مراجعة فيلم خط دم

مراجعة فيلم خط دم

الفيلم يحكي عن الطفل مالك في غيبوبة بعد تعرضه لحادث بسيارة والده نادر تسبب فيها أخيه رامي دون قصد ويحاول نادر ولميا والدة مالك إعادة الطفل للحياة فيلجأون لحل ولكن للأسف الحل دة بيدخلهم فى مشاكل؟ ف اية أللى هيحصل ؟ وأية هي سر الحادثة اصلا؟

من الجيد ان هناك أفلام رعب و ابتدينا نهتم بيها لأن الفيلم بيميل لعالم مصاصين الدماء وهذه فكرة كويسة جدا يعنى الفيلم بيخش فى تصنيف الرعب/الغموض/الاثارة

مشكلة السيناريو هي عدم بناء العالم دة أللى إحنا داخلينه دة أصلا لا بناء أحداث و لا تصرفات ولا دوافع مفهومة ولا رسم ولا بناء شخصيات يعنى عمود الفيلم كان تقريبا غايب و بيرمي شوية شخصيات مساندة غير ابطالنا الرئسيين مالهمش لازمة تقريبا ومش موجود أصلا العمود دة هو بس ممكن فى الأول يسببلك شوية ارباك وبعد كدة هتلم الدنيا لوحدك و كدة كدة دة مش من أهم أولويات أفلام الرعب آوي

للأسف الفيلم على مستوى الرعب مفيش ولا مشهد قدر إنه يرعب فيه ودة مكنتش حاطط أمل كبير عليه لأن كدة كدة كل ديه تجارب... غير كدة كمان بتبقى كل shot متوقع لأن المخرج رامي ياسين فى أول تجربة الاخراجية متأثر جدا جدا جدا من كل الافلام الرعب الأجنبية فى مستوى إخراجها اللى هي أصلا ماتفعش معانا ومش مناسبة الأجواء المصرية بشكل عام... بل كمان متأثر بيها لدرجة الكدرات بتفكرك ب حاجات كتير
وبالنسبة للغموض للأسف السؤال اية سر الحادثة؟ اللى هي قايمة على أساسيات حبكة الفيلم... السؤال دة بيتجاوب عليها فى جملة واحدة... يعنى الكسل كمان وصل إن معرفش ليه الحكاية وصلت ل كدة... مع إن المفروض شغله توريني دة فى شكل فلاش باك أقل حاجة كمخرج

وبالنسبة للإثارة و دة بقى اللى تقريبا شال الفيلم شوية لحد النص الاول فقط... ودة بسبب الموسيقي اللى حقيقي كانت كويسة وكانت بتخليني فى ترقب... واسلوب الإضاءة والتصوير اللى كانوا كويسين ويمكن فيه مشهد أو اتنين حسيت بيهم بتقزز وأنا بتفرج ودة كويس جدا

نيللى كريم: يمكن هي الافضل فى الفيلم بس برضه أقل بكتير جدا جدا جدا من اللى يطلع منها

أول تجربة إخراجية ف ممكن اقارنه بمثلا مخرج فيلم الحارث إنه أفضل منه بكتير على الاقل فى النص الاول من الفيلم قدر إنه يديني منتج مقبول أو يسبب شوية اثارة كويسين أو التقزز... و لكن النص الثاني للأسف كان كله تقليد ونسخ وكسل ومنتج سئ جدا وبشكل عام دة مش كلام محبط هي الفكرة لو فيه اجتهاد اننا نعمل أجواء رعب مناسبة على الاقل على الاقل يعنى زى الفيل الازرق ممكن نتحسن كتير أو على الاقل آكتر نركز على الأساسيات اللى نقدر نعملها وبس هناخد خطوات أفضل

الحقيقه انا مشوفتش الفيلم لكن شوفت الناس بتتكلم عليه بشكل سلبى جدا لدرجة ان شوفت تعليق من واحد بيقول انه اول فيلم رعب
ميكونش فيه ولا مشهد مرعب , مع الأسف تجربة الرعب فى مصر والعالم العربى ناقصها كتير جدا جدا جدا عشان توصل لمستوى
يكون جيد بالنسبه للمشاهد وعلى الرغم من ندرة تجارب الرعب الا ان مفيش غير بعض الاعمال القليله جدا اللى نجحت او شخصيا
شايفها وصلت لمستوى جيد بالنسبه للرعب ومعظمها حاجات منسيه ومخدتش صدى كبير , على راسها مسلسل ابواب الخوف للنجم
عمرو واكد معرفش المسلسل ده ليه مش واخد حقه , بعديه فيلم كامب كان من التجارب اللى تعتبر جيده , اخيرا مسلسل كفر
دلهاب للنجم يوسف الشريف كان برضه تجربه تعتبر جيده , غير كده الحقيقه بتكون حاجات وتجارب طفوليه جدا

بسم الله الرحمن الرحيم من الافلام التي لها جاذبيه كبيره عند المشاهد هي افلام مصاص الدماء ودائما تتواجد في الافلام الاجنبيه فقط ولكن اضافه رامي ياسين بصمه وتجربه حيه في هذا الفيلم وهو فيلم خط دم حيث قام بتمثيله ظافر عابدين ونيللي كريم وهما يلعبان دور الزوجين ولديهم ولدان توأمان يتعرض واحد منهم الي حادث خطير يتركه في غيبوبه طويله شبه ميت وقد يحاول الوالدان طرق غامضه لارجاع ابنهم الي الحياه الطبيعية ولكن طرق يأسه ويقوم باداء اسلوب مريب ومخيف يظهر بشكل واضح بعض استيقاظه من الغيبوبه وظهور تصرفات مخيفه وخفيه وهي تعتبر قصه جميله وفريده من نوعها في الدراما والسينما العربيه حيث اثمرت اول تجربه فيلم عربي يعرض مصاص الدماء وقد شجع عنصر التحدي في انتاح واخراج الفيلم وترك بصمه رائعة في مجال الدراما العربيه. تمنياتى للجميع بالتوفيق

السلام عليكم ورحمة الله وبركاته الفيلم يحكي قصة زوجين نادر ولميا اللذين يدخل أحد أبنائهما التوأم في غيبوبة جراء حادث سيارة وتستمر الغيبوبة لثمانية عشر شهرا بلا أمل في أن يفيق فيقررا أن يحولاه لمصاص دماء حتى يموت ويعود للحياة مرة أخرى وهو ميت وأثناء عملية رسترة الطفل يفيق من الغيبوبة وتتوالى الأحداث داخل الأسرة وتحدث مواقف بين الطفلين التوأم وبين والديهما وبين الأسرة بشكل عام وبين الأغراب حتى ينتهي الفيلم أخيرا قبل عرض الفيلم تواترت الأخبار عن أول فيلم عربي يتعرض لموضوع مصاصي الدماء وصرح ظافر العابدين بأنه تحمس للمشاركة في الفيلم لأنه دور جديد بالطبع فلم يسبقه في أداء دور مصاص الدماء من قبل سوى أحمد عدوية في فيلم المقاولات السبعيناتي انياب وكان فيلما كوميديا بالطبع انتظرنا أن يكون خط دم فيلم رعب وتشويق درامي ولكن ما حدث في الفيلم كان مفاجأة حقيقية نيللي كريم يمكن تصنيفها كواحدة من أهم وأنجح فنانات جيلها والتي دوما ما تحقق نجاحات درامية وسينيمائية كانت بطلة هذا الفيلم الغريب أننا لا نعرف بالتحديد لماذا قبلت نيللي هذا الفيلم هل ليقال إن أول فيلم مصاصي دماء كان بطولة نيللي كريم هل لأنها حسبت أن أناقتها وشياكتها وجمالها الفتاك بصدق وليس سخرية سوف يمنحها صك الغفران للتمثيل بهذا الفيلم ثم لماذا ظافر العابدين الرجل لا يمتلك أي موهبة سوى التسبيل الرومانسي وأثبت ذلك بتفوق طوال مشواره الفني فلماذا تضعونه في هذا الاختبار الصعب ثم الطفلين التوأم اللذين يعتبر أحدهما محور الفيلم لماذا لم تختاروا توأمين يجيدان التمثيل الفكرة ليست فقط في أن تأتوا بطفلين متشابهين فلماذا فعلا لم تنتظروا حتى تعثروا على طفل يجيد التمثيل