تعالوا نتعلم برمجة خطوة خطوة

[ahscience2007]

حتكتبو كده

double x,y,w,z1,z2,z3,z4
x=5
y=10
w=2
z1=x+y+w
z2=x*y
z3=x/y 
z4=z2+z3

صح يا باشا؟

أيوة كده صح زي ما شرحت في الدرس الاول العدد الصحيح نخزنه في مخزن انتجر......والعدد العشري الذي به ارقام بعد الفاصلة نخزنة في مخزن دبل

مثال جديد

اكتب برنامج يجمع عددين حقيقيين

الخطوة الأولى نعرف الكمبيوتر أسماء المخازن

double ax,by,sum

الخطوة الثانية نعرف الكمبيوتر القيم العددية التي سنخزنها في هذهالمخازن

ax=0.05
by=1.256
الخطوة الثالثة نعرف الكمبيوتر العملية الحسابية التي سيتم اجرائها على هذين العددين ونعرفه أيضا السم المخزن الذي سيتم حفظ الناتج داخله

sum=ax+by
وبذلك يكون قد انتهى البرنامج حيث سيقوم الكمبيوتر بتنفيذ هذه العملية ويخزن النتيجة داخل المخزن
sum
إذن البرنامج في صورته النهائية يتكون كالتالي:

double ax,by,sum

ax=0.05
by=1.256
sum=ax+by

سؤال

هل ينفع أخزن عدد صحيح داخل مخزن معرف على انه عدد حقيقي؟
أيوة ينفع لأن كل عدد صحيح يعتبر عدد حقيقي أما العكس لأ. وطبعا النقطة دي مهمة جدا جدا جدا...ليييييييييييييه ؟!!!!!!!!
لأنك لو عملت اكسبيرت وطلبت من الكمبيوتر يفتح لك مخزن تضع فيه حجم الصفقة(Lot) وعرفت المخزن ده على إنه عدد صحيح كالتالي:

int Lot
Lot=0.1

هتشغل الاكسبيرت من غير أي مشاكل برمجية ولا ايرور(error) وكل حاجة تمام لكن الاكسبيرت مش هيفتح ولا صفقة لأنه كل مرة يقرا قيمة اللوت على انه 0........وطبعا ده بيعمل مشاكل كتير في الحسابات فلو واحد جعل اللوت =1.35 الكمبيوتر هيقراه على انه 1.00 لأنه حذف الأرقام التي بعد الفاصلة وبكده هيغير حساباتك خالص في ادارة رأس المال وحساب الربح والخسارة وهكذا
طبعا حل المشكلة دي انك تعرف اللوت على انه عدد حقيقي

double Lot
Lot=0.1

---------- Post added at 10:07 AM ---------- Previous post was at 10:06 AM ----------

أنا ماشي معاكم واحدة واحدة من الصفر
وانا منتظر تأكيد إن الكل فاهم علشان أشرح آخر حاجة في اساسيات البرمجة قبل ما أبدأ بالدخول في صلب الموضوع وهو عمل اكسبيرت

[Eyadoo]

لحد الآن فاهم كل حاجة تمام
كمل يا زعيم
انت رائع
حتى اللي مالوش علاقة بالحاجات دي
حيفهمها على طول

[ahscience2007]

المثال الأخير

اكتب برنامج يجمع من 1 الى 5

الحل

int x1,x2,x3,x4,x5,sum;

x1=1;
x2=2;
x3=3;
x4=4;
x5=5;
sum=x1+x2+x3+x4+x5;

تمام....مفيش حاجة جديدة!!!!!

طيب اكتب برنامج يجمع من 1 الى 500

مشكلة صح؟

مفيش مشكلة ولا حاجة احنا ممكن نعمل البرنامج ده ويكون كمان أصغر من البرنامج السابق.......ازاي؟!!!!!!
باستخدام حاجة اسمها الحلقات التكرارية التي وظيفتها تكرر أمر عدد المرات التي تريدها
نطبق الكلام ده على المثال السابق وهو جمع الاعداد من 1 الى 5 باستخدام الحلقات التكرارية

int sum;
sum=0;

for(int i=1; i<6; i++) g
}
sum=sum+i;
{

شرح الكود

1- عرفنا مخزن انتجر اسمه
sum
2- كتبنا جملة for
والتي مهمتها تكرار الأوامر المكتوبه داخلها وشرح عملها كالتالي

int i=1

ممكن نسميه العداد أو التكرار بتاع الحلقة التكرارية أول قيمة له 1
i<6
معناها إن جملة
for
هتكرر الأوامر داخلها طالما آي أقل من 6
++i
يعني كل لفه للحلقة
for
زود قيمة
i
بمقدار واحد
sum=sum+i
هذه هي الجملة التي سيتم تكرارها طالما آي أقل من 6

