-
2 Attachment(s)
مراجعة هاتف Huawei Y8p
مراجعة هاتف Huawei Y8p
التصميم :-
الموبايل ده لعُشاق الموبايلات اللي حجمها صغير ووزنها خفيف ..*الموبايل جاي بوزن 163 جرام وتخانة اقل من 8 ملم .. وكمان ابعاده في الإيد صغيرة .. يعني اي واحد إيده صغيرة هيبقى مرتاح جدًا في التعامل مع الموبايل ده بإيد واحدة.
ولما حطيط الموبايل جنب*Note 9S*و Galaxy A31 .. لاقيت فعلًا فرق الحجم بينهم واضح جدًا .. تحس ان الـY8p اخوهم الصغير كده !
الشاشة :-
الشاشة بتيجي بحجم 6.3 بوصة من نوع OLED .. وبجودة FHD+ وبتيجي بنوتش Infinity U فوق .. والشاشة ديه حلوة فعلا.
يعني انا حطيتها جنب Redmi Note 9S والـGalaxy A31*.. طبعا سيبك خالص من شاشة الـNote 9S .. الوانها هتبقى اقل منهم بكتير .. وحسيت ان شاشة الـA31 مُشبعة ومُعززة اوي اوي بالألوان.
الأداء :-
وهنا تبتدي التنازلات تظهر .. الموبايل جاي بمعالج Kirin 710F .. المعالج التقليدي اللي بقينا نشوفه في موبايلات أرخص من هواوي وهونر*زي اخر موبايل راجعناه وهو الـHonor 9X Lite*واللي سعره اقل من 3000 جنية.
وبالتالي وجود المعالج ده بالسعر ده عيب .. بس هواوي كانت مضطرة تعمل ده .. مقدرتش تحط معالج اعلى علشان تحافظ على الفئة السعرية اللي الموبايل ده محطوط فيها.
عوامل الأمان وعناصر اخرى :-
البصمة مُدمجة بالشاشة .. مقارنتًا بالفئة السعرية اللي الموبايل ده فيها .. فهي اسرع بصمة .. احسن من بصماتسامسونج*بمراحل .. بس هي ساعات قليلة ممكن تغلط وتحتاج تشيل صباعك وتحطه تاني على البصمة .. والـFace Unlock صاروخي .. حلو جدًا وفعلًا هتعتمد عليه.
البطارية :-
ويمكن يكون ده تاني تنازل .. بطارية هنا بحجم 4000 مللي أمبير .. سوفت وير هواوي موفر وكل حاجة .. بس بقينا بنشوف بطاريات اكبر في الفئة السعرية ديه .. بس عمومًا البطارية هتكمل معاك 6 ~ 7 ساعات شاشة مفتوحة في يوم من الاستخدام.
الكاميرات :-
الكاميرات تقليدية شوية .. الخلفية ثلاثية .. الأساسية 48 ميجا بيكسل فتحة عدسة F/1.8 والعدسة التانية 8 ميجا بيكسل فتحة عدسة F/2.4 للتصوير الواسع .. والاخيرة 2 ميجا بيكسل للعزل .. مفيش عدسة ماكرو هنا.
والسيلفي 16 ميجا بيكسل بفتحة عدسة F/2.0 .. السوفت وير بتاع الكاميرات فيه Night Mode في الكاميرا الخلفية وفي الكاميرا السيلفي.
بص من الأخر، الكاميرات هنا .. مش اقوى حاجة في الموبايل .. يعني مش هقولك ان الموبايل ده بيقدم أفضل كاميرا خلفية بسعره .. لا هو الكاميرات متوسطة .. الألوان بتميل اكتر لإنها تبقا حقيقية .. والتفاصيل مقبولة طول ما الإضاءة عالية.
Attachment 93776Attachment 93777
-
اعلنت شركة هواوى عن هاتف هواوي y8p من فتره قريبه وهو هاتف جديد ينضم لسلسه ال Y المتميزه وابرز واهم مواصفات الهاتف ده هو مايلى الشاشة والهاتف بيجى مع شاشه بحجم 6.3 بوصة وهى من نوع OLED بدقة 1080×2400 بجودة FHD+
والهاتف كمان المعالج اللى بيحى مع الهاتف معالج فوق المتوسط وهو المعالج كيرين 710F ثماني الأنوية بدقة وبتكنولوجيا تصنيع 12 نانو متر ومعالج الرسوميات اللى بيجى هو مالي جي G51 MP4 والهاتف ياتى مع حجم زاكرة عشوائية كبيره جدا بحجم 6 جيجا بايت والذاكرة التخزينية حجمها 128 جيجا بايت والهاتف بيجى مع كاميرا خلفيه ثلاثية العدسه بدقه 48+8+2 ميجا بيكسل والكاميرا الأمامية بدقه 16 ميجا بيكسل واللبطارية تاتى بسعه كبيره حيث انها تأتى بسعة 4000 مللي أمبير. تقبلو مرورى احبتى والله الموفق
-
مواصفات هاتف Huawei Y8p
Huawei Y8p يأتي بمواصفات متوسطة تشبه بشكل كبير للطراز السابق Huawei Y6p ومع ذلك يضم شاشة ممتازة من نوع OLED مقاس 6.3 بوصة بدقة FHD +. يحتوي الهاتف على ماسح ضوئي لبصمات الأصابع أسفل الشاشة. علاوة على ذلك الشاشة تأتي بتصميم الـ Waterdrop في الجزء العلوي والذي يضم بداخلة كاميرا السيلفي بدقة 16 ميجابيكسل.