بقوة 40 ميجا بيكسل بفتحة عدسة واسعة كمان F/1.8 .. والكاميرا الرابعة TOF للمساعدة في حسابات العزل والعمق.
اما السيلفي بيجي بعدستين .. الرئيسية بدقة 32 ميجا بيكسل بفتحة عدسة F/2.2 والعدسة التانية TOF برده.
سعر الموبايل :-
سعر الموبايل الرسمي للنسخة الوحيدة المتوفرة منه بمساحة تخزين 256 جيجا مع 8 جيجا رام هو 16 الف جنية مصري.
اتمنى ان اكون قد افدتكم جميعا..................