وفي النهاية سيتم جمع الاعداد المطلوبة وتخزينها في المخزن
sum

أهم حاجة انكم تعرفوا ان في حاجة اسمها جملة
for
هنستخدمها في البرمجة ان شاء الله ووظيفتها تكرار ما بداخلها عدد معين من المرات
أتمنى ان تكون اتفهمت

[forex man]

كلنا متابعين معاك اخى الكريم
ومنتظرين بقيه الدروس تحياتى

[ahscience2007]

الناس ما شاء الله بدأت تتفاعل وتشارك معايا......وده بصراحة بيشجعني جدا جدا....وكل ما أدخل على الموضوع والاقي ردود وتسجيل متابعة وناس تقول تمام فاهمين....بتشجعوني انني ادخل في الخطوة التالية......وان شاء الله الدرس القادم سيكون البداية الفعلية في برمجة الاكسبيرتات ان شاء الله وباذن الله الكل هيكون متابع وفاهم والامور سهلة جدا باذن الله

[Eyadoo]

حجرب أكتب برنامج بيجمع من 1 إلى 500

int sum;
sum=0;
for(int i=1; i<501; i++) g
}
sum=sum+i;
{

بس رمز
g
على ماذا يدل؟
والأقواس
}
{
شو فايدتها

[silverfox]

تم النقل للقسم الصحيح
وموضوع رائع استمر اخى الكريم
شكرا على المجهود الواضح

[ahscience2007]

حجرب أكتب برنامج بيجمع من 1 إلى 500

int sum;
sum=0;
for(int i=1; i<501; i++) g
}
sum=sum+i;
{

بس رمز
g
على ماذا يدل؟
والأقواس
}
{
شو فايدتها

الرمز
g
كتبته خطأ المفروض يحذف

الاقواس في جملة
for
{
........
.......
.......
}
مهم جدا لأنه يكتب داخله كود الاوامر التي سيتم تكرارها
وأنا شرحت تركيب جملة
for
ارجع للشرح مرة أخرى وانت تفهمها أفضل

---------- Post added at 09:49 PM ---------- Previous post was at 09:48 PM ----------

تم النقل للقسم الصحيح
وموضوع رائع استمر اخى الكريم
شكرا على المجهود الواضح

اشكرك على التشجيع...وبارك الله فيك.....ان شاء الله بعد نهاية هذا الموضوع سيكون المتابعين قادرين على كتابة كود اكسبيرت بأنفسهم

[realyone]

بسم الله الرحمن الرحيم
سأبدأ معكم دروس متتالية في تعلم البرمجة من الصفر حتى الوصول الى المستوى الذي يؤهلك لأن تبرمج اكسبيرت كامل لوحدك .....بمعنى إنك لو عندك فكرة معينة أو استراتيجية معينة وعايز تجربها ....ممكن تعمل لها اكسبيرت خاص بيك وتجربها.....وهذا ما سنتعلمه معا في هذه الدورة ان شاء الله

متابع معك اخي ,لأني مهتم لمعرفة طريقة برمجه اكسبيرتات ولاني حاولت من قبل برمجة اكسبيرت ولم انجح في ذلك,وشكرا على الموضوع جعله الله لك في ميزان حسناتك

[ahscience2007]

هذا مثال أسهل

for ( int i=1; i<100; i++) 
}
افتح صفقة هههههههههه
{

الكمبيوتر أول ما يشوف الكود ده.....هيعمل الاتي:
1- يفتح مخزن في الذاكرة ويسميه

i

ويضع فيه القيمة 1
2- هل i<100
نعم.....اذن ينفذ الكود داخل الحلقة وهو فتح صفقة
3- يكرر هذه العملية وكل مرة يزود قيمة
i
بمقدار واحد الى أن تصل قيمة
i
الى 100
ساعتها يخرج الكمبيوتر خارج الحلقة ولا يفتح صفقات جديدة لأن الشرط
i<100
لم يتحقق.

على فكرة بالنسبة للكود السابق ممكن البرنامج يطلع من الحلقة قبل ما يكمل 100 صفقة في حالة واحدة بس وهي
.
.
.
.
.
.
.
.
ان حسابك بقي صفر من كتر الصفقات المفتوحة