-
1 Attachment(s)
فضايح مسابقة المراجعات
السلام عليكم ورحمة الله وبركاته
ادارة المنتدي النزيهة ممكن حد يوضحلي المسابقة دي ماشية ازاي ؟
الاخت ريم الي كل شهر تطلع تتريق علي الفايزين ممكن حد يعرفني ازاي حد يعمل موضوع ويرد علي نفسه
هو ده مش مخالف للشروط برضه استاذ سمارت ولا دي حضرتك مشوفتهاش النهاردة
Attachment 93881
طبعا ده غير الرد المضحك الي مالوش علاقة بالموضوع اصلا يعني لو حد داخل ياخد معلومة عن احسن تابلت والاقي رد زي ده
هو ان تشتري لاب بيوجعهم وهو تابلت ولا في نفس الوقت وهو يساعدك على ان تجتمع ما بين النساء ينفع يكون مع كلاب
بالذمة والدين ده رد واصلا هو ينفع اني اعمل موضوع واعلق علي نفسي ولا انتوا بتشتغلونا وخلاص
الاخ tamermosa
مواضيعه كلها منسوخة ومحدش من المشرفين قربله المشرفين بس بيشتغلوا علي التبليغات غير كده لا
اغلبية الاعضاء هنا بتنسخ كوبي وبيست ومعروفين جدا ومحدش فيهم اتعاقب
ممكن حد يوضحلي ليه
-
اولا انا بشكرك انك بتحاول تبين الصح و الحق و حتى لو على حسابى انا شخصياً و بدعوك الاستمرارية و لو عندك دليل لاى تحايل يا ريت تقدمه للمشرفين
ثانيا انا معرفكش و الله انت مين و معنديش مشكلة أنى اوضحلك
انا بعتذر طبعاً عن الأخطاء الإملائية بسبب الاوتو كوريكت اكيد خطأ مش مقصود و كل الناس بتغلط ... لا انا نسخت و لا تبادلت لايكات عشان تيجى تصرخ و تعمل حوار و بعد كده انت سايب مواضيعى إلى تعبان فى كتابتها و جاى تولول على خطأ إملائى ؟! ... طاب خليك حقانى و أبرز الحق ياخى كنت هحترمك اكتر
طبعا بالنسبة للرد على نفسى انا مبعملش رد انا بعمل توضيح أو إضافة قصيرة سريعة و عملتها فى اكتر من موضوع مش الموضوع دا بس ...و الاوتو كوريكت هو الى عدل كلمة "يوجا تاب " ب"بيوجعهم" ... و كلمة "الاثنين" ب "النساء" .. و رغم أنه اوتو كوريكت بس برضو انا كان لازم اراجع المشاركة حتى لو هى سرعة و قصيرة
و زى منتا قولت المشاركة التانية مبتتحسبش على نفس الموضوع ، ان انا عاملها مش بغرض التربح منها و إنما بغرض الافادة ...
و فعلاً انا كنت محتاج اشترى تابلت من فترة و اكتشفت حاجة اسمها يوجا تاب و دا عبارة عن لاب فى تاب و بقول للاعضاء انا عملت ايه بعد سؤالى دا ..يعنى دى حاجة كويسة مش وحشة
لكن نقول ايه ملقيتش فى الورد عيب قولتله يا احمر الخدين هههههه
و مع ذلك مفيش مشكلة بس خليك حقانى زى ما جبت خطأ املائى ليا و اتهمتنى أنى بتحايل ... لازم تعتذر ..لانى لا اتخايل و لا تسرق مجهود حد و لم انسخ او اتبادل لايكات ... و ردى إلى مش عاجبك لو هيضر حد فهو هيضرنى انا و دا بعيد كل البعد عن اى تحايل او أنى اخد حق حد
و مع ذلك انا بعتذر من أجله
فى حاجة اخيرة انت بتقول انى بتريق على الاعضاء الفائزين و دا مش حقيقى ، انا أشارت إلى أن فيه تحايل واضح فى اللايكات و فى النسخ و لم اهزأ بحد لشخصه بالعكس دا فى أشخاص زى Mido 55 قولت ان ردوده جيدة و لكن لايكاته مش منطقية .... و قولت معنديش مشكلة يتم مراجعة الالف مشاركة الأخيرة و لو انا بتحايل من بعد شهر اتنين إلى الاستاذ سمارت أدى فيه فرصة للجميع معنديش اى مشكلة فى ترجيع اى مبلغ انا اخدته من المسابقة و الكلام أمام الجميع
و انا بدأت الرد بانى شكرتك انك بتحاول تبرز الاخطاء حتى لو على حسابى ، بس بنصحك لوجه الله خلى عندك ضمير و خليك حقانى و زى ما قولت الوحش قول الحلو .
و بلاش تتكلم بلهجة فيها تحامل عليا و كأنك متربص اقل حاجة ليا عشان تعمل فيلم و حكاية عيب مش صح كده ... و لو عندك حاجة قدمها للمشرفين معترضتش بس خليك حقانى و تعامل بما يرضى الله
و اى مشرف شايف كلامى حضرتك تقدر تحذف الرد عشان ميزعجش اى حد و لو حضرتك شاكك فى اى تحايل منى تقدر تشرفنى فى حسابى و تراجع كل ردودى و مواضيعى فى مسابقة افضل محتوى و تعيد تقييم الجوائز معنديش اى مشكلة