السلام عليكم
فى السنوات الاخيره بدء يظهر بعض المؤشرات داخل استراتيجيات عباره عن اسهم او نقاط تشير الى تكوين قمه او قاع فى هذا المستوى
على الاغلب هى مؤشرات تشبه الزجزاج فى توقعه للقمم والقيعان ولكن الصوره النهائية للمؤشر على الشارت لا تمثل حقيقة المؤشر لانه للاسف يعيد رسم نفسه
بالتالى انت لما بتاخد من حد استراتيجة عباره عن اسهم للدخول فى الصفقات وتحط المؤشر على الشارت بتنخدع فى المؤشر وتتخيل ان معظم الفرص بتاعته رابحه
لكن الامر غير كدا
يعنى مثلا المؤشر لو تابعته اونلاين هتلاقيه جه عند مستوى معين وتوقع قمه واول مالسعر يكسر السعر دا لاعلى هتلاقى السهم اختفى وظهر عند المستوى الاعلى واذا تم كسر المستوى الجديد هينتقل السهم للمستوى اللى بعده ونفترض ان المستوى اللى بعده نجح فى مقاومة السعر ومنع صعوده هينزل السعر وهيثبت السهم مكانه
دا اللى هتشوفه لو تابعت المؤشر اونلاين مع حركة السوق
وساعتها هتفهم ان معظم الاشارات الموجوده امامك هى اشارات غير حقيقية وغير معبرة عن حقيقة المؤشر