مراجعة حول اركب ايه من الجيزة

تعد محطة الجيزة من اشهر المحطات فى مصر و ناس كتير بتنزل منها مش عارفة تركب ايه و ايه ارخص حاجة و خاصة الناس غالباً بتبقى جاية من السفر و تعبانة و مرهقة و مقروفة
و عايزة احسن و اسهل و اسرع حاجة

لو طلعت من محطة الجيزة من ناحية المترو


لو انت رايح رمسيس فانت قدامك حلين .. ياما تركب عربية فلوكس صغيرة توديك ميدان الجيزة نفسه و من هناك هتلاقى عربيات رمسيس
كذلك الدقى او جنينة الحيوانات


او يبقى حظك حلو و هتلاقى اتوبيسات أو ميكروباصات اول ما تطلع من ناحية B-tech على طول .. و مش مستاهلة تاكسى أو اوبر لانك هتنزل على الطريق


لو انت رايح اكتوبر او الهرم ، فانت هتضطر تعدى الناحية التانية و لازم تخلى بالك من العربيات ، و من هناك لو رايح حتة قبل المريوطية يُفضل تاخد عربية فلوكس صغيرة ..

لو رايح اكتوبر قدامك طريقين ياما تستنى اتوبيسات اكتوبر و دى بتعدى كل ساعة تقريباً
ياما تاخد فلوكس صغير ينزلك عند موقف المريوطية تاخد من هناك عربيات اكتوبر

لو رايح اى حتة مش على الرئيسى و معاك شنط كتير يُفضل تحمل تطبيق كريم او اوبر و تطلبه افضل من التاكسى و افضل من الميكروباص الصغير لانك هتتبهدل





https://forex-arabic.com/customavatars/1715706159.pngمركز الخليج

وفي هناك وسيله اخرى احبابي في الله قد نسيتها وهي انك تركب المترو وعندما تركب المترو تستطيع ان تذهب لاي مكان بسهوله حتى لو هتروح مكان بعيد جدا ممكن تركب المترو تغير في النصف يعني انا مثلا كنت رايح محافظه المطريه واركب الشهداء وغيرت من هناك الى محطه المطريه وكان الموضوع سهل وبسيط جدا