Thread: 
Subscribe
خطأ يقع فيه الكثير من المتداولين اثناء السحب يؤدي الي فشل السحب
السلام عليكم ورحمة الله وبركاته
في خطأ بسيط وقعت فيه اكتر من مرة بيؤدي الي فشل السحب طبعا الكلام علي حسابات حملة البونص
الخطأ هو سحب الحد الاقصي المسموح بيه للسحب ثم الدخول في صفقات قبل انتهاء عملية السحب
والسبب هو انك مثلا لو معاك 100 دولار بونص وحققت منهم ارباح 50 دولار وسحبت ال 50 دولار يبقي لازم تنتظر ولا تدخل اي صفقات حتي يتم عملية السحب ويوصلك التحويل
لانك ببساطة لو دخلت علي صفقات حتي لو محققتش ارباح وفضلت علي نقطة الدخول يبقي انت خسرت جزء من البونص اللي هو السبريد
وبالتالي السحب هيترفض بسبب ان البونص حصل فيه عجز وهيرجعلك السحب مرة تانية علي الرصيد في المنصة برسالة اسمها
refund:not enough funds
طبعا لو حظك كويس وقدرت تحقق ارباح من الصفقة او الصفقات اللي دخلتها بعد طلب السحب يبقي حظك كويس وسحبك هيوصلك بدون مشاكل
لكن من الافضل انك تسيب جزء من ارباحك عشان تقدر تتداول بالبونص وانت في امان حتي لو ارتد عليك السعر ميوصلش لاساس البونص وياخد منه
وبالتالي يترفض السحب وترجع تطلبه من جديد ويضيع عليك وقت يومين او تلاتة وانت ممكن تكون محتاج الفلوس في حاجة مهمة
