مهم جداً إنك تختار وقت ضبط ضغط الهواء في إطارات سيارتك إنه يكون أول حاجة تعملها قبل أي مشوار و العجلات باردة و دي توصية من صانعي السيارات و منظمات و جمعيات السلامة العالمية
و ده علشان ضغط الهواء بيختلف بنقص أو زيادة درجة الحرارة و بالتالي بعد مشوار طويل -كمثال- محاولة ضبط ضغط الهواء هتكون غير دقيقة.

و علشان تحافظ على معدل إستهلاك بنزين أقل و لإطالة عمر الإطارات, يفضل مراجعة ضغط الهواء مرة كل أسبوع أو أسبوعين. (ممكن تربطها بملئ البنزين علشان يبقى في نفس المشوار)

و حاول تختار بنزينة فيها جهاز ضبط ضغط الهواء الأتوماتيكي الديجيتال, لضمان ضغط هواء مظبوط في الإطارات بالتساوي (سواء الاربعه زي بعض او حسب توصية الصانع) و بالتالي الحفاظ على إتزان السيارة و خاصة على السرعات.