حاول قبل أن تسأل سؤالك الكريم .. أبحث عن الإجابة بنفسك
يعنى : خليك نشيط واتحرك وابحث عما تريده
بلاش كسل .. بلاش خمول .. بلاش تقعد مرحرح ، وعايز كل شئ يجى لك عالجاهز
المفروض إن دى بدايتك فى شغل الفوركس
فإن كانت بدايتك كسل وخمول ورحرحة
يبقى لازم تشد حيلك وتتحرك وتتلحلح
الموضوع كبير .. لكنه سهل .. ونرجع تانى ونقول : الموضوع أكبر مما تتخيل
ومحتاج جهد ومجهود ( منك ) و ( من جواك )
اسمعوا يا حبايبى يا غاليين
على أد ما تدى له من مجهود .. هيديك ربح ومكسب
عايز تكسب دولار ؟؟؟ يبقى تتعب بما يوازى دولار
ولو
عايز تكسب ألف دولار .. يبقى تتعب بما يوازى ألف دولار
الفوركس لا محتاج شطارة ولا نصاحة ولا فزلكة ولا حفلطة
محتاج جدية وصدق والتزام .. وبحث ودراسة وممارسة وعمل دؤوب
فى اللى بيقعد يبحث ويدرس فى الفوركس ده ، ساعة وساعتين كل يوم
وفى
اللى بيقع من الكرسى ، من كتر التعب والجهد والإجهاد .. أيام وشهور وسنين
حضرتك .. مين فيهم بقى ؟؟؟ أو بمعنى أصح :
حضرتك عايز تبقى إيه ؟؟؟ وتوصل لإيه ؟؟؟
عايز توصل لأرباح كويسة ؟؟؟
يبقى تمشى الطريق صح
الطريق مش مفروش بالورود والرياحين .. لا وألف لا
لكن ماهواش مفروش بالشوك كمان ..
لكن الطريق ، كله مطبات وكله حجارة .. وفى حتت فى الطريق ( مزحلقة )
عايز توصل ؟؟؟
يبقى تخلى بالك من المطبات .. وترفع الحجارة .. وتفتح عنيك ، لا تتزحلق
يالا بقى .. لحظة صدق مع نفسك .. وشد حيلك .. وأفتكرنى بدعواتك الجميلة
ولك منى
أصدق وأجمل أمنياتى ، بالربح الوفير والبركة فيه .. يارب
للمتابعة : شرفونا بزيارة الـ
الصــ الشـخصـية ــفحـة
للإطلاع على باقى أجزاء الموضوع .. وموضوعات أخرى هامة
مع أصدق وأجمل أمنياتى لكم بالأرباح .. و
تحياااااااااااااتى
ومش هاعتذر عن الإطالة .. لأ لأ مش هاعتذر